Մուտք

Invalid username or password

Մոռացե՞լ եք գաղտնաբառը

«Պետք է հստակ տարանջատենք իշխանությունն ու բիզնեսը»,- ՀՀ վարչապետ

Վերադարձ լուրերի բաժին

15:51 , 12 Փետրվար 2019

Հայաստանի Հանրապետությունում անցում է տեղի ունենում գերկենտրոնացված համակարգից ապակենտրոնացված համակարգի:Այդ մասին փետրվարի 12-ին Ազգային ժողովում, պատասխանելով պատգամավորների հարցերին, ասաց ՀՀ վարչապետ Նիկոլ Փաշինյանը:

«Երբ նկարագրում էի հեղափոխության հաղթանակի փուլերը, ամենակարևոր, շրջադարձային կետը համարեցի ապակենտրոնացումը, ես դա ասում էի հենց նաև տնտեսական կյանքի կազմակերպման և կառավարման իմաստով: Ըստ էության, ես կխոսեի որոշակի դե ֆակտո և դե յուրե լիազորություններից հրաժարվելու անհրաժեշտության մասին: ՀՀ-ում անցում է տեղի ունենում գերկենտրոնացված համակարգից դեպի ապակենտրոնացված համակարգ, և այս ընթացքում մենք, իհարկե, կունենանք բազմաթիվ հարակից էֆեկտներ, բայց, ընդհանուր առմամբ, սա ճիշտ ռազմավարություն է, որովհետև ապակենտրոնացման տրամաբանությունը համապատասխանում է նաև ժողովրդավարության և լիազորությունների որոշակի պատվիրակման տրամաբանությանը»,- ասաց Փաշինյանը:

ՀՀ վարչապետը նշեց, որ կարևոր է իշխանության և տնտեսական գործունեության տարանջատումը:«Մեր կառավարության համար շատ կարևոր է ոչ անհրաժեշտ կարգավորումներից հրաժարվելը: Բայց ես նաև նկատի ունեմ ստվերային կարգավորումները: Շատ կարևոր է մեզ համար իշխանության և տնտեսական գործունեության տարանջատումը: Որովհետև, եթե լիազորությունների ու փիլիսոփայության մեջ մնան տեղական ինքնակառավարման մարմինները, խնդիրները ինքնըստինքյան կլուծվեն, որովհետև խնդիրներն առաջանում են այն ժամանակ, երբ քաղաքապետը կամ վարչապետը, կամ նախարարը մրցակից է տնտեսական որոշակի ոլորտում որևէ այլ տնտեսավարող սուբյեկտի հետ:

Ապակենտրոնացման մեր տրամաբանությունը հետևյալն է՝ ռիսկեր չկառավարող կարգավորումներից մենք պետք է հրաժարվենք և հստակ տարանջատենք իշխանությունն ու բիզնեսը»,- նշեց վարչապետը:

ԱՄԵՆԱԿԱՐԴԱՑՎԱԾ ԼՈՒՐԵՐ

23.10.2020: Շաբաթական ամփոփ տվյալներ կենտրոնական բանկից

Հոկտեմբերի 12-18-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 33.6 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 33 մլն ԱՄՆ դոլար:

ՊԵԿ-ը հորդորում է եկամտահարկի վերադարձման դիմումները ներկայացնել էլեկտրոնային եղանակով

Համավարակով պայմանավորված՝ ՊԵԿ-ը կոչ է անում հնարավորինս հետևել սահմանափակումներին և հորդորում՝ փաստաթղթերը հարկային մարմին ներկայացնել բացառապես էլեկտրոնային եղանակով կամ անհրաժշետության դեպքում՝ փոստային առաքմամբ:

Ռազմական դրության ժամանակահատվածում սահմանված հարկային արտոնությունները

Լրացուցիչ հարցերի դեպքում կարող եք դիմել ՀՀ պետական եկամուտների կոմիտեի հեռախոսազանգերի կենտրոն՝ 060 544 444 կամ 0 8000 0007 հեռախոսահամարներով։