Մուտք
Invalid username or password
Չինացի գործարարը զբոսաշրջային խումբ կուղարկի Լոռու մարզ
Վերադարձ լուրերի բաժին
11:39 , 30 Ապրիլ 2019
Դիտումներ449
«Մեկ գոտի, մեկ ճանապարհ» միջազգային երկրորդ գագաթնաժողովի շրջանակում Չինաստան ժամանած Լոռու մարզպետ Անդրեյ Ղուկասյանն ուղևորվել է Շանսի, որտեղ հանդիպել է նահանգի ղեկավար կազմի և գործարարների հետ:
«Արմենպրես»-ի թղթակցի հետ զրույցում այդ մասին հայտնեց Լոռու մարզպետի օգնական Գայանե Մարկոսյանը՝ նշելով, որ հանդիպման ընթացքում քննարկվել են տարբեր ոլորտներում համագործակցության ուղիները: «Շանսիի նահանգապետ Լոու Յանշենը իր պատրաստակամությունն է հայտնել առավել ակտիվ համագործակցության համար՝ նշելով, թե չնայած նրան, որ 2011 թվականից Շանսիի և Լոռու միջև կա կնքված համաձայնագիր, սակայն համագործակցության ակտիվ քայլեր վերջին 8 տարիների ընթացքում չեն արվել և նոր մարզպետի նշանակումից հետո նահանգապետն ակնկալում է ավելի արդյունավետ համագործակցություն»,- ասաց Մարկոսյանը։
Լոռու մարզպետը հանդիպել է Շանսի նահանգի ղեկավար կազմի հետ, ովքեր համակարգում էին տարբեր ոլորտներ, մասնավորապես՝ գյուղատնտեսություն, ներդրումային ոլորտ, զբոսաշրջություն, արդյունաբերություն, հանքարդյունաբերություն, ինչպես նաև տարբեր ոլորտները ներկայացնող մի շարք գործարարների հետ: «Մեզ հետ Շանսիում այդ հանդիպմանը մասնակցում էր Լոռու մարզում վերջին ամիսներին ներդրումային ծրագիր սկսած «Նյու Իդա» ընկերության ղեկավարը, ով կիսեց իր դրական փորձը համերկրացիների հետ»,- ընգծեց Մարկոսյանը:
Ըստ նրա՝ չինական կողմը իր հետաքրքրվածությունն է հայտնել հատկապես գյուղատնտեսության, հանքարդյունաբերության և զբոսաշրջության ոլորտներում: «Տուրիզմի ոլորտը ներկայացնող գործարարը ցանկություն հայտնեց Հայաստան, մասնավորապես, Լոռու մարզ չինացիների զբոսաշրջային խմբեր բերելու, ինչի հետ կապված գործարարը առաջարկել է ներկայացնել Լոռու զբոսաշրջային ներուժը փաթեթների տեսքով: Տուն վերադառնալուն պես Լոռվա պատվիրակությունը հանդես կգա զբոսաշրջային փաթեթների հստակ առաջարկներով և, վստահ ենք, հատկապես այս ոլորտում ամենաարագ տեմպերով մենք դրական համագործակցություն կունենանք»,- նշեց Մարկոսյանը:
Լոռու մարզպետը Շանսի նահանգից զատ Պեկինում արդեն իսկ ունեցել է հանդիպումներ տարբեր ոլորտները ներկայացնող գործարարների հետ: Այցի ընթացքում Շանսի նահանգի և Լոռու մարզի միջև կնքվել է համաձայնագիր, որը ստորագրել են Լոռու մարզպետ Անդրեյ Ղուկասյանը և Շանսիի փոխնահանգապետ Վան Իսինը: Համաձայնագրի հիմքում դրված էր այն, որ պետք է տարբեր ոլորտների ուղղությամբ գործընկերային հարաբերություններ հաստատվեն:
Դիտումներ 449
ԱՄԵՆԱԿԱՐԴԱՑՎԱԾ ԼՈՒՐԵՐ
Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը
Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։
Նոր տուն՝ նոր հույսերով
2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:
Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք
Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։