Մուտք

Invalid username or password

Մոռացե՞լ եք գաղտնաբառը

Նախատոնական և տոնական օրերին ՀԴՄ կտրոնների թիվն ավելացել է

Վերադարձ լուրերի բաժին

01:44 , 14 Հունվար 2020

Հայաստանում դեկտեմբերի 28-ից հունվարի 6-ն ընկած ժամանակում նախորդ տարվա նույն ժամանակի համեմատ՝ տպվել է 32 տոկոսով ավելի շատ, այսինքն՝ 10.5 մլն ՀԴՄ կտրոն: Ընդ որում, այդ առումով էական աշխուժություն է նկատվել մարզերում:

«Հսկիչ դրամարկղային մեքենաների ֆիսկալ հիշողությունից հանել ենք ոլորտը, այսինքն՝ թե ինչպիսի շրջանառություն է եղել»,-ասել է ՊԵԿ նախագահ Դավիթ Անանյանը:

Նա նշել է՝ շուրջ 22 տոկոսով ավելացել է շրջանառությունը, դեկտեմբերի 28-հունվարի 6-ը եղել է 51 մլրդ դրամի շրջանառություն՝ նախորդ տարվա 42-ի փոխարեն: Անանյանն ամենակարևորն համարել է այն, որ Երևանում այդ ցուցանիշները պակաս են ընդհանուրից: «Օրինակ՝ 22 տոկոս ընդհանուր շրջանառության մեջ Երևանի տոկոսը 15 է, դրա փոխարեն Սյունիքում ՀԴՄ կտրոնների քանակն ավելացել է 124 տոկոսով, շրջանառությունը՝ 97 տոկոսով: Գյումրիում ՀԴՄ կտրոնների քանակն ավելացել է 99 տոկոսով, շրջանառությունը՝ մոտ 70 տոկոսով: Սա մեզ պետք էր, որպեսզի մենք նաև հասկանանք, որ ամանորյա տոնակատարության ժամանակ ոչ միայն աշխուժություն է եղել, այլ նաև հարկային կարգապահության առումով շրջաններում ավելի լավ իրավիճակ է եղել»,-ասել է Անանյանը; Նա նա նկատել է, որ Երևանում միշտ գրեթե նորմալ է եղել, քանի որ վերահսկողությունը շատ ավելի ընդգծված է:

ՊԵԿ ղեկավարը նկատել է, որ կա հարկային վարքագծի, կարգապահության աննախադեպ աճ նախորդ տարվա մի քանի օրերի համեմատ: «Այն դրոշակը, որ մենք վերցրել ենք նաև վարչապետի գլխավորությամբ և ՀԴՄ կտրոն տրամադրելը դարձրել ենք երկրի ղեկավարի ամենօրյա ուղերձների թեմա, ունի նպատակ»,- ասել է նա:

Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է վճարային քարտեր  ուսանողներին

ՎՏԲ-Հայաստան Բանկը, միջազգային Visa վճարահաշվարկային համակարգի հետ համատեղ, մեկնարկել է iStudent քարտը, որը նախատեսված է միջին մասնագիտական և բարձրագույն ուսումնական հաստատությունների ուսանողների համար:

Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի

Այդ մասին տեղեկացրել է փոխվարչապետի պաշտոնակատար Մհեր Գրիգորյանը: