Մուտք

Invalid username or password

Մոռացե՞լ եք գաղտնաբառը

Պատգամավորը մշակում է Հայաստանի ծովային օրենսդրություն

Վերադարձ լուրերի բաժին

00:32 , 15 Մայիս 2019

ՀՀ ազգային ժողովի տարածաշրջանային և եվրասիական ինտեգրման հարցերի մշտական հանձնաժողովի նախագահի տեղակալ, «Իմ քայլը» խմբակցության անդամ Արմեն Փամբուխչյանը մշակում է ծովային օրենսդրություն: Ծովային ելք չունեցող երկրին դա հնարավորություն կտա ունենալ սեփական դրոշով նավեր, դրանցով կատարել բեռնափոխադրում: Լրագրողների հետ զրույցում այդ մասին ներկայացրեց պատգամավորը:

«Հայաստանը ԵԱՏՄ այն երկիրներից է, որն ընդհանուր սահման չունի անդամ երկրների հետ: Եվ բեռնափոխադրման համար լոգիստիկ առումով խնդիրներ են առաջանում: Կապող ճանապարհը Լարսի անցակետն է, որում տարվա մեջ մի քանի անգամ խցանումներ են լինում` թե եղանակի, թե ծանրաբեռնվածության պատճառով: Միակ այլընտրանքային ճանապարհը ծովն է, որը մինչ այժմ օգտագործել ենք լաստանավի միջոցով: Դիտարկում ենք կոնտեյներային փոխադրումների ելքը։ Ես նաև նախաձեռնում եմ ծովային օրենսդրություն: Աշխարհում 44 երկրի, որոնք չունեն ուղիղ ելք դեպի ծով, ՄԱԿ-ի ծովային իրավունքի մասին կոնվենցիայով իրավունք է տրված ունենալ իրենց օրենսդրությունը և դառնալ «ծովային երկիր»` իրենց ամենամոտ երկրի միջոցով իրականացնելով ծովային փոխադրումներ: Ունենալով ծովային օրենսդրություն՝ իրավունք ենք ձեռք բերում ունենալ հայկական դրոշով նավեր»,-ներկայացրեց Փամբուխչյանը:

Պատգամավորի կարծիքով՝ դա նաև կխթանի ներդրումները, որովհետև շատ մարդիկ, վճարումներ կատարելով, կօգտվեն հայկական դրոշով նավերից, որ ստանան այն առավելությունները, ինչը կունենա Հայաստանը: Մանավանդ Հայաստանը ԵԱՏՄ անդամ է, և որևէ երկրի տնտեսավարող արտահանման համար օգտագործելով հայկական դրոշը՝ այսինքն` հայկական նավը, կարող է օգտվել Հայաստանի առավելություններից:

Պատգամավորը հիշեց Մոնղոլիայի օրինակը, որը չունենալով ծով, ունի իր անունով գրանցված մոտ 700 նավ: Եվ աշխարհի շատ տնտեսավարողներ վճարում են, որ Մոնղոլիայի դրոշով նավարկեն:

Փամբուխչյանի խոսքով՝ օրենսդրությունը գրելու գործընթացը գրեթե ավարտին է մոտենում, որից հետո պետք է անցնի թե իրավական, թե այլ փորձաքննություն։ Պատգամավորը նշեց նաև, որ սեփական դրոշով նավեր ունենալուց հետո հաջորդ քայլը կարող է այն լինել, որ Հայաստանը մեկ այլ երկրում կարող է ունենալ սեփական նավահանգիստ, գրասենյակ:

ԱՄԵՆԱԿԱՐԴԱՑՎԱԾ ԼՈՒՐԵՐ

Պետությունը չի կարող վերցնել ձեր բանկային հաշիվների վրա եղած կամ կանխիկ գումարները

ԱԺ-ն օրերս հավանություն տվեց Կառավարության հեղինակած «Ռազմական դրության իրավական ռեժիմի մասին» ՀՀ օրենքում լրացումներ կատարելու մասին» օրենքի նախագծին:

ՊԵԿ-ը շարունակում է մասնակցությունը համազգային դրամահավաքին

Կոմիտեի աշխատակիցները ևս 100 միլիոն դրամ են փոխանցել «Հայաստան» համահայկական և «Զինծառայողների կյանքին կամ առողջությանը պատճառված վնասների հատուցման» հիմնադրամներին:

Արհեստական բանականության հնարավորությունները` հարկային ստվերը բացահայտելիս

ՊԵԿ-ում կիրառվող վերլուծական մոդելները Համաշխարհային բանկի ներկայացուցիչների ուշադրությանն են արժանացել: