Մուտք

Invalid username or password

Մոռացե՞լ եք գաղտնաբառը

ՊԵԿ-ը 26.4 մլրդ դրամով գերակատարել է հարկային մուտքերը. 2017թ. տարեկան ցուցանիշները (գծապատկերներ)

Վերադարձ լուրերի բաժին

16:52 , 18 Հունվար 2018

2017 թվականի հունվար-դեկտեմբեր ամիսներին ՀՀ ԿԱ Պետական եկամուտների կոմիտեի կողմից հավաքագրվել են 1 տրլն 156.4 մլրդ դրամի հարկեր և տուրքեր։ Հիշեցնենք, որ 2017 թվականի պետական բյուջեով նախատեսված էր 1 տրլն 135 մլրդ դրամի հարկային եկամուտներ։

Այսպիսով, ՊԵԿ-ին հաջողվել է 26.4 մլրդ դրամով գերակատարել բյուջետային ցուցանիշը՝ ընդ որում, առանց գերավճարներ կուտակելու։

Հավաքագրված գումարներից 95.8%-ը հարկային եկամուտներն են, 4.2%-ը՝ պետական տուրքը։

Հարկային եկամուտների մեծ մասը՝ 408.8 մլրդ դրամը, ԱԱՀ-ն է, որից 84.4 մլրդ դրամը ԵՏՄ պետություններից ներմուծվող ապրանքների համար գանձված ԱԱՀ-ն է։

2017 թվականին ըստ մեծության երկրորդ հարկատեսակը եկամտային հարկն է՝ 341.2 մլրդ դրամ (ներառված են նաև եկամտահարկից և պարտադիր սոցիալական ապահովության վճարներից եկամուտները), երրորդը՝ շահութահարկը՝ 110 մլրդ դրամ։

Tax-pie

2016 թվականի հունվար-դեկտեմբերի համեմատ ՊԵԿ-ի կողմից հավաքագրված հարկերն ու տուրքերը ավելացել են 78.1 մլրդ դրամով կամ 7.2%-ով։

Մուտքերի աճ գրանցվել է բոլոր հարկատեսակների գծով՝ բացառությամբ շահութահարկի և արտոնագրային վճարների։ Շահութահարկը 2016 թվականի համեմատ նվազել է 17.2 մլրդ դրամ կամ 13.5%-ով, իսկ արտոնագրային վճարները՝ 338.5 մլն դրամով կամ 5.4%-ով։

Եկամտային հարկի հավաքագրումն աճել է 2.5%-ով, ԱԱՀ-ինը՝ 4.5%-ով։ Տոկոսային առումով ամենից շատ աճել են ակցիզային հարկը (37.8%-ով), բնօգտագործման վճարները (46.5%-ով) և այլ հարկային եկամուտները (55.9%-ով)։

taxes-growth

Հիշեցնենք, որ 2018 թվականի պետական բյուջեով նախատեսված է 1 տրլն 308.3 մլրդ դրամի եկամուտներ, որից 1 տրլն 248.5 մլրդը պետք է ապահովվի հարկերի և տուրքերի հաշվին։ Այսինքն, ընթացիկ տարում նախատեսվում է հավաքագրել շուր 92 մլրդ դրամով ավելի հարկեր, քանի փաստացի հավաքագրվել է 2017 թվականին։

ԱՄԵՆԱԿԱՐԴԱՑՎԱԾ ԼՈՒՐԵՐ

Նիկոլ Փաշինյանի առաջարկը՝ պետական կառավարման ոլորտում աշխատել ցանկացողներին

Այս բացը լրացնելու համար որոշել եմ աշխատանքային, խորհրդատվական մեխանիզմ ստեղծել եւ բոլոր այն մարդկանց, ովքեր…

Ովքե՞ր են 800 հազար չաշխատողները, և ինչո՞ւ նրանք չեն աշխատում. ՀՀ աշխատաշուկայի կառուցվածքը

Ի սկզբանե շատերն էին փորձում հասկանալ՝ ո՞ւմ նկատի ունի Նիկոլ Փաշինյանը՝ 350 հազար աշխատողների և 800 հազար չաշխատողների մասին խոսելով։ Սկսենք աշխատողներից։

Վերաֆինանսավորման տոկոսադրույքի մասին

2018 թ. նոյեմբերի 13-ի նիստում ԿԲ խորհուրդը որոշեց անփոփոխ թողնել վերաֆինանսավորման տոկոսադրույքը՝ 6.0%: