Մուտք

Invalid username or password

Մոռացե՞լ եք գաղտնաբառը

ՊԵԿ օպերատիվ հետախուզության վարչության պետի լիազությունները չեն դադարեցվել, ընթանում է ծառայողական քննություն

Վերադարձ լուրերի բաժին

12:33 , 10 Հուլիս 2018

Պետեկամուտների կոմիտեի Օպերատիվ հետախուզության վարչության աշխատանքն ու վարչության ղեկավարի գործունեությունն են դարձել ծառայողական քննության առարկա: Ինչպես փոխանցում է Արմենպրեսը, այս մասին լրագրողների հետ ճեպազրույցում հայտնեց ՊԵԿ նախագահ Դավիթ Անանյանը: Նրա խոսքով՝ վարչության պետ Կարեն Կարապետյանի լիազորությունները դադարեցված չեն, այդպիսի իրավական ակտ ու հրաման չկա, քրեական գործ հարուցված չէ, ընթանում է ծառայողական քննություն:

«Այս ամենի արդյունքում հնարավոր է երեք ելք: Առաջինը՝ հերքվում է տեղեկատվությունը և Կարեն Կարապետյանը շարունակում է պաշտոնավարել, երկրորդ՝ տեղեկատվության մի մասն է հաստատվում և քննարկվում է նրա պաշտոնավարման նպատակահարմարությունը, և երրորդ՝ տեղեկատվությունն ամբողջ ծավալով հաստատվում է և առկա հիմքերով գործն ուղարկվում է Հատուկ քննչական ծառայություն»,- «Արմենպրես»-ի փոխանցմամբ՝ իրավիճակի հանգուցալուծման հնարավոր տարբերակները ներկայացրեց Դավիթ Անանյանը:

Պաշտոնյան նկատեց, որ Կարեն Կարապետյանը ներկայում շարունակում է իր գործունեությունը, նա համարվում է բարձր պրոֆեսիոնալ: Դավիթ Անանյանը չցանկացավ մանրամասնել, թե կոնկրետ ինչի համար է ծառայուղական քննություն իրականացվում:

Հարցին, որ Կարեն Կարապետյանը սեփական ընկերության շահերից ելնելով ապօրինի ստուգումներ է իրականացրել մրցակից ընկերություններում, Անանյանը պատասխանեց, որ մարդկային ֆանտազիաներն անսպառ են, բայց ինքը չի կարող բացահայտել ծառայողական քննության առարկա գործի մանրամասները:

ԱՄԵՆԱԿԱՐԴԱՑՎԱԾ ԼՈՒՐԵՐ

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը:

ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը  

Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում: