Մուտք

Invalid username or password

Մոռացե՞լ եք գաղտնաբառը

Ում որքան են վստահում հայաստանցիները (գծապատկերներ)

Վերադարձ լուրերի բաժին

20:33 , 19 Դեկտեմբեր 2017

Հայաստանի բնակիչների 51%-ը լիովին վստահում է բանակին, 26%-ը՝ ավելի շուտ վստահում է։ Այս մասին են վկայում Հետազոտական ռեսուրսների կովկասյան կենտրոնի անցկացրած հարցման արդյունքները, որոնք արտացոլված են «Կովկասյան Բարոմետր 2017» զեկույցում։

Հարցումն անցկացվել է ՀՀ 1648 տնային տնտեսությունների շրջանում՝ դեմ առ դեմ հարցազրույցների միջոցով։

Ըստ այդմ, բանակը Հայաստանում ամենից մեծ վստահություն վայելող հաստատությունն է։ Հարցվածների 8%-ը նշել է, որ ոչ վստահում է, ոչ էլ չի վստահում բանակին։ 7%-ը ավելի շուտ չի վստահում, 6%-ը՝ բոլորովին չի վստահում։

Վստահության առումով երկրորդը եկեղեցին է։ Հարցվածների 49%-ը լիովին վստահում է իր կողմից դավանած կրոնական հաստատությանը։

Երրորդ տեղում կրթական համակարգն է, որին լիովին վստահողների կշիռը բավականին փոքր է բանակի և եկեղեցու համեմատ։

ban1

Իսկ որոնք են ամենաանվստահելի հաստատությունները։

ՀՀ քաղաքացիները ամենից քիչ վստահում են քաղաքական կուսակցություններին, որոնց հաջորդում են ԶԼՄ-ները, Ազգային ժողովը և դատական համակարգը։

Վերադառնալով բանակին՝ նշենք, որ 2008 թվականի համեմատ լիովին վստահողների թիվը նվազել է (61%-ից հասնելով 51%-ի), սակայն վերջին 2 տարիների կտրվածքով բանակի նկատմամբ վստահությունը որոշ չափով վերականգնվել է։

ban2

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանի տնտեսության աճը կրկին արագացել է. ԵԱԶԲ

Հայաստանի տնտեսության աճը կրկին արագացել է, 2018 թ. օգոստոս-սեպտեմբեր ամիսների դադարից հետո:

Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն

2012 թ.-ից ի վեր ֆինանսական համակարգի կայունությունն ամրապնդվել է, ինչին նպաստել են ՀՀ կենտրոնական բանկի կողմից ձեռնարկած մի շարք միջոցառումներ։

Առաջին դեմքերի բանավեճը Հանրայինի եթերում (տեսանյութ)

Հանրային հեռուստաընկերության ուղիղ եթերում այժմ ընթանում է նախընտրական բանավեճ՝ ընտրություններին մասնակցող քաղաքական ուժերի առաջին դեմքերի մասնակցությամբ: