Մուտք

Invalid username or password

Մոռացե՞լ եք գաղտնաբառը

Նոր ընդունելություն՝ «Տեխնոլոգիական զարգացման խթանումը Շիրակի մարզում» ծրագրի շրջանակում

Վերադարձ լուրերի բաժին

11:36 , 22 Սեպտեմբեր 2017

«Մայքրոսոֆթ» ինովացիոն կենտրոն Հայաստան»-ը և Գյումրու տեղեկատվական տեխնոլոգիաների կենտրոնը սկսում են նոր ընդունելություն «Տեխնոլոգիական զարգացման խթանումը Շիրակի մարզում» ծրագրի շրջանակում ծրագրավորման դասընթացներին մասնակցության համար։

Ինչպես տեղեկացնում է «Արմենպրես»-ը, ծրագրի շրջանակում 18-35 տարեկան գործազուրկ երիտասարդներին հնարավորություն է տրվում 6-ամսյա ինտենսիվ դասընթացների միջոցով սովորել ծրագրավորում և հետագայում աշխատանքի անցնել Շիրակի մարզում գործող ՏՏ ընկերություններ։ Ծրագրի առաջին փուլում ընդգրկված 50-ից ավել երիտասարդներ արդեն իսկ անցել են այս ուղու 5 ամիսները և պատրաստվում են ավարտական քննություններին, որի հաջող ընթացքի դեպքում պրակտիկայի կանցնեն գործող ընկերություններում։
«Նախորդ փուլի փորձառությունը ցույց տվեց, որ Շիրակի մարզում կա մեծ մարդկային ներուժ, համապատասխան դասընթացների միջոցով կարելի է վերապատրաստել լավ կրտսեր ծրագրավորողների, որոնց կարիքը շատ ունեն տեղում գործող ընկերությունները։ 15-ից ավելի ընկերություններ դարձել են ծրագրի գործընկերներ, պատրաստ են անցկացնել հարցազրույցներ և աշխատանքի վերցնել նրանց»,-նշում է «Մայքրոսոֆթ» ինովացիոն կենտրոն Հայաստան»-ի տնօրեն Արտաշես Վարդանյանը։

Ծրագրի շրջանակում կազմակերպվող ծրագրավորման ինտենսիվ դասընթացները լինելու են անվճար։

«Մայքրոսոֆթ ինովացիոն կենտրոն Հայաստան»-ը և Գյումրու տեղեկատվական տեխնոլոգիաների կենտրոնը Եվրոպական միության և ՀՀ տարածքային կառավարման և զարգացման նախարարության ֆինանսավորմամբ իրականացնում են Շիրակի մարզում տեղեկատվական տեխնոլոգիաներով զբաղվող ընկերությունների զարգացմանն ուղղված ծրագիր։ Ծրագիրը նպատակ է հետապնդում վերապատրաստել երիտասարդներին և հզորացնել ՏՏ ընկերությունների կարողությունները՝ տրամադրելով դրամական և բիզնես զարգացման աջակցություն:

Արմենուհի Մխոյան

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Դատվածություն ունեցողները չեն կարող լինել որոշ ֆինանսական գործառույթ իրականացնող կազմակերպությունների ղեկավարներ

Գործադիրն այսօրվա նիստում հավանություն է տվել «Ապահովագրության և ապահովագրական գործունեության մասին» և հարակից մի շարք օրենքներում լրացումներ և փոփոխություն կատարելու մասին ՀՀ օրենքների նախագծերի վերաբերյալ կառավարության օրենսդրական նախաձեռնությանը: Հիմնավորման համաձայն՝ խնդրին այն է, որ ԿԲ կողմից լիցենզավորվող որոշ սուբյեկտների համար նախատեսված չեն դրանց ղեկավարների և նշանակալից մասնակիցների նկատմամբ հանցագործության համար դատվածություն չունենալու վերաբերյալ պահանջներ: Օրինագծերի […]