Մուտք

Invalid username or password

Մոռացե՞լ եք գաղտնաբառը

ՊԵԿ-ը և «Հայփոստը» տեղայնացնում են միջազգային չափանիշները

Վերադարձ լուրերի բաժին

15:24 , 11 Հունիս 2018

Էլեկտրոնային առևտրի զարգացումը` առաջնահերթություն

Մաքսային և փոստային ծառայությունները սերտացնում են համագործակցությունը: Պետական եկամուտների կոմիտեի նախաձեռնությամբ հունիսի 11-ից 13-ը Երևանում անցկացվում է Համաշխարհային մաքսային կազմակերպության և Համընդհանուր փոստային միության համատեղ սեմինարը:  Այս մասին տեղեկացնում է ՊԵԿ տեղեկատվության և հասարակայնության հետ կապերի բաժինը։

«Մաքսային մարմինների և փոստային ծառայության միջև համագործակցություն» թեմայով հանդիպման նպատակն է նպաստել երկու կառույցների փոխգործակցությանն ու սահմանային էլեկտրոնային առևտրի դյուրացմանը: ««Հայփոստի» հետ բազմամյա գործակցությունը միտված է փոստային առաքումների դեպքում ժամանակի, մարդկային ու ֆինանսական ռեսուրսների կրճատմանը` միաժամանակ ապահովելով բարձր անվտանգություն և ռիսկերի աննկատ կառավարում»,-նշել է Պետական եկամուտների կոմիտեի նախագահի տեղեկալ Միքայել Փաշայանը: Ինչպես տեղեկացրել է «Հայփոստ Թրասթ Մենեջմենթ» ՓԲԸ-ի գլխավոր տնօրեն Խուան Պաբլո Գեչիջյանը, «Հայփոստի» և կոմիտեի միջև տվյալներն ամբողջությամբ էլեկտրոնային եղանակով են փոխանցվում. «Մենք ձգտում ենք Հայաստանում էլեկտրոնային առևտուրը համապատասխանեցնել միջազգային բարձր չափանիշներին, ինչի ուղղությամբ աշխատում ենք Համընդհանուր փոստային միության հետ»:

Միջազգային փորձագետների կողմից անցկացվող դասընթացի առանցքում են էլեկտրոնային առևտրի միտումները, գլոբալ փոստային փոխադրման մաքսային հեռանկարները, ինչպես նաև ՀՄԿ ուղեցույցներն և առաջարկությունները: Դիտակետում են նաև աշխատանքային գործընթացների աստիճանական ներդաշնակեցման և փոստային առաքանիների անվտանգության զննման հարցերը:
ՊԵԿ նախագահի տեղեկալ Միքայել Փաշայանի վստահեցմամբ` Հայաստանում էլեկտրոնային առևտրի զարգացման համատեղ ծրագրերը շարունակվելու են` խթանելով փոքր և միջին բիզնեսի զարգացումը:

ԱՄԵՆԱԿԱՐԴԱՑՎԱԾ ԼՈՒՐԵՐ

«Որդան կարմիր»-ը կյանք է ստանում. գորգագործական արհեստանոցներ. կբացվեն Երևանում և մարզերում

Հայկական գորգի ազգային կենտրոնը մեկնարկում է գորգագործական արտադրամասերի և արհեստանոցների բացման իր ծրագրը

Մտահոգիչ դինամիկա. հուլիսին արտահանման աճը մոտեցել է զրոյին

ՀՀ Վիճակագրական կոմիտեն հրապարակել է 2018 թվականի հունվար-հուլիս ամիսների նախնական մակրոտնտեսական ցուցանիշները

Որքան արտարժույթ էր «փախել» Հայաստանի ֆինանսական համակարգից և որքանն է վերադարձել

Միայն ապրիլ ամսվա ընթացքում ԿԲ-ում ՀՀ առևտրային բանկերի արտարժույթով թղթակցային հաշիվները նվազել են մոտ 71.7 մլրդ դրամի չափով