Մուտք

Invalid username or password

Մոռացե՞լ եք գաղտնաբառը

Ոչ միայն ՀԴՄ կտրոնով

Վերադարձ լուրերի բաժին

Տնտեսագետ, ACSES վերլուծական կենտրոնի ղեկավար Հայկազ Ֆանյանը գրում է.

«Արդյո՞ք պետք է կառավարությունը այդքան կարևորի ՀԴՄ կտրոնների տրամադրումը կամ ինչպես արդյունավետ պայքարել ստվերի դեմ:

Այո՛, ՀԴՄ-ի կտրոնների համատարած տրամադրումը (շրջանառության համատարած հաշվառումը) բոլոր չափի կազմակերպություններում առանցքային գործիքներից մեկն է ստվերի դեմ շղթայական ռեակցիայով պայքարելու համար։ Սակայն դա միայն «մտրակն» է։ Կա նաև «բլիթ»՝ նկատի ունեմ ՀՕ 258-րդ հոդվածի 2-րդ կետը, ըստ որի 5% դրույքաչափով հաշվարկված շրջանառության հարկը այսպես կոչված «փաստաթղթավորված ձեռքբերումների» դեպքում հնարավոր է նվազեցնել բայց ոչ պակաս քան հարկման բազայի 1.5%-ի չափով։ Այլ կերպ ասած՝ կա «մտրակի և բլիթի» մեխանիզմ, բայց այն չի աշխատում այնպես, ինչպես շատերը կցանկանային և դեռևս շատ գործարարներ նախընտրում են 5% դրույքաչափով աշխատել, ավելին, որպեսզի քիչ շրջհարկ վճարեն կամ շրջհարկի շեմը չգերազանցեն, հրաժարվում են նաև հաշիվ ապրանքագրեր/հարկային հաշիվներ ընդունել իրենց մատակարարներից։

Ժամանակն է, որ «մտրակի և բլիթի» մեխանիզմը փոխել «մտրակի-բլիթի-կոմունիկացիայի-տեխնոլոգիայի» մեխանիզմով։ Օրինակ՝ մեր գործարար հանրությունում տարածված կարծիք է, որ շրջանառության հարկի համակարգը հարկային բեռի առումով ավելի բարենպաստ է, քան ընդհանուր համակարգը (ԱԱՀ-ով, շահութահարկով)։ Այնինչ, հաշվարկները ցույց են տալիս, որ, օրինակ՝ առևտրի ոլորտում դա այդքան էլ ձեռնտու չի։ Դիցուք, խանութ-ՍՊԸ-ի օրական շրջանառությունը 300,000 դրամ է:

b4b.am
Տարբերակ 1. Աշխատում է 100% մաքուր դաշտում՝ շրջհարկի 5% դրույքաչափով։

Տարբերակ 2. Աշխատում է 100% մաքուր դաշտում՝ շրջհարկը նվազեցնում է և վճարում է հարկման բազայի 1.5%-ի չափով։

Տարբերակ 3. Ցույց է տալիս միայն շրջանառության 20%-ը։

Տարբերակ 4. Աշխատում է 100% մաքուր դաշտում՝ ընդհանուր հարկման համակարգում։

Հարց է առաջանում, եթե մաքուր դաշտում աշխատելու դեպքում 2-րդ, 4-րդ տարբերակներն ամենաբարենպաստն են, ինչո՞ւ շատերը չեն օգտվում։ Պատասխան՝ (1) ինչպես ասացի կա թյուր կարծիք, որ շրջհարկի համակարգն ավելի բարենպաստ է և (2) տիպային ընկերությունը ստիպված է լինելու օգտվել հաշվապահական ծառայություններից, այնինչ, ժամանակակից տեխնոլոգիաները՝ հավելվածների, auto-filling-ի միջոցով թույլ է տալիս այդպիսի տրանսակցիոն ծախսերը կտրուկ նվազեցնել, հետևաբար կառավարությունը պետք է ակտիվ տեղեկատվական արշավներ իրականացնի և համապատասխան տեխնոլոգիաներ ներդնի տրանսակցիոն ծախսերը նվազեցնելու համար կամ տեխնիկական հնարավորություններ ստեղծի, որ մասնավոր ՏՏ ընկերությունները մտնեն այդ դաշտ։ Իսկ եթե մտրակի մեխանիզմը լավ չաշխատի, միշտ էլ տարբերակ (3)-ն է ձեռնտու լինելու։

Կա մեկ այլ լուծում էլ՝ ավելի ռադիկալ, շրջհարկի ռեժիմը վերացնել առևտրի ոլորտի համար և ընկերությունները ստիպված կլինեն իրենց մատակարարներից փաստաթղթավորված ձեռքբերում անելու, ավելին, դա կդառնա գնային մրցակցային առավելություն ձեռք բերելու միջոց»։

Բանկերը շարունակում են բնականոն աշխատանքը. ՀԲՄ

Բանկային համակարգն ունի բավարար կապիտալ և իրացվելիություն՝ սպասարկելու տնտեսությանը ֆինանսական անհրաժեշտ ռեսուրսներով։

«Հայաստան» համահայկական հիմնադրամին նվիրաբերության տվյալները

Նպատակ դաշտում պետք է նշել «Մենք ենք, մեր սահմանները, Համազգային դրամահավաք»:

5000 նոր աշխատատեղեր կամ չվարձատրվող արձակուրդից վերադարձածներ

ՀՀ վիճակագրական կոմիտեի կողմից հրապարակված հուլիս ամսվա պաշտոնական թվերը փաստում են, որ 2020թ.-ի հուլիսին գրանցված աշխատողների թվաքանակը հունիսի նկատմամբ նվազել է 554-ով։