Մուտք

Invalid username or password

Մոռացե՞լ եք գաղտնաբառը

Պետական գնումներ. Հայաստանը կվերացնի ԵԱՏՄ մասնակիցներին տրվող նախապատվությունը

Վերադարձ լուրերի բաժին

11:29 , 06 Փետրվար 2017

Տեղական արտադրողներին օգնելու համար կառավարությունը տարիներ առաջ հայտարարում էր, որ պետական գնումների ժամանակ հավասար պայմանների առկայության դեպքում նախապատվությունը պետք է տրվի տեղական արտադրողներին։ Դժվար է ասել՝ այդ մոտեցումը իրականում որքանով էր կյանքի կոչվում և ինչ օգուտ տվեց, սակայն կառավարության մոտեցումն այդ հարցում այսօր փոխվել է։

ՀՀ ֆինանսների նախարար Վարդան Արամյանը լրագրողների հետ հանդիպման ժամանակ, անդրադառնալով պետական գնումների գործընթացում տեղական արտադրողներին նախապատվություն տալու մասին հարցին, նշեց՝ միջազգային փորձը ցույց է տալիս, որ պետական գնումների համակարգն այն ամենաարդյունավետ գործիքակազմը չէ, որով հարկավոր է խթանել ներքին արտադրողին: Նախարարի խոսքով՝ ներքին արտադրողին խթանելու ճիշտ գործիքակազմը պետք է որոշվի առաջարկի քաղաքականությամբ:

«Շատ ավելի լավ է, որ ներքին արտադրողին օժանդակենք ապահովագրությամբ, վարկերի սուբսիդավորմամբ կամ վենչուրային ֆոնդերի ստեղծմամբ: Պետական գնումների գործիքակազմը բավարար չէ ներքին արտադրողներին խթանելու վերաբերյալ դատողություններ անելու համար»,- ասաց նախարարը: Այսինքն, պետք է այնպես անել, որ տեղական արտադրողի մրցունակությունը բարձրանա և մրցույթի պահին նա արդեն պատրաստ լինի մրցակցել՝ առանց արտոնյալ պայմանների սպասելու։

Նշենք, որ կառավարության մոտեցման փոփոխությունից առաջ՝ փոփոխության էր ենթարկվել նաև պայմանագրաիրավական դաշտը՝ պայմանավորված ԵԱՏՄ-ին Հայաստանի անդամակցությամբ։

2015թ. ապրիլի 1-ից մինչև 70 մլն դրամ գնումների դեպքում ԵԱՏՄ երկրներին տրվում է 15% գնային նախապատվություն։ Վարդան Արամյանը նշեց, որ այդ պահանջն իր նպատակին չի ծառայում, քանի որ այդ գործիքակազմով  առավելություն է տրվում ոչ միայն Հայաստանի, այլ նաև ԵԱՏՄ անդամ այլ երկրների կողմից արտադրվող ապրանքներին, ինչը Հայաստանի համար ևս ներմուծում է:

«Ենթադրենք ես 15 տոկոսով ավելի ղազախական արտադրության ապրանքներ եմ գնում` հարց է առաջանում, թե ինչի համար ես պետք է դա անեմ, եթե կարելի է նույն որակի եվրոպական ապրանք գնել, որը ավելի էժան կլինի և կբավարարի իմ պահանջները: Այս տեսանկյունից կարծում ենք, որ այդ գործիքը ներքին տնտեսավարողներին օժանդակելու համար լավը չէ, քանի որ դրանից օգտվելու են նաև արտաքին այլ տնտեսավարողներ: Կարծում ենք, որ մեր նվազ ռեսուրսների պայմաններում դրանք պետք է ավելի նպատակային օգտագործվեն»,- ասաց նախարարը։

Նա նաև հավելեց, որ ԵԱՏՄ երկրների հանդեպ առավելությունը հանելու են, ամենայն հավանականությամբ, կառավարության հաջորդ նիստում:

ԱՄԵՆԱԿԱՐԴԱՑՎԱԾ ԼՈՒՐԵՐ

Մանե Թանդիլյանը կառավարությանն առաջարկել է կուտակային համակարգի պարտադիր նորմը հետաձգել մեկ տարով

«Կուտակային կենսաթոշակների մասին» ՀՀ օրենքի հետագա փոփոխությունների քննարկումները կլինեն ՀՀ կառավարության և կենտրոնական բանկի ակտիվ մասնակցությամբ

«Մեզ համար անհնար ոչինչ չկա, մեր նպատակներն իրագործելի են». Նիկոլ Փաշինյան

Վարչապետ Նիկոլ Փաշինյանը մասնակցել է Ինֆորմացիոն տեխնոլոգիաների ձեռնարկությունների միության (ԻՏՁՄ) 18-րդ տարեկան համաժողովի աշխատանքներին:

Ինչպես է ազդել թավշյա հեղափոխությունն ապրիլ ամսվա տնտեսական ցուցանիշների վրա

Հիշեցնենք, որ ապրիլի 2-րդ կեսը և հատկապես վերջին շաբաթը նշանավորվեց թավշյա հեղափոխության ակտիվ պրոցեսներով