Մուտք

Invalid username or password

Մոռացե՞լ եք գաղտնաբառը

Շահագործման կանոնների խախտման դեպքում տնտեսվարողը կզրկվի միջոցառումից

Վերադարձ լուրերի բաժին

Կորոնավիրուսի տնտեսական հետևանքների չեզոքացման 23-րդ միջոցառումը հաստատելու հարցի քննարկման ժամանակ ՊԵԿ նախագահ Էդվարդ Հովհաննիսյանը նշեց, որ ի սկզբանե Էկոնոմիկայի նախարարության հետ քննարկել են այն տարբերակը, որ եթե հսկիչ դրամարկղային մեքենաների շահագործման կանոնների խախտում է արձանագրվում, ապա տնտեսվարողը զրկվում է միջոցառումից օգտվելու հնարավորությունից:

«Գործնականում շատ են դեպքերը, երբ արձանագրված խախտումները տեղի են ունենում այս կամ այն սխալի պատճառով, և խախտումը չի հաստատվում, այդ թվում՝ բողոքարկման հանձնաժողովի կողմից կամ հետագայում վերադասության կարգով, ինչպես նաև դատարանի կողմից: Քննարկման արդյունքում եկանք այն եզրակացության, որ, որպեսզի խախտումը հաստատված համարվի, առաջարկեցինք բողոքարկման վարչական ակտը ուժի մեջ մտնելու գաղափարը»,- ասաց Հովհաննիսյանը:

Անդրադառնալով այն մտահոգությանը, որ զուտ արձանագրումը չի նշանակում դեռևս խախտման հաստատված հանգամանք, Հովհաննիսյանն ընդգծեց, որ կարող են պլան նախատեսել, որ արձանագրումից հետո չպետք է տրամադրեն, բայց եթե դատարանով կամ վերադասության կարգով չհաստատվի խախտումը, այդ դեպքում հետո տրամադրեն կամ պետք է տրամադրեն, սակայն պայման նախատեսեն, որ ենթակա կլինի վերադարձման, եթե խախտումը հաստատվի:

Վարչապետն ընդգծեց, որ ընդունելի տարբերակ է, որ ենթակա կլինի վերադարձման, եթե խախտումը հաստատվի: «Այսինքն՝ արդար կլինի այդպես, որ հանկարծ սխալի պատճառով աջակցությունից չզրկվի, բայց մյուս կողմից էլ այդպիսի արարքի մանիպուլյացիայի հետևանքով չստացվի, որ աջակցություն ստացավ այն բյուջեից, որի նկատմամբ ապօրինի գործողություն է կատարվել»,- շեշտեց վարչապետը:

Աղբյուրը՝ 1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանը կարևորում է ԵԱՏՄ ներքին շուկաների պաշտպանության ընդհանուր մոտեցման մշակումը. Նիկոլ Փաշինյան

Աշխատանքային այցով Ղազախստանում գտնվող վարչապետ Նիկոլ Փաշինյանն այսօր Ալմաթիում մասնակցել է Եվրասիական միջկառավարական խորհրդի հերթական նիստի աշխատանքներին:

Ավինյանը ներկայացրել է կորոնավիրուսի հետևանքների վերացման և տնտեսական ակտիվության միջավայրի վերականգնմանն ուղղված գործողությունները

ՀՀ փոխվարչապետ Տիգրան Ավինյանը Կառավարության նիստում ներկայացրեց «Տնտեսական արձագանքման ծրագիրը և գործողությունների նախնական պլանը հաստատելու մասին» որոշման նախագիծը:

ԵՄ-ն տրամադրում է ավելի քան 35 մլն. եվրոյի դրամաշնորհ՝ ՔՈՎԻԴ-19 համավարակի հետևանքների չեզոքացմանը

ԵՄ-ի արձագանքը բխում է «Team Europe» մոտեցումից , որի նպատակն է փրկել կյանքեր` այս համաճարակի դիմակայմանն ուղղված արագ և նպատակային աջակցություն ցուցաբերելով մեր գործընկերներին։