Մուտք

Invalid username or password

Մոռացե՞լ եք գաղտնաբառը

Ռաֆայել Աբրահամյանը նշանակվել է Rambler@Co-ի գործադիր տնօրեն

Վերադարձ լուրերի բաժին

Խորագրեր

Դեմքեր

18:42 , 01 Սեպտեմբեր 2015

Հայազգի Ռաֆայել Աբրահամյանը նշանակվել է Rambler@Co ընկերությունների խմբի գործադիր տնօրեն։ Ինչպես տեղեկացնում է ընկերության պաշտոնական կայքը, Ռաֆայելը պատասխանատու է լինելու Rambler@Co-ի գործառնական և ռազմավարական զարգացման համար՝ շեշտը դնելով նոր նախագծերի թողարկման արդյունավետության և արագության վրա։

2012 թվականից Ռաֆայելը վերահսկում էր A&NN ֆոնդի տեխնոլոգիական և ինտերնետ ակտիվները։ Նշենք, որ A&NN ֆոնդը կառավարում է Ալեքսանդր Մամուտին պատկանող բոլոր ակտիվները (Մամուտը Ռուսաստանի ամենահարուստ գործարարներից մեկն է՝ 2.3 մլրդ դոլար կարողությամբ)։

Ռաֆայել Աբրահամյանը ակտիվ դերակատարություն է ունեցել СУП Медиа և Рамблер-Афиша ընկերությունների միաձուլման գործընթացին, որի արդյունքում էլ հենց ձևավորվել է Rambler@Co-ն։ Գործարքից հետո նա դարձել է ընկերության տնօրենների խորհրի անդամ։

Մինչև A&NN-ում աշխատանքի անցնելը նա աշխատել է СММ ընկերության Ռազմավարության և M&A դեպարտամենտում (СММ-ը կառավարում է активами АФК «Система»-ի ակտիվները), ինչպես նաև PricewaterhouseCoopers ընկերությունում։

«Վերջին 2 տարիների ընթացքում ես բավականին խորն եմ ընկղմվել Rambler&Co ընկերությունների խմբի բիզնեսում՝ ընկերության ղեկավարի ներկայացուցչի և տնօրենների խորհրդի անդամի պաշտոնում։ Գործառնական կառավարման անցնելը ինձ համար հետաքրքիր մարտահրավեր է, բայցև տրամաբանական հաջորդ քայլ։ Ընկերությունը հավակնոտ խնդիրներ է իր առջև դրել, և ես ուրախ կլինեմ առավելագույն ջանքեր ներդնել դրանց իրականացման համար։ Առավելևս, ինձ այդ գործում օգնելու են ընկերության աշխատակիցները, որոնք ապացուցել են, որ ունակ են հաջողության հասնել անգամ այսօրվա անկայուն շուկայում», – ասել է Աբրահամյանը։

Նշենք, որ Ռաֆայել Աբրահամյանն ավարտել է Մոսկվայի պետական համալսարանի տնտեսագիտության ֆակուլտետը, ունի ՌԴ ֆինանսական ակադեմիայի մագիստրոսի կոչում և HEC Paris բիզնես-դպրոցի Master of Science in Finance աստիճան։

ԱՄԵՆԱԿԱՐԴԱՑՎԱԾ ԼՈՒՐԵՐ

ՏԵՍԱՆՅՈՒԹ: Ուկրաինան և Հայաստանը միմյանց հետ գրեթե չունեն տնտեսական հարաբերություններ

Ուկրաինայի հայերի միության նախագահ Վիլեն Շատվորյանը b4b.am կայքի հետ բացառիկ հարզազրույցի ընթացքում խոսել է երկու երկրների տնտեսական և քաղաքական կապերի ու համայքի հեռանկարների մասին: Նա նաև ուղերձ է հղել Հայաստանի կառավարությանը:

Դարաշրջանի ավարտը Google-ի համար

Google-ի հիմնադիրներ Սերգեյ Բրինը և Լարի Փեյջը հեռանում են Alphabet ընկերության ղեկավար պաշտոններից:

ՏԵՍԱՆՅՈՒԹ: Իլոն Մասկը 750 միլիոն դոլար է կորցրել դագաղանման ամենագնացի պատճառով

Տեսլայի նոր մոդելի ներկայացման ժամանակ պատահածը հարվածել է ընկերության արժեթղթերի գնին: