Մուտք

Invalid username or password

Մոռացե՞լ եք գաղտնաբառը

Ոռոգման և ջրարբիացման 5 նոր ենթակառուցվածք Հայաստանի մարզերում

Վերադարձ լուրերի բաժին

Հեղինակ

B4B.am

Խորագրեր

Պաշտոնական

11:15 , 20 Սեպտեմբեր 2017

Հայաստանի ՓՄՁ զարգացման ազգային կենտրոնը, ԱՄՆ ՄԶԳ ֆինանսավորմամբ իրականացվող Գործընկերություն՝ հանուն գյուղական համայնքների բարգավաճման» (USAID/PRP) ծրագրի շրջանակում Շիրակի, Վայոց Ձորի և Արարատի մարզերում շահագործման է հանձնել 5 նոր ենթակառուցվածք:

Արմավիրի մարզի Սարդարապատ և Արևաշատ համայնքներում շահագործման են հանձնվել վերակառուցված ոռոգման ջրատարի կարևոր ճյուղերը: Սարդարապատում վերակառուցված հատվածի երկարությունը 520մ. է: Այն ոռոգման ջրով է ապահովելու համայնքի 300 հեկտար խաղողի, սալորի և այլ մրգերի այգիները:  Ջրագծից օգտվելու է համայնքի 360 ընտանիք: Սարդարապատ համայնքի ղեկավար Բաբկեն Վարդանյանի խոսքով՝ վերակառուցված ջրատարը համայնքի համար երկու կարևոր հարց է լուծել. «Այսուհետև անջրդի հողերին առանց կորուստների և արագ ջուր կհասցնենք: Բացի այդ, բարեկարգվեց նաև համայնքի 20-րդ փողոցը»: Համայնքի ղեկավարը վստահ է. ժողովուրդը եկել-տեսել և համոզվել է, որ ջրատարն արդյունավետ է աշխատում և վստահություն ունենալով՝ նոր այգիներ կհիմնի:

Արևաշատ համայնքում շահագործման հանձնված ենթակառուցվածքը նույնպես ջրատար է: 850մ երկարությամբ վերակառուցված ջրատարի միջոցով ջրվելու է համայնքի 128 ընտանիքի պատկանող 64 հեկտար հողատարածք: Արևաշատ համայնքի ղեկավար Սուսաննա Գևորգյանը տեղեկացրեց, որ գյուղացիները նոր ջրատարի շնորհիվ կկարողանան տարվա ընթացքում 2 անգամ բերք ստանալ: «Արդեն 8 տարի է, ինչ համայնքի 50-ից ավելի ընտանիք համայնքում ոռոգման ջուր չլինելու պատճառով վարձակալում էր այլ համայնքների հողը: Սակայն այս տարվանից սկսած՝ ջրատարի շնորհիվ նրանք կմշակեն հողը»,- ասում է Գևորգյանը:

Վայոց Ձորի Վերնաշեն համայնքում USAID/PRP ծրագրի շրջանակում կառուցվել է գործող ջրագծից դուրս եկող 855մ. երկարությամբ  նոր ճյուղ, որը ծառայելու է համայնքի 110 ընտանիքի ավելի քան 60 հեկտար այգիները ջրելու համար: Ջրագծի շնորհիվ այդ տարածքներում հիմնվելու է մոտ 20 հեկտար ծիրանի նոր այգի: Համայնքի ղեկավար Միքայել Բաղդասարյանն ասաց, որ ջրագիծը համայնքին կապահովի ջրի անկորուստ ոռոգմամբ: «Արդեն մոտ 30 տարի գյուղն ուներ նման ջրագծի կարիք: Սակայն ֆինանսական միջոցների բացակայության պատճառով չէինք կարողանում իրագործել ծրագիրը»,- փաստեց Վերնաշենի գյուղապետը:

Շիրակի մարզի Փանիկ և Մեղրաշեն համայնքներում էլ շահագործման են հանձնվել արոտավայրերի ջրարբիացման համակարգեր՝ ընտանի կենդանիների համար նախատեսված խմոցներով: Մեղրաշենում խմոցներից ջուր է խմելու համայնքին պատկանող 900 խոշոր եղջերավոր և 2000 մանր եղջերավոր, իսկ Փանիկում՝ 1670 խոշոր և 210 մանր եղջերավոր կենդանի: Ակնկալվում է, որ նոր խմոցների շնորհիվ կենդանիների կաթնատվությունը կբարձրանա 20%-ով, ինչը կբերի բնակիչների եկամուտների ավելացում:

Ընդհանուր առմամբ, 2016թ. օգոստոսից մինչև 2017թ. հուլիսի վերջը «Գործընկերություն՝ հանուն գյուղական համայնքների բարգավաճման» (USAID/PRP) ծրագրի շրջանակում իրականացվել է 33 ենթակառուցվածքային ծրագիր, ևս 3-ն ընթացքի մեջ է:

Ենթակառուցվածքների զարգացումը USAID/PRP ծրագրի բաղադրիչներից մեկն է: Մյուս բաղադրիչներն են տեղական տնտեսական զարգացումը և բնության պահպանումը:

# # #

2013 թ. օգոստոսից Հայաստանում մեկնարկել է ԱՄՆ Միջազգային զարգացման գործակալության «Գործընկերություն` հանուն գյուղական համայնքների բարգավաճման» (USAID/PRP) հնգամյա ծրագիրը:

Հայաստանի ՓՄՁ զարգացման ազգային կենտրոնի գլխավորությամբ ծրագիրն իրականցնում են Գեղարքունիքի առևտրաարդյունաբերական պալատը, «Ի-Վի Քոնսալթինգ» կազմակերպությունը  և «Ագրոբիզնեսի և գյուղի զարգացման կենտրոնը» (CARD): USAID/PRP  ծրագրի հետ կապված հարցերի համար կարող եք կապվել «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի (ՓՄՁ ԶԱԿ) հետ:

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Քայլեր են ձեռնարկվելու քաղաքացիների ֆինանսական գրագիտությունը բարձրացնելու ուղղությամբ

Կառավարության մարտի 21-ի նիստում Նիկոլ Փաշինյանն անդրադարձել է վարկերի իրական տոկոսների հարցին և նշել. «Մենք Կենտրոնական բանկի հետ կարևորել ենք քաղաքացիների ֆինանսական գրագիտության բարձրացումը։ Մի բանում վստահ ենք՝ մենք պետք է պետական ծրագրեր իրականացնենք՝ քաղաքացիների ֆինանսական գրագիտությունը բարձրացնելու առումով»: Կենտրոնական բանկի նախագահ Արթուր Ջավադյանը նշել է, որ այս ուղղությամբ բազմաթիվ ծրագրեր են իրականացվում և մանրամասներ […]