Մուտք

Invalid username or password

Մոռացե՞լ եք գաղտնաբառը

«Պետք է արագացնենք արտահերթ ընտրությունները, որովհետև ներդրողները սպասողական վիճակում են, և նրանց պետք է երկարաժամկետ քաղաքական տեսլական». Նիկոլ Փաշինյան

Վերադարձ լուրերի բաժին

19:03 , 30 Սեպտեմբեր 2018

ՀՀ վարչապետ Նիկոլ Փաշինյանը չի բացառում, որ խորհրդարանական արտահերթ ընտրությունները տեղի կունենան մինչև տարեվերջ: Այս մասին սեպտեմբերի 30-ին լրագրողների հետ զրույցում նշեց ՀՀ վարչապետը:

«Պետք է արագացնենք արտահերթ ընտրությունները, որովհետև այս ընթացքում բոլոր կարգի բիզնեսի ու տնտեսության ներդրողների հետ շփումներում հասկանում ենք, որ նրանք բոլորը սպասողական վիճակում են, և նրանց պետք է երկարաժամկետ քաղաքական տեսլական, որպեսզի տնտեսության մեջ մենք կարողանանք իրական ներդրումներ ու փոփոխություններ անել: Տնտեսական շահերից է բխում, որպեսզի արագ անենք այդ փոփոխությունները»,- ընդգծեց Փաշինյանը:

Նիկոլ Փաշինյանի խոսքով՝ արտահերթ ընտրությունների հասնելու տարբերակները շատ են, բայց պետք է քննարկումների արդյունքում գտնել դրանցից ամենառացիոնալը:

«Մեր խնդիրը ոչ թե սահմանադրական փոփոխություններ անելն է, այլ հասնելն է արտահերթ խորհրդարանական ընտրությունների: Մենք պատրաստ ենք բոլոր տարբերակները քննարկել: Մենք պատրաստ ենք նաև կառուցողական բանակցությունների: Պետք է հասնենք ամենառացիոնալ տարբերակին: Ակնհայտ է, որ արտահերթ խորհրդարանական ընտրությունները չեն կարող տեղի չունենալ, և ժողովրդի պահանջն է, որ դրանք տեղի ունենան հնարավորինս ամենակարճ ժամկետում»,- շեշտեց ՀՀ վարչապետը:

Անդրադառնալով ներքաղաքական իրավիճակին, Փաշինյանը նշեց, որ Երևանի ավագանու արտահերթ ընտրությունները ցույց տվեցին երկրում տիրող իրական պատկերը:

«Հույս ունեմ, որ Երևանի ավագանու ընտրությունները որոշակի պարզաբանում մտցրեցին քաղաքական իրավիճակում, որովհետև երբ դրանից առաջ նայում էինք մեր մամուլի վերլուծությունները, գիտեք՝ ինչ տպավորություն էր, բայց ընտրությունները ուրիշ պատկեր ցույց տվեցին»,- ասաց Նիկոլ Փաշինյանը:

Բանկերը շարունակում են բնականոն աշխատանքը. ՀԲՄ

Բանկային համակարգն ունի բավարար կապիտալ և իրացվելիություն՝ սպասարկելու տնտեսությանը ֆինանսական անհրաժեշտ ռեսուրսներով։

«Հայաստան» համահայկական հիմնադրամին նվիրաբերության տվյալները

Նպատակ դաշտում պետք է նշել «Մենք ենք, մեր սահմանները, Համազգային դրամահավաք»:

5000 նոր աշխատատեղեր կամ չվարձատրվող արձակուրդից վերադարձածներ

ՀՀ վիճակագրական կոմիտեի կողմից հրապարակված հուլիս ամսվա պաշտոնական թվերը փաստում են, որ 2020թ.-ի հուլիսին գրանցված աշխատողների թվաքանակը հունիսի նկատմամբ նվազել է 554-ով։