Մուտք

Invalid username or password

Մոռացե՞լ եք գաղտնաբառը

«Ներքին աուդիտի ինստիտուտը այն գործիքն է, որը կնպաստի պետական ֆինանսների ճիշտ կառավարմանը». Վարդան Արամյան

Վերադարձ լուրերի բաժին

Հեղինակ

B4B.am

Խորագրեր

Պաշտոնական

21:41 , 15 Մայիս 2017

Մայիսի 15-ին «Կոնգրես» հյուրանոցում տեղի է ունեցել ՀՀ ֆինանսների նախարար Վարդան Արամյանի հանդիպումը «Ներքին աուդիտորների ինստիտուտ-Հայաստան» ՀԿ անդամների հետ:

ՀՀ ֆինանսների նախարար Վարդան Արամյանը նշել է, որ ՀՀ-ում ներքին աուդիտի ոլորտը բարեփոխումների կարիք ունի և դա այն օղակն է, որը կազմակերպությանը պետք է տրամադրի մրցունակ լինելու բանալին: Ներքին աուդիտը ՀՀ-ում պետք է ոչ միայն նույնականացնի հնարավոր ռիսկերը, այլև կատարի խորհրդատվական ինստիտուտի դեր:
«Ներքին աուդիտի ինստիտուտը այն գործիքն է, որը կնպաստի միկրո և մակրո մակարդակներում պետական ֆինանսների ճիշտ կառավարմանը՝ պահպանելով ՀՀ ֆինանսների նախարարության գործունեության 3 հիմնական սկզբունքները՝ տնտեսում (economy), նպատակայնություն (efficiency), արդյունավետություն (effectiveness)», – ասել է նախարար Արամյանը:
Քննարկմանը նշվել է, որ ՀՀ-ում ներկայումս իրականացվում է աուդիտի 3 տեսակ՝ ֆինանսական, կատարողական և համապատասխանության, որոնք խորքային բարեփոխումների կարիք ունեն, և պետք է ընտրել այդ ուղղությունների զարգացման ճիշտ մոդել ներքին աուդիտի դերակատարումը բարձրացնելու համար:
Հանդիպման ընթացքում շեշտվել է, որ այժմյան մարտահրավերներին դիմակայելու համար անհրաժեշտ է ներքին աուդիտի համակարգը զարգացնել բոլոր գերատեսչություններում, անցում կատարել դեպի բիզնես գործընթացների նկարագրում, և հնարավոր համակարգերի ավտոմատացում: Կարևորվել է նաև աուդիտի ոլորտում ֆունդամենտալ գիտելիքների ձեռքբերման խնդիրը և ընդգծվել է, որ ՀՀ-ում այն նույնպես կատարելագործման կարիք ունի:

ԱՄԵՆԱԿԱՐԴԱՑՎԱԾ ԼՈՒՐԵՐ

ՏԵՍԱՆՅՈՒԹ. «Սեքյուրիթի Դրիմ» և «Էլիփս» ընկերությունները 1 միլիարդ դրամից ավել գումար են հափշտակել. հարուցվել է քրեական գործ

«Սեքյուրիթի Դրիմ» և «Էլիփս» ընկերությունների տնօրինությունը հափշտակել է շուրջ 1 միլիարդ 15 միլիոն 869 հազար 600 հարյուր դրամ:

Բանակի վառելիքը վաճառել են. ԱԱԾ-ն խոշոր յուրացումներ է բացահայտել ՊՆ զորամասերից մեկում

Վառելիքը մաս-մաս դուրս է բերել զորամասից և վաճառել տարածաշրջանում գործող լցակայանների սեփականատերերին:

ՈՒՂԻՂ. ԱԺ արտահերթ նիստում քննարկվում Մանվել Գրիգորյանին անձեռնմխելիությունից զրկելու հարցը

Գումարվել է Հայաստանի Հանրապետության Ազգային ժողովի արտահերթ նիստ` նախաձեռնողի սահմանած օրակարգով։