Մուտք

Invalid username or password

Մոռացե՞լ եք գաղտնաբառը

Նիկոլ Փաշինյանը երաշխավորում է, որ բոլոր գործարարները Հայաստանում ունենալու են հավասար հնարավորություններ

Վերադարձ լուրերի բաժին

13:39 , 24 Հոկտեմբեր 2018

Բոլոր գործարարները Հայաստանում ունենալու են հավասար հնարավորություններ: «Արմենպրես»-ի հաղորդմամբ` հոկտեմբերի 24-ի ԱԺ հերթական նիստին, որի օրակարգում վարչապետի ընտրության հարցն է, այս մասին հայտարարել է ՀՀ վարչապետի պաշտոնակատար, վարչապետի միակ թեկնածու Նիկոլ Փաշինյանը:

Պատգամավոր Սերգեյ Բագրատյանը հետաքրքրվել է Փաշինյանի՝ տնտեսության զարգացման մոտեցման մասին:

«Հայաստանում տնտեսության զարգացման մոդելը հնարավորություններն են: Երբ անընդհատ ասում եմ, որ Հայաստանում պետք է խրախուսվի ոչ թե աղքատությունը, այլ աշխատանքը, հենց դա նկատի ունեմ: Մարդկանց պետք է քաջալերենք, որ աշխատեն: Պետությունը չի կարող գործարան կառուցել, արտադրել, վաճառել, գնել: Հիմա այլ ժամանակներ են, երբ անհատական ջանքն է տնտեսության զարգացման ամենակարևոր գործոնը: Մեր խնդիրն է ստեղծել հավասար դաշտ, որ որևէ մեկը չհարստանա նրա շնորհիվ, որ որևէ մեկի ծանոթն է, այլ որ բոլորն իմանան, որ հավասար պայմաններ ունեն»,-ասել է Փաշինյանն ու հավելել, որ տնտեսության զարգացման ամենակարևոր խթանը սա է:

Նա նշել է, որ երբ ասում են ներառող տնտեսական աճ, նկատի ունեն, որ ամեն մարդ, ով ունի ներուժ ստեղծելու ինչ-որ բան, պիտի ունենա դրա հնարավորությունը:

«Գործարարի ինչի՞ն է պետք լինել ԱԺ պատգամավոր: Մենք երաշխավորում ենք, որ բոլոր գործարարերը կունենան նույն հնարավորությունները: Պատգամավորի կարգավիճակը ոչ մի բան չի փոխի»,-շեշտել է Փաշինյանը:

Նրա խոսքով՝ Հարկային օրենսգրքի քննարկումը ևս կառավարության օրակարգում է: Սակայն դրա քննարկումը ձգձգվում է քաղաքական կուլմինացիայի պատճառով: Այդ առումով նա կարևորում է արտահերթ խորհրդարանական ընտրությունների անցկացումը:

Նիկոլ Փաշինյանը վարչապետի պաշտոնից հրաժարական էր տվել հոկտեմբերի 16-ին: Հրաժարականի նպատակը արտահերթ խորհրդարանական ընտրությունների հասնելն էր: Եթե վարչապետի հրաժարականից հետո երկու շաբաթվա ընթացքում խորհրդարանը վարչապետ չի ընտրում, Ազգային ժողովն արձակվում է և նշանակվում են արտահերթ խորհրդարանական ընտրություններ: Ներկայում ընթացող ԱԺ հերթական նիստում վարչապետի ընտրության հարցն է:

ԱՄԵՆԱԿԱՐԴԱՑՎԱԾ ԼՈՒՐԵՐ

Երբ կընդունվի Հարկային օրենսգրքին վերաբերող փաթեթը

Վերջին շրջանում հատկապես գործարար հատվածի կողմից բավականին շատ է հնչում այն հարցը, թե Հարկային օրենսգրքում և

Դասեր տնտեսագիտությունից․ շտկող հարկեր և նորարարական հարկային քաղաքականություն

ԵՄ տարածքում ալկոհոլամոլության դեմ պայքարի շրջանակում, մի շարք երկրներ (Դանիա, Իռլանդիա, Միացյալ Թագավորություն և այլն) ակցիզային հարկի ավելի ցածր կամ 0-ական դրույքաչափ են կիրառում մինչև 2.8% ալկոհոլի պարունակությամբ գարեջրի նկատմամբ։

Ներխուժում կատարած անձինք և նրանց գույքը շարունակում են մնալ Ամուլսարի ծրագրի տարածքում՝ չնայած Դատարանի վճռին

Քանի դեռ Ամուլսարի տարածք անխափան մուտքը չի վերականգնվել, Լիդիանը համարում է, որ ոստիկանությունը չի իրականացրել դատարանի վճռով սահմանված իր պարտականությունները: