Մուտք

Invalid username or password

Մոռացե՞լ եք գաղտնաբառը

Նոր գործարան, նոր աշխատատեղեր Ջերմուկում (լուսանկարներ)

Վերադարձ լուրերի բաժին

13:11 , 13 Դեկտեմբեր 2016

Դեկտեմբերի 12-ին Ջերմուկում տեղի է ունեցել «Ջերմուկ Գրուպ» ՓԲԸ նորակառույց գործարանի բացման հանդիսավոր արարողությունը, որին մասնակցել է ՀՀ նախագահ Սերժ Սարգսյանը։

ՀՀ տնտեսական զարգացման և ներդրումների նախարար Սուրեն Կարայանը իր բացման խոսքում նշել է, որ բնական և հանքային շշալցված ջրերի արտադրության ոլորտը Հայաստանի տնտեսության զարգացող ուղղություններից մեկն է։ Նա շեշտել է, որ երկրի տնտեսության համար գործարանի բացումը կարևոր իրադարձություն է, որը հերթական անգամ փաստում է Հայաստանում բարենպաստ ներդրումային միջավայրի առկայության մասին, ինչն արտադրական գործունեություն ծավալելու և բիզնեսում հաջողություններ ունենալու լավագույն գրավականն է:

jermuk06

– Հանրապետությունում առկա բնական և հանքային ջրերի պաշարներն ու բազմազանությունը, որոնք ունեն տարբեր համային և առողջարարական նշանակություն, ինչպես նաև այս արտադրանքի նկատմամբ արտաքին շուկայի պահանջարկի միտումները, հիմք են տալիս նշելու, որ ոլորտը զարգացման և նոր շուկաներ մուտք գործելու մեծ ներուժ ունի։ Դրա վառ ապացույցն է նաև այս նոր գործարանի բացումը, – ասել է նախարարը՝ հավելելով, որ պետությունը մշտապես պատրաստ է կանգնել գործունյա և բարեխիղճ արտադրողների կողքին աջակցության իր ողջ գործիքակազմով:

jermuk02

Միջոցառման մասնակիցները շրջայց են կատարել նորակառույց գործարանում՝ ծանոթանալով թարմացված արտադրական հոսքագծերին, արտադրական հզորություններին և «Ջերմուկ գրուպի» առաջիկա ծրագրերին:

jermuk03

Նշենք, որ Հայաստանում բնական և հանքային շշալցված ջրերի արտադրության ոլորտի տարեկան արտադրանքը կազմում է շուրջ 12 մլրդ ՀՀ դրամ, որի շուրջ 30 %-ը արտահանվում է։ Ոլորտում աշխատում է ավելի քան 1200 մարդ։

«Ջերմուկ գրուպ» ընկերությունը հանքային և բնական աղբյուրի ջուր արտադրող խոշորագույն ընկերությունն է Հայաստանում: Ընկերությունն անընդհատ իրականացվող խոշոր ներդրումների և զարգացումների շնորհիվ ձեռք է բերել առաջատար դիրքեր շուկայում:

jermuk04

Նորակառույց գործարանի գործարկմամբ «Ջերմուկ Գրուպն» ընդլայնում է իր գործունեությունը։ Այդ նպատակով ընկերությունը ներդրումային ծրագրի շրջանակում իրականացրել է շուրջ 5 մլրդ ՀՀ դրամի ներդրում` ներկրելով եվրոպական արտադրության ժամանակակից սարքավորումներ:

jermuk05

Նշված ներդրումային ծրագրի իրականացմանը նպաստելու համար, պետական աջակցության գործիքակազմի շրջանակում, ընկերությանը տրամադրվել է ներկրված սարքավորումների ԱԱՀ-ի գումարների վճարման հետաձգում և մաքսատուրքից ազատում:

jermuk07

Ծրագրի իրականացման արդյունքում ընկերությունը նախատեսում է արտադրել տարեկան ավելի քան 5 մլրդ դրամի արտադրանք, որի շուրջ 50 %-ը կարտահանվի: Նոր գործարանի կառուցմամբ աշխատատեղերի քանակն ընկերությունում կավելանա շուրջ 15%-ով:

ԱՄԵՆԱԿԱՐԴԱՑՎԱԾ ԼՈՒՐԵՐ

Առաջիկայում անհրաժեշտ կլինի աստիճանաբար բարձրացնել վերաֆինանսավորման տոկոսադրույքը. ԿԲ

ԿԲ-ն 2017թ. հունվար-դեկտեմբեր ժամանակահատվածի համար տնտեսական աճը գնահատում է 6.4%

Խորհրդարանը մերժեց եկամտային հարկի դրույքաչափը նվազեցնելու՝ «Ծառուկյան» դաշինքի նախաձեռնությունը

Ծառուկյան դաշինքն առաջարկում է ցածր աշխատավարձ ստացողների համար եկամտային հարկի բեռը թեթևացնել։

Volterman-ի շուրջ կրքերը թեժանում են. դրամապանակները խոստացված ժամկետներում չեն հասել գնորդներին

Առաջին դրամապանակները պետք է մատակարարվեին դառ անցած տարվա դեկտեմբերին