Մուտք

Invalid username or password

Մոռացե՞լ եք գաղտնաբառը

Պետական իշխանության մարմինների աշխատողների թիվը կավելանա. ամենաշատ աշխատող ունեցող 10 կառույցները

Վերադարձ լուրերի բաժին

18:45 , 30 Սեպտեմբեր 2018

Վերջին ամիսներին շատ է խոսվում այն մասին, որ ուռճացված պետական համակարգում անհրաժեշտ է կատարել խիստ օպտիմալացում։ Դա նաև պետք է հնարավորություն տա որոշ չափով լուծել ցածր աշխատավարձերի խնդիրը՝ տնտեսված միջոցներն ուղղելով մնացած աշխատողների վարձատրության ավելացմանը։

Սակայն ՀՀ 2019 թվականի պետական բյուջեի նախագծով պետական իշխանության մարմինների աշխատողների թվի կրճատում ոչ միայն նախատեսված չէ, այլ հակառակը՝ որոշակի ավելացում կա։

Այսպես, 2019 թվականին, ըստ բյուջեի նախագծի, պետական իշխանության մարմինների աշխատակիցների թիվը կկազմի 17 665, որը 21-ով ավելի շատ է 2018 թվականի պետական բյուջեով հաստատված թվից։ Միևնույն ժամանակ, պետական համակարգի աշխատողների աշխատավարձերին ուղղված միջոցների չափը չի փոխվում, այսինքն՝ պետական հատվածում աշխատավարձերի բարձրացում նախատեսված չէ։

Նշենք նաև, որ ամենամեծ թվով աշխատողներ ունի Պետական եկամուտների կոմիտեն՝ 2769։ Ստորև նշված են 2019 թվականին ամենից շատ աշխատակիցներ ունեցող պետական կառույցները։

1. ՊԵԿ՝ 2769 (2018 թվականին՝ նույնքան)

2. ՀՀ դատական դեպարտամենտ՝ 2267 (2018 թվականին՝ նույնքան)

3. ՀՀ քննչական կոմիտե՝ 1038 (2018 թվականին՝ 1035)

4. ՀՀ Ազգային ժողով՝ 732 (2018 թվականին՝ նույնքան)

5. ՀՀ աշխատանքի և սոցիալական հարցերի նախարարություն՝ 700 (2018 թվականին՝ նույնքան)

6. ՀՀ դատախազություն՝ 653 (2018 թվականին՝ 629)

7. Սոցիալական ապահովության ծառայություն՝ 623 (2018 թվականին՝ նույնքան)

8. ՀՀ վարչապետի աշխատակազմ՝ 580 (2018 թվականին՝ 600)

9. ՀՀ ֆինանսների նախարարություն՝ 528 (2018 թվականին՝ 548)

10. ՀՀ վիճակագրական կոմիտե՝ 342 (2018 թվականին՝ նույնքան)

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Դատվածություն ունեցողները չեն կարող լինել որոշ ֆինանսական գործառույթ իրականացնող կազմակերպությունների ղեկավարներ

Գործադիրն այսօրվա նիստում հավանություն է տվել «Ապահովագրության և ապահովագրական գործունեության մասին» և հարակից մի շարք օրենքներում լրացումներ և փոփոխություն կատարելու մասին ՀՀ օրենքների նախագծերի վերաբերյալ կառավարության օրենսդրական նախաձեռնությանը: Հիմնավորման համաձայն՝ խնդրին այն է, որ ԿԲ կողմից լիցենզավորվող որոշ սուբյեկտների համար նախատեսված չեն դրանց ղեկավարների և նշանակալից մասնակիցների նկատմամբ հանցագործության համար դատվածություն չունենալու վերաբերյալ պահանջներ: Օրինագծերի […]