Մուտք
Invalid username or password
Չինական ընկերությունը Հայաստանի գյուղերից մեկում 3-4 միլիոն դոլարի կներդնի ջրերի գործարան կառուցելու նպատակով
Վերադարձ լուրերի բաժին
17:14 , 26 Ապրիլ 2019
Դիտումներ1246
Չինական «Նյու Իդա» ընկերությունը Լոռու մարզի Կաթնաղբյուր համայնքում 60 աշխատատեղ ունեցող ջրերի գործարան է կառուցելու: «Արմենպրես»-ի թղթակցի հետ զրույցում այդ մասին ասաց «Մեկ գոտի, մեկ ճանապարհ» միջազգային երկրորդ գագաթնաժողովի շրջանակներում Չինաստան ժամանած Լոռու մարզպետ Անդրեյ Ղուկասյանը:
«Չինաստանի հետ առաջին համագործակցությունը Լոռու մարզն արդեն ունի: Կաթնաղբյուր համայնքում կան բնական աղբյուրներ և չինացի փորձագետները, հետազոտելով ջուրը, գնահատել են որակը և այնտեղ պետք է կառուցեն գործարանը: Արտադրանքը ամբողջությամբ արտահանվելու է: Սկզբնական շրջանում կստեղծվի մոտ 60 աշխատատեղ, իրենք գազի խողովակաշար են կառուցելու և ճանապարհ, որը նաև հետագայում գյուղն է օգտագործելու: Ներդրումը կազմելու է 3-4 միլիոն դոլար»,- ասաց Ղուկասյանը՝ հավելելով, որ մարզպետարանը փորձելու է արագացնել այդ գործընթացը:
Նա հայտնեց, որ ընկերության տնօրենը իրենց հետ Հայաստանից եկել է Չինաստան, որպեսզի ուղեկցի և իր օրինակով խրախուսի մյուս չինացի գործարարներին: «Մեկ գոտի, մեկ ճանապարհ» գագաթնաժողովի շրջանակում Անդրեյ Ղուկասյանը մասնակցել է տարածաշրջանային ֆորումին: Մարզպետը նաև հուշագիր է ստորագրելու Չինաստանի Շանսի նահանգի հետ:
Մարզպետը դրական ակնկալիքներ ունի այդ հանդիպումներից և նշեց, որ գործարարներին կհրավիրի Լոռի՝ տեղում ծանոթանալու մարզի հնարավորություններին: «Մենք արդեն իսկ ունեցել ենք երկու հանդիպում հայ, ռուս և չինացի գործարարների հետ: Բավականին ներկայացուցչական կազմ էր ընդգրկել չինական կողմը՝ մոտ 10-15 ներկայացուցիչ, ովքեր զբաղվում են կոնկրետ ոլորտներով և զբաղեցնում են բավականին բարձր պաշտոններ այդ ընկերություններում: Այդ օղակը նույնպես պետք է օգտագործենք»,- եզրափակեց Ղուկասյանը:
Դիտումներ 1246
ԱՄԵՆԱԿԱՐԴԱՑՎԱԾ ԼՈՒՐԵՐ
Փոխվարչապետ Տիգրան Ավինյանը հանդիպեց ՄԱԿ-ի գլխավոր քարտուղարի տեղակալին
Միաժամանակ Տիգրան Ավինյանը զրուցակցի ուշադրությունը հրավիրեց մեր երկրի աշխարհագրական դիրքի, մասնավորապես՝ դեպի ծով ելք չունեցող զարգացող թվով 32 երկրների շարքում Հայաստանի առանձնահատկությունների վրա:
Փոխվարչապետ Տիգրան Ավինյանը մասնակցեց էներգետիկ արդյունավետությանը և կայուն զարգացմանը նվիրված կլոր սեղանին
Կլոր սեղանը ՄԱԿ-ի զարգացման ծրագրի և Եվրասիական միության հետ համագործակցությամբ կազմակերպել էր ՄԱԿ-ում Հայաստանի մշտական ներկայացուցչությունը։
Թրամփն ԱՄՆ-ի տնտեսությունը հաջող է համարում
Թրամփը վերջին ժամանակներս մշտապես քննադատության է ենթարկում ԴՊՀ-ի եւ դրա նախագահ Ջերոմ Փաուելի քաղաքականությունը:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։