Մուտք
Invalid username or password
«Որ պետք է օգնենք՝ դա փաստ է». վարչապետը՝ զոհված զինծառայողների ընտանիքներին վարկային բեռից ազատելու մասին
Վերադարձ լուրերի բաժին
Զոհված և վիրավորված զինծառայողների ընտանիքներին վարկային բեռից ազատելու մեր կոչը կարծես թե իր նախնական արդյունքը տվեց։
ՀՀ Ազգային ժողովում Կառավարության հետ հարցուպատասխանի ժամանակ ՀՀԿ պատգամավոր Մարգարիտ Եսայանը հարցրել է վարչապետ Հովիկ Աբրահամյանին. «Այսօր այն տղաները, որոնք իրենց կյանքով պաշտպանեցին մեզ, նրանք հիմնականում այնպիսի ընտանիքներից են, որոնց սոցիալական վիճակը, մեղմ ասած, բարվոք չէ: Կարծում եմ՝ այսօր չկա ընտանիք, որը վարկային բեռի տակ կքած չէ: Մեր կառավարությունը ունի խնդիր: Գուցե որոշում կայացնի, որ վերջին օրերին զոհված զինծառայողների ընտանիքների վարկերը պետությունը կամ բանկերը վերցնեն իրենց վրա՞։ Այդ տղաներն իրենց գործը կատարել են փառահեղ։ Մենք՝ որպես պետություն, պետք է կոնկրետ լուծում գտնենք»:
Վարչապետ Հովիկ Աբրահամյանը, ըստ էության, համաձայնել է առաջարկին։
«Որ պետք է օգնենք՝ դա փաստ է: Օգնել ենք, օգնում ենք եւ շարունակելու ենք օգնել»,- պատասխանել է Հովիկ Աբրահամյանը՝ նշելով, որ վարկերը նախ պետք է քննարկվեն, վերլուծեն, հասկանան՝ ինչի մասին է խոսքը։
Թե ինչ շարունակություն կլինի և ինչ քայլեր կձեռնարկի կառավարությունը՝ ցույց կտա ժամանակը։ Սակայն փաստ է, որ սայլը տեղից շարժվեց, և այս հարցը դարձավ քննարկման առարկա։
Մենք ուշադրության կենտրոնում կպահենք այս թեման։
Դիտումներ 1218
ԱՄԵՆԱԿԱՐԴԱՑՎԱԾ ԼՈՒՐԵՐ
2020 թվականին ՀՀ պետական եկամուտների կոմիտեն հավաքագրել է 1 տրլն 385.2 մլրդ դրամի եկամուտ
ՊԵԿ նախագահ Էդվարդ Հովհաննիսյանը ներկայացրել է 2020 թվականի ընթացքում հավաքագրված եկամուտները:
15.01.2021: Շաբաթական ամփոփ տվյալներ
2020 թ. դեկտեմբերի 28-ից 2021 թ. հունվարի 10-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 58.9 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 29.3 մլն ԱՄՆ դոլար:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։