Մուտք

Invalid username or password

Մոռացե՞լ եք գաղտնաբառը

Պատրաստ եմ մեր հետագա սերտ համագործակցությանը. ԱՄՆ ՄԶԳ հայաստանյան առաքելության նորանշանակ տնօրեն

Վերադարձ լուրերի բաժին

Խորագրեր

Պաշտոնական

21:31 , 25 Օգոստոս 2016

Օգոստոսի 25-ին ՀՀ էկոնոմիկայի նախարար Արծվիկ Մինասյանն ընդունել է ՀՀ-ում ԱՄՆ նորանշանակ փոխդեսպան Ռաֆիկ Մանսուրին և ԱՄՆ ՄԶԳ հայաստանյան առաքելության նորանշական տնօրեն Դեբորա Գրիսերին:

Ողջունելով հյուրերին ` նախարարն իր շնորհակալությունն է հայտնել ԱՄՆ կառավարությանը և ԱՄՆ Միջազգային զարգացման գրասենյակին Հայաստանում ավելի քան 20-ամյա գործունեության ու մեծածավալ աջակցության համար:

-Հայաստանը բարձր է գնահատում այդ աջակցությունը և, այսուհետ էլ, պատրաստ ենք համագործակցության խորացմանն ու համատեղ ծրագրերի արդյունավետ իրականացմանը,-իր խոսքում նշել է էկոնոմիկայի նախարար Արծվիկ Մինասյանը:

Հյուրերն իրենց հերթին շնորհակալություն են հայտնել հանդիպման համար` կիսելով նախարարի` փոխգործակցության ընդլայնմանը միտված պատրաստակամությունը:

-Բարձր եմ գնահատում ԱՄՆ ՄԶԳ-ի և ՀՀ էկոնոմիկայի նախարարության ավելի քան երկու տասնամյակ ձգվող ամուր գործընկերությունը: Միասին մենք հաջողություններ ենք ունեցել Հայաստանի զբոսաշրջության ոլորտի զարգացման, բարեփոխումների միջոցով քաղաքացիական ավիացիայի ոլորտի ամրապնդման ու երկրի մասնավոր հատվածը խթանելու հարցերում: Պատրաստ եմ մեր հետագա սերտ համագործակցությանը`ուղղված ինքնաբավ ու առողջ տնտեսության կայացմանը Հայաստանում ,- նշել է ԱՄՆ ՄԶԳ հայաստանյան առաքելության նորանշանակ տնօրեն Դեբորա Գրիսերը:

Հանդիպմանը խոսվել է ԱՄՆ ՄԶԳ կողմից ՀՀ և ԱՄՆ կառավարությունների մրջև ավելի մրցունակ և զանազանեցված մասնավոր հատվածի շուրջ օժանդակության համաձայնագրի շրջանակներում իրականացվող ծրագրերի մասին, անդրադարձ է եղել զբոսաշրջության և ավիացիայի ոլորտներում բարեփոխումների իրականացմանը:

-Լավ տրամադրվածությամբ կարող ենք նոր էջ բացել մեր համագործակցության համար,-մի շարք հարցերի շուրջ ծավալված մտքերի փոխանակությունից հետո ասել է Արծվիկ Մինասյանը:

Նախարարը ևս մեկ անգամ շնորհավորել է նորանշանակ պաշտոնյաներին և ողջունել նրանց աշխատանքային գործունեության մեկնարկը Հայաստանի Հանրապետությունում:

Հանդիպման ավարտին կողմերը կրկին հավաստել են համատեղ և արդյունավետ աշխատանքի պատրաստակամությունն ու հանձնառությունը:

ԱՄԵՆԱԿԱՐԴԱՑՎԱԾ ԼՈՒՐԵՐ

Վաչե Գաբրիելյանը ելույթ է ունեցել Փարիզում՝ «ՍԻԳՄԱ» ծրագրի նախարարական կոնֆերանսին

Վաչե Գաբրիելյանի գլխավորած պատվիրակությունը մասնակցել է ՏՀԶԿ հանրային կառավարման բարելավմանն ուղղված ՍԻԳՄԱ ծրագրի 25 ամյակին նվիրված նախարարական կոնֆերանսին

Կայացել է նախարարին կից հասարակական խորհրդի նիստը

Դեկտեմբերի 12-ին տեղի է ունեցել ՀՀ տնտեսական զարգացման և ներդրումների նախարարին կից հասարակական խորհրդի առաջին նիստը: