Մուտք

Invalid username or password

Մոռացե՞լ եք գաղտնաբառը

Նիկոլ Փաշինյանն անհրաժեշտ է համարում մարդկանց գիտակցության մեջ տնտեսական հեղափոխություն սերմանելը

Վերադարձ լուրերի բաժին

Հայաստանի Հանրապետության կառավարությունը երկրում տնտեսական հեղափոխությունը տեսնում է կապիտալի և սեփականության անվտանգության, հարկային հավասարակշռված քաղաքականության ապահովման, ֆինանսական և ներդրումային միջոցները հասանելի դարձնելու, հարկային արտոնյալ միջավայր ձևավորելու միջոցով անապահով խավերին աշխատանքի քաջալերելու մեջ: Ազգային ժողովում կառավարության ծրագրի քննարկման ժամանակ այդ մասին ասաց ՀՀ վարչապետ Նիկոլ Փաշինյանը: «Հարկավոր է առաջին հերթին մարդկանց գիտակցության մեջ հարուցել տնտեսական հեղափոխություն, որի առանցքային նպատակն է տնտեսական վարքի փոփոխությունը»,- ասաց Փաշինյանը:

Նա հավելեց, որ ունեն նաև որոշակի առաջնահերթություններ և գործիքակազմ: «Այդ առաջնահերթությունների տրամաբանությամբ է տեղի ունենում նաև կառավարության կառուցվածքի փոփոխությունները, որը մենք պետք է առաջարկենք Հայաստանի Ազգային ժողովին: Ինչպես տեղյակ եք, մենք մտադիր ենք Հայաստանի Հանրապետությունում հիմնել բարձր տեխնոլոգիական արդյունաբերության նախարարություն, և սա մենք դիտում ենք որպես կարևոր առաջնահերթություն Հայաստանում տնտեսական կառուցվածքի և համախառն ներքին արդյունքի կառուցվածքի մեջ փոփոխություններ իրականացնելու համար: Սրանով մենք ուղերձ ենք հղում, որ Հայաստանի Հանրապետությունը մի երկիր է, որը հետաքրքրված է այս ոլորտի զարգացմամբ, և մենք նաև պատրաստվում ենք քայլեր ձեռնարկել միջազգային ներդրողների համար հարկային ոլորտն ավելի գրավիչ դարձնելու համար»,- ընդգծեց Նիկոլ Փաշինյանը:

ՀՀ վարչապետը ներդրումային միջավայրի բարելավման տեսանկյունից ևս մեկ կարևոր հանգամանք ընդգծեց. «Հայաստանի կառավարությունը ի՞նչ գործիքակազմ պետք է կիրառի և արդյոք այս ընթացքում որևէ գործիքակազմ կիրառվե՞լ է Հայաստանի տնտեսության ներդրումային միջավայրը բարելավելու համար, և ընդհանրապես՝ դա ի՞նչ է նշանակում: Անկեղծ ասած՝ մեր պատկերացմամբ երկրի ներդրումային միջավայրի բարելավում նշանակում է առաջին հերթին երկրի միջազգային իմիջի բարելավում: Որովհետև, եթե որևէ տեղից միջազգային բիզնեսը ստանում է նեգատիվ ազդակներ, այդ թվում՝ քաղաքական միջավայրի վերաբերյալ, դա բնականորեն պիտի ազդի այդ երկրում ներդրումների գրավչության վրա: Եվ այս առումով ես կարող եմ ասել, որ ներկա պահին Հայաստանը գտնվում է բոլորովին այլ վիճակում, որովհետև երկար տարիներ հենց այս ամբիոնում, Հայաստանում հիմնական դիսկուրսը եղել է այն, որ եկեք տանենք գումարներ ծախսենք, որպեսզի BBC-ով, CNN-ով, աշխարհի այլ առաջատար լրատվամիջոցներով Հայաստան անունը հնչի, Հայաստանի մասին պատմեն, պատմեն, որ Հայաստանում միջավայրի դրական փոփոխություններ կլինեն: Եվ, ըստ էության, անցած տարվա ապրիլ-մայիսից այս գործընթացը շարունակվում է, և Հայաստանը՝ որպես երկիր, գնալով ավելի ու ավելի ճանաչելի է դառնում միջազգային հանրության համար, և այս գործընթացը շարունակվում է այսօր, շարունակվելու է վաղը, եթե Հայաստանում ժողովրդավարական բարեփոխումների քաղաքականությունը շարունակվի: Իսկ որ դա կշարունակվի, կարծում եմ՝ որևէ կասկած չկա»,- մանրամասնեց վարչապետը:

ԱՄԵՆԱԿԱՐԴԱՑՎԱԾ ԼՈՒՐԵՐ

Ազգային ժողովում շարունակվում է հերթական նիստը. ՈՒՂԻՂ

Ապրիլի 19-ին խորհրդարանում քննարկվեց Տնտեսական մրցակցության պաշտպանության պետական հանձնաժողովի նախագահի պաշտոնում Գեղամ Գևորգյանի ընտրության հարցը: «Լուսավոր Հայաստան» խմբակցությունը հայտարարեց, որ իրենք դեմ ենք քվեարկելու Գևորգյանի թեկնածությանը: Այսօր կայանալու է նաև ՏՄՊՊՀ նախագահի ընտրությունը:

Նիկոլ Փաշինյանը շնորհավորել է Վլադիմիր Զելենսկիին Ուկրաինայի նախագահական ընտրություններում հաղթանակի առթիվ-ՏԵՍԱՆՅՈՒԹ

Զելենսկին հայաստանյան լրատվամիջոցների հարցին ի պատասխան ասել էր, որ ի տարբերություն նախորդ նախագահ Պյոտր Պորոշենկոյի՝ ինքն անպայման այցելելու է Հայաստան, իր թիմում կան հայեր, և ինքը հայ ժողովրդին շատ է սիրում:

Հայաստանը հայտարարել է «Dubai 2020» ցուցահանդեսին երկրի մասնակցության կազմակերպման օպերատորի մրցույթ

Թիմում պետք է ներգրավված լինեն մասնագետներ հայերենի և անգլերենի կատարյալ իմացությամբ, իսկ արաբերենի իմացությունը կդիտվի որպես առավելություն: