Մուտք
Invalid username or password
Մհեր Գրիգորյանը ստվերային տնտեսության կրճատման համար կարևորում է անկանխիկ գործարքների ավելացումը
Վերադարձ լուրերի բաժին
22:21 , 11 Փետրվար 2020
Դիտումներ711
Անկանխիկ գործարքները կնպաստեն սպառողական վարկերի տոկոսադրույքների նվազեցմանը և կբարձրացնեն վարկերի հասանելիության աստիճանը: Այդ մասին «Հրապարակում» հաղորդաշարի հետ հարցազրույցում ասել է ՀՀ փոխվարչապետ Մհեր Գրիգորյանն՝ անդրադառնալով «Անկանխիկ գործառնությունների մասին» օրենքի նախագծին:
Փոխվարչապետն ընդգծել է, որ աշխարհում չկա զարգացած երկիր, որտեղ կանխիկի շրջանառությունը դոմինանտ լինի կամ այն կազմի բարձր տոկոս: «Եթե չլինի կանխիկ շրջանառություն, չի լինի նաև ստվեր, ինչպես նաև այն վարչարարություն իրականացնելու համար շատ ավելի արդյունավետ է: Բացի այդ, անկանխիկ շրջանառության աճի պարագայում դրամավարկային գործիքները շատ ավելի հասցեական են և ավելի ազդեցիկ են դառնում, ինչը շատ կարևոր է գների կայունության կարգավորման համար»,- նշել է Գրիգորյանը:
Փոխվարչապետը հայտնել է, որ օրենքի նախագծով կարգավորվում են հետևյալ հարաբերությունները` գործարքները ֆիզիկական անձ-ֆիզիկական անձ, ֆիզիկական անձ-բիզնես, բիզնես-ֆիզիկական անձ և ֆիզիկական անձ- պետություն: «Ֆիզիկական անձ-ֆիզիկական անձ օղակը ամենաչկարգավորվածն է և ամենադժվար կարգավորվողն է, բայց, այնուամենայնիվ, եթե մնացածը լավ կարգավորվի, կարծում եմ, ընդհանուր նվազման միտումը շատ էական և արդյունավետ կլինի: Ունենք օղակներ բիզնես-ֆիզիկական անձ, ֆիզիկական անձ-բիզնես, որտեղ, իհարկե, զսպման անհրաժեշտությունը այսօր առկա է, որովհետև, չեմ պատկերացնում մի իրավիճակ, երբ, օրինակ` մարդը այցելում է խանութ և գնում է կահույք կանխիկով, առավել ևս ավտոմեքենա: Աշխարհում շատ քիչ երկրներ կան, որտեղ դա հնարավոր է: Վերջնական նպատակը կանխիկ գործարքի առավելագույն չափը սահմանելն է` 2020 թվականից ամեն դեպքերում 300 հազար դրամ առավելագույնը»,- եզրափակել է Գրիգորյանը:
Արմենպրես
Դիտումներ 711
ԱՄԵՆԱԿԱՐԴԱՑՎԱԾ ԼՈՒՐԵՐ
Պետք է համակերպվելու քաղաքականությունը փոխարինենք հաղթահարելու քաղաքականությամբ
Վարչապետը ծանոթացել է ԱՍՀՆ ծրագրերի ընթացքին:
Մետաղական հանքարդյունաբերության ոլորտի ընկերությունների վճարած շահութահարկի վերաբերյալ
Այս պահի դրությամբ շահութահարկի հաշվարկ ներկայացրել է միայն մեկ հարկ վճարող:
Փոփոխություն «Զինծառայողների ապահովագրության» hիմնադրամի խորհդի անդամների կազմում
Հիմադրամի` մինչև 2020 թվականի հուլիսի 1-ը նշանակված անդամների լիազորությունները դադարեցվել են:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։