Մուտք

Invalid username or password

Մոռացե՞լ եք գաղտնաբառը

Որքան գումար են Հայաստանում ծախսում մեր երկիր այցելած զբոսաշրջիկները

Վերադարձ լուրերի բաժին

16:19 , 29 Մայիս 2017

Զբոսաշրջությանը վերաբերող տարբեր հրապարակումներում հաճախ է հանդիպում այն գնահատականը, որ Հայաստան այցելող զբոսաշրջիկները մեկ այցելության ընթացքում Հայաստանում ծախսում են 900-1000 ԱՄՆ դոլար։ Սակայն պաշտոնական վիճակագրության տվյալներից ելնելով՝ այդ գումարն իրականում ավելի փոքր է։

Ինչպե՞ս դա կարելի է հաշվել։ Պարզաբանենք՝ կոնկրետ 2016 թվականի օրինակով։

Այսպես, զբոսաշրջիկների թիվը գաղտնիք չէ. Ազգային վիճակագրական ծառայությունը պարբերաբար հրապարակում է Հայաստան այցելող զբոսաշրջիկների թիվը։ Ըստ ԱՎԾ տվյալների՝ 2016 թվականին Հայաստանի Հանրապետություն է ժամանել 1մլն 259 հազար 657 զբոսաշրջիկ։

Իսկ որքան գումար են նրանք ծախսել Հայաստանում։ Այդ թիվը երևում է վիճակագրական մեկ այլ փաստաթղթից՝ վճարային հաշվեկշռից։

Զբոսաշրջությունից ստացված եկամուտները ներառված են վճարային հաշվեկշռի՝ ծառայությունների արտահանումից ստացված եկամուտների բաժնում։

Ըստ վճարային հաշվեկշռի՝ 2016 թվականին Հայաստանը ծառայությունների արտահանումից ստացել է 1 մլրդ 610 մլն ԱՄՆ դոլար, որից՝ ճանապարհորդությունից (ՀՀ ժամանող զբոսաշրջիկներից) ստացված եկամուտը կազմում է 967.7 մլն դոլար։

Այսպիսով, 2016 թվականին մեկ զբոսաշրջիկը մեկ այցելության ընթացքում ծախսել է 768 դոլար։ (նշում ենք՝ մեկ այցելության ընթացքում, որովհետև վիճակագրության մեջ զբոսաշրջության ցուցանիշի տակ ներկայացված է հենց զբոսաշրջային այցելությունների թիվը, և ոչ թե անձանց)

Նույն կերպ կարելի է հաշվել, որ Հայաստանից արտերկիր այցելող ՀՀ յուրաքանչյուր քաղաքացի 2016 թվականին մեկ այցելության ժամանակ ծախսել է միջինը 845 դոլար։

Ի դեպ, վերջին տարիներին զբոսաշրջիկներից ստացված եկամուտները նվազել են։

Ինչպես տեսնում եք գծապատկերից, 2012 թվականին Հայաստան այցելող 1 զբոսաշրջիկից ստացվող միջին եկամուտը (մեկ այցելության ընթացքում) 969 դոլար էր, որը հետագա տարիներին կայուն կերպով նվազել է։

tourist-money

Կարդացեք նաև՝ Վրաստանի այցելուները՝ «ընդդեմ» Հայաստանի զբոսաշրջիկների

 

Լուսանկարը՝ Sputnik Արմենիա-ի

ԱՄԵՆԱԿԱՐԴԱՑՎԱԾ ԼՈՒՐԵՐ

Էներգետիկ ենթակառուցվածքների և բնական պաշարների նախարարը հրաժարականի դիմում է ներկայացրել

«Այո, նախարարը հրաժարականի դիմում է ներկայացրել: Նա շարունակում է աշխատել, այսօր էլ հանդիպում է ունեցել»,- ասել է Վասակ Թարփոշյանը:

ՊԵԿ-ը 26.4 մլրդ դրամով գերակատարել է հարկային մուտքերը. 2017թ. տարեկան ցուցանիշները (գծապատկերներ)

2016 թվականի հունվար-դեկտեմբերի համեմատ ՊԵԿ-ի կողմից հավաքագրված հարկերն ու տուրքերը ավելացել են 78.1 մլրդ դրամով

Կառավարությունը շինարարության ոլորտում այս տարի որոշակի աշխուժություն է ակնկալում

Վարչապետը նշել է, որ պետք է հնարավորինս տեղեկանալ ոլորտում առկա խոչընդոտների մասին և շատ պարզ, հստակ մեխանիզմ ներդնել: