Մուտք

Invalid username or password

Մոռացե՞լ եք գաղտնաբառը

Շաբոյանը կանխատեսում է կարագի էժանացում առաջիկա 1-2 ամիսներին

Վերադարձ լուրերի բաժին

16:37 , 16 Հունվար 2018

Առաջիկա ամիսներին հայաստանյան շուկայում կանխատեսվում է կարագի գների նվազում: Այս մասին լրագրողների հետ հանդիպմանը տեղեկացրել է Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը։

«Միջազգային շուկայում կարագի գների նվազում է սկսվել, Հայաստանում ևս այդ ապրանքի գծով նկատվում է նվազման միտում: Կարծում ենք, առաջիկա մեկ-երկու ամիսների ընթացքում կարագը կէժանանա: Չնայած այժմ էլ մեր շուկայում առկա է կարագի գնի նվազում, բայց, կարծում ենք, հիմնական ազդեցությունը մեկ-երկու ամիս հետո է դրսևորվելու»,-«Արմենպրես»-ի փոխանցմամբ՝ ասել է պաշտոնյան: Մեկ-երկու ամիս հետո, քանի որ, ըստ Շաբոյանի, միջազգային շուկայում կարագի գների ու մեր ներմուծման գների միջև առկա է չորս ամսվա լագային ազդեցություն, այսինքն՝ փոփոխությունները հայաստանյան շուկայում դրսևորվում են չորս ամսվա ընթացքում:

Արտակ Շաբոյանը անդրադարձել է նաև կարագ ներմուծող ընկերություններին՝ նշելով, որ շուկայում կառուցվածքային որոշակի փոփոխություններ են արձանագրվել: Մասնավորապես, եթե նախկինում «Ալեքս հոլդինգ» ընկերությանը բաժին էր ընկնում կարագի շուկայում ներմուծման 80 տոկոսը, ապա ներկայում այն 55 տոկոս է կազմում: Դրան զուգահեռ կան 28 տնտեսավարողներ, որոնք ևս կարագի ներմուծում են իրականացնում ու գրավում շուկայի 40 տոկոսը:  Վերջիններս ներմուծումները կատարում են հիմնականում ԵԱՏՄ երկրներից:

Հայաստանում կարագի գների բարձրացումը, որը սկսվել էր դեռևս 2016-ի սեպտեմբերից, պայմանավորված էր ներմուծման գների բարձրացմամբ, այսինքն՝ միջազգային շուկայում կարագի գնի բարձրացումն անմիջականորեն ազդել էր այստեղ գործող գների վրա:

ԱՄԵՆԱԿԱՐԴԱՑՎԱԾ ԼՈՒՐԵՐ

Մեծ ստվերայնություն՝ խորհրդատվական և իրավաբանական ծառայությունների ոլորտում

ՊԵԿ դիտարկումները վկայում են, որ խորհրդատվական, իրավաբանական ծառայություններ մատուցող անձանց կողմից խիստ թերի են հայտարարագրվում եկամուտները

Ucom-ը գործարկեց ավտոպարկի կառավարման uFleet նորարարական լուծումը

Հոկտեմբերի սկզբին ԴիջիԹեք 2018 տեխնոլոգիական ցուցահանդեսին Ucom ընկերության կողմից ներկայացված uFleet ավտոպարկի կառավարման ամպային նորարար լուծումն արդեն հասանելի է օգտագործման համար

Ալավերդու պղնձաձուլական գործարանը կվերաբացվի և առաջիկա մեկ տարվա ընթացքում չի փակվի. Azatutyun

Երեկ կայացել է փոխվարչապետի պաշտոնակատար Տիգրան Ավինյանի և Ալավերդու երեք օր առաջ փակված պղնձաձուլարանի սեփականատեր, «Վալլեքս» խմբի ընկերությունների նախագահ Վալերի Մեջլումյանի հանդիպումը