Մուտք

Invalid username or password

Մոռացե՞լ եք գաղտնաբառը

Որ ապրանքների գները կաճեն առաջիկայում՝ ըստ ԿԲ-ի

Վերադարձ լուրերի բաժին

09:42 , 01 Դեկտեմբեր 2017

Հայաստանում գնաճը կշարունակի ավելանալ` առաջիկա ամիսներին գտնվելով տատանումների թույլատրելի՝ 2.5%-5.5% միջակայքում: Միջնաժամկետհատվածում գնաճը կկայունանա 4% նպատակային մակարդակի վրա: Այս մասին նշվում է Կենտրոնական բանկի՝ 2017 թվականի չորրորդ եռամսյակի դրամավարկային քաղաքականության ծրագրում։

Փաստաթղթում նշվոում է, որ 12-ամսյա գնաճի վերականգնմանը հիմնականում նպաստելու են կարճաժամկետ հատվածում սպասվող մակրոտնտեսական միջավայրի դրական զարգացումները` պայմանավորված ԿԲ-ի իրականացրած խթանող դրամավարկային քաղաքականության դեռևս դրսևորվող ազդեցությամբ և արտաքին ու ՀՀ տնտեսություններում պահանջարկի վերականգնման ակնկալվող համեմատաբար բարձր տեմպերով: Այդուհանդերձ, ըստ ԿԲ-ի, առաջիկայում անհրաժեշտ կլինի աստիճանաբար չեզոքացնել դրամավարկային խթանող պայմանները` միջնաժամկետ հատվածում գնաճի նպատակի իրագործման համար։

ԿԲ-ն հատուկ ընդգծում է, որ գնաճի կարճաժամկետ կանխատեսումներում հաշվի են առնվել 2018 թվականից ակցիզային հարկի, ինչպես նաև մի շարք ապրանքների գծով մաքսատուրքերի դրույքաչափերի փոփոխության ազդեցությունները: Մասնավորապես, ակցիզային հարկի մասով հիմնականում փոփոխություն կկրի սպիրտային խմիչքներ, ծխախոտ, բենզին, քսայուղեր, սեղմված բնական գազ ապրանքատեսակներից գանձվող ակցիզային հարկի դրույքաչափը: Բացի դիզելային վառելիքից, ակնկալվում է բոլոր ապրանքնատեսակների գծով ակցիզային հարկի դրույքաչափի աճ:

ԿԲ-ն կանխատեսումներում հաշվի են առնվել նաև մսամթերքի ու կարագի շուկաներում ձևավորված գնաճային ճնշումները։ Այս ապրանքախմբերի դեպքում գնաճային միտումները կշարունակվեն` պայմանավորված առաջարկի դանդաղ վերականգնմամբ:

Ինչ վերաբերում է ԵԱՏՄ անդամակցությամբ պայմանավորված մաքսատուրքերի դրույքաչափերի փոփոխությանը, ակնկալվում է սպառողական զամբյուղի շուրջ 30 անուն ապրանքատեսակների մասով մաքսատուրքերի դրույքաչափերի աճ, ինչի ընդհանուր ազդեցությունը գնաճի վրա գնահատվում է 0.4 տոկոսային կետ:

Հարկ է նշել, որ ԵԱՏՄ շրջանակներում 2018 թվականից բարձրանալու են մոտ 200 ապրանքատեսակների մաքսատուրքերի դրույքաչափերը, որոնք ազդելու են ՀՀ սպառողական զամբյուղի շուրջ 30 անուն ապրանքատեսակի վրա: Վերոնշյալ փոփոխությունների ուղղակի ազդեցությունը գնահատվում է 0.92 տոկոսային կետ:

Ընդհանուր ազդեցությունը, ըստ ԿԲ-ի, կկազմի մինչև 1 տոկոսային կետ: Ըստ գնահատումների` 0.4 տոկոսային կետ ազդեցությունը սպասվում է 2018 թվականի առաջին եռամսյակում:

ԱՄԵՆԱԿԱՐԴԱՑՎԱԾ ԼՈՒՐԵՐ

UCOM-ն առաջարկում է ձեռք բերել Alcatel 1S սմարթֆոնն ու նվեր ստանալ TWS Hiper Oki ականջակալներ

Ucom ընկերությունն առաջարկում է ձեռք բերել 2021թվականի արտադրության Alcatel 1S սմարթֆոնն ամսական ընդամենը 2000 դրամով և ստանալ նվեր` TWS Hiper Oki վարդագույն և կապույտ անլար ականջակալներից մեկը:

ՎՏԲ-Հայաստան Բանկը մեկնարկում է վարկավորման ծրագիր՝ ՀՀ կառավարության  19-րդ միջոցառման շրջանակներում

ՎՏԲ-Հայաստան Բանկը՝ ՀՀ էկոնոմիկայի նախարարության և «Ներդրումների աջակցման կենտրոն» հիմնադրամի հետ համատեղ COVID19-ի տնտեսական հետևանքների չեզոքացման ՀՀ կառավարության 19-րդ միջոցառման շրջանակներում, հայտարարում է փոքր բիզնեսի վարկավորման և այս սեգմենտի հաճախորդների բիզնես-ծրագրերին օժանդակություն ցուցաբերելու մասին:

EURO 2020-ի ընթացքում UCOM-ի բաժանորդները կմասնակցեն UMETER քվեարկություն-խաղարկությանը

Քվեարկությանը միացած բոլոր բաժանորդները կմասնակցեն յուրաքանչյուր ուրբաթ օրն ացկացվող խաղարկությանը, որի ընթացքում պատահականության սկզբունքով կընտրվեն 80 հաջողակներն, ովքեր և կստանան սպասված նվերը: Խաղարկությունը կցուցադրվի Ucom TV ֆեյսբուքյան էջի ուղիղ եթերով: