Մուտք

Invalid username or password

Մոռացե՞լ եք գաղտնաբառը

Մինչև 2020-ը Հայաստանում կառուցվելու են 100 մեգավատ հզորությամբ արևային կայաններ

Վերադարձ լուրերի բաժին

15:12 , 29 Օգոստոս 2018

ՀՀ էներգետիկ ենթակառուցվածքների և բնական պաշարների նախարարությունը կարևորում է Հայաստանում այլընտրանքային էներգետիկայի զարգացումը: Ինչպես տեղեկացնում է «Արմենպրես»-ը, օգոստոսի 29-ին, ամփոփելով պաշտոնավարման 100 օրը, մամուլի ասուլիսի ժամանակ այս մասին ասել է ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:

Նա նշել է, որ նախարարության համար վերականգնող էներգետիկան համարվում է առաջնահերթություն, որովհետև այն ռազմավարական լուրջ նշանակություն ունի Հայաստանի Հանրապետության համար: Նախարարի խոսքով` այդ առումով աշխատանքներ են իրականացվել արևային էներգետիկան զարգացնելու ուղղությամբ:

Նախարարությունը առաջարկություն կներկայացնի Հանրային ծառայությունները կարգավորող հանձնաժողովին, որպեսզի մինչև 2020 թվականի հունվարի 1-ը 100 մեգավատ հզորության արևային կայաններ կառուցվեն:

«100 մեգավատ հզորությամբ արևային կայանների կառուցումը պայմանավորել ենք հետևյալ ձևաչափով. մինչև 5 մեգավատ տեղակայվող կայանների համար կսահմանվի բնական ջրահոսքերի վրա կառուցված ՀԷԿ-երից առաքվող էլեկտրաէներգիայի սակագնին հավասար սակագին, որը կազմում է մոտավորապես 23,8 դրամ՝ առանց ԱԱՀ-ի և 5 մեգավատ և ավել հզորությունների դեպքում նախարարության կողմից կուսումնասիրվեն ընկերություններից առաջարկված իրենց փաթեթները և կտրվի համապատասխան հնարավորություն»,- ասել է Գրիգորյանը:

Այս տարվա օգոստոսին նախարարությունը կնքեց «Մասրիկ 1» արևային կայանի կառուցման վերաբերյալ համաձայնագիրը և հնարավորություն ընձեռնվեց արտասահմանյան կազմակերպությանը իրականացնելու նախագծման, կառուցապատման և ֆինանսավորման աշխատանքները:

Նշենք, որ ՀՀ վիճակագրական կոմիտեի տվյալներով՝ 2018 թվականի առաջին կիսամյակում Հայաստանի արևային էլեկտրակայաններն արտադրել են 2  մլն.կՎտ. ժամ էլեկտրաէներգիա։ Ընդհանուր 3853 մլն.կՎտ. ժամի մեջ սա մեծ թիվ չի, սակայն 2017 թվականի առաջին կիսամյակում այդ թիվն այնքան փոքր էր, որ պաշտոնական վիճակագրությունը անգամ առանձին այն չէր ներկայացնում։

Հիշեցնենք նաև, որ «Շտիգեն Էներգետիկ համակարգեր»  ընկերությունը օրերս «Գետամեջ»-ի թռչնաֆաբրիկայում տեղադրել է 237.6 կՎտ դրվածքային հզորության արևային (ֆոտովոլտային) կայան, որը Հայաստանում մինչ օրս տեղադրված ամենամեծ տանիքային արևային կայանն է։

ԱՄԵՆԱԿԱՐԴԱՑՎԱԾ ԼՈՒՐԵՐ

«Կառավարության գործողությունները և անգործությունը Լիդիանի ներդրումային ծրագրի դեմ թիրախավորած արշավի մաս են»,- Լիդիան

«Կաշխատենք նաև ELARD-ի հետ, որը ինչպես ներկայացվում է կառավարության կողմից, իրականացնելու է վերջին աուդիտը»,- Լիդան:

Կուսումնասիրեն Հայկական ԱԷԿ-ի՝ մինչև 600 մեգավատ հզորությամբ էներգաբլոկ ունենալու հնարավորությունը

Հայկական ատոմային էլեկտրակայանում շարունակվում են շահագործման ժամկետի երկարաձգման աշխատանքները, որի համար դեռ 2014-2015 թվականներին Հայաստանը Ռուսաստանի Դաշնության հետ ստորագրել է համագործակցության և ֆինանսավորման մասին երկու համաձայնագիր: b4b.am-ի հաղորդմամբ` Հայաստանում ատոմային էներգետիկայի զարգացման հեռանկարները պանելային քննարկման ժամանակ լրագրողների հետ զրույցում Հայաստանի էներգետիկ ենթակառուցվածքների և բնական պաշարների նախարարության էներգետիկայի վարչության ատոմային էներգետիկայի բաժնի պետ Արտեմ Պետրոսյանն ասաց, […]

Քննարկվել են ՀՀ կառավարության և Գերմանական զարգացման բանկի միջև համագործակցության ընդլայնմանը վերաբերող հարցեր

Վարչապետ Նիկոլ Փաշինյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Ցիմելկայի գլխավորած պատվիրակությանը: Այդ մասին b4b.am-ին հայտնեց կառավարության մամուլի բաժինը։ Կառավարության ղեկավարն ընդգծել է, որ մի քանի ամիսների ընթացքում երկու երկրների միջև տեղի են ունեցել բարձր մակարդակի փոխայցելություններ, որոնք նոր թափ կհաղորդեն հայ-գերմանական բարեկամական հարաբերություններին: Նիկոլ Փաշինյանի խոսքով՝ այդ հարաբերություններում կարևոր տեղ ունի […]