Մուտք

Invalid username or password

Մոռացե՞լ եք գաղտնաբառը

«Միասին շատ լուրջ տնտեսական հաջողությունների ենք հասնելու»,- Նիկոլ Փաշինյանը՝ գործարարներին

Վերադարձ լուրերի բաժին

01:40 , 31 Մայիս 2019

Վարչապետը Նիկոլ Փաշինյանը կառավարության մայիսի 30-ի նիստի աշխատանքները դրական գնահատեց և կոչ արեց Հայաստանի Հանրապետությունում գործունեություն ծավալող գործարարներին պահել լավատեսության տեմպը՝ միասին շատ լուրջ տնտեսական հաջողությունների հասնելու համար:

«Իհարկե, կառավարության մեր բոլոր նիստերի օրակարգերում կան այսպիսի հարցեր, բայց նաև հենց սա նկատի ունեի, երբ ասում էի, որ մենք պետք է առաջնահերթություն տանք կառավարության այն որոշումներին, որոնք մարդկանց կյանքում, իրականության մեջ, երկրում հաստատված մթնոլորտում շատ կոնկրետ բան են փոխում: Այսօրվա նիստի առանձնահատկությունն այնպիսին էր, որ ըստ էության բոլոր որոշումները հենց դրան էին ուղղված և սա է նաև այն դրական ֆոնը, որ մենք ունենք տնտեսական իրավիճակի հետ կապված: Շատ կարևոր է, և ես ուզում եմ Հայաստանի Հանրապետությունում գործունեություն ծավալող գործարարներին կոչ անել, ևս մեկ անգամ հորդորել, որ նրանք այս լավատեսության տեմպը պահեն և կառավարությունը իր գործունեությամբ ամեն ինչ կանի և անում է, և վստահ եմ, որ մենք միասին իսկապես շատ լուրջ տնտեսական հաջողությունների ենք հասնելու և կարողանալու ենք լուծել այն խնդիրները, որ մեր առաջ դրված են: Դրա համար պետք է, որ մենք շարունակենք նույն ոգով, նույն տրամաբանությամբ աշխատել և շարունակել բարեփոխումները Հայաստանի հանրային պետական կյանքի և տնտեսական կյանքի բոլոր ոլորտներում»,- ասաց վարչապետը:

ԱՄԵՆԱԿԱՐԴԱՑՎԱԾ ԼՈՒՐԵՐ

Վիվա-ՄՏՍ. «Լիցք+». այժմ արդեն մինչև 2000 Դ չափով

Ծառայության ակտիվացման գինն անփոփոխ է՝ 20 դրամ:

ՀԴՄ կտրոն չտպելը զինվորի հացը գողանալ է. Փաշինյան

Վարչապետի խոսքով՝ մեր բիզնեսի խնդիրն այն է, որ ստանդարտները միշտ ամենացածրի վրա են դրվում:

ՎՏԲ-Հայաստան Բանկն առաջարկում է Հայաստանից Ռուսաստան դրամական փոխանցումների՝ շուկայի ամենացածր սակագինը

Հնարավոր է փոխանցումներ իրականացնել անմիջապես Visa/Mastercard/МИР քարտերին և Ռուսաստանում դրամական փոխանցումը ստանալ առանց Բանկի մասնաճյուղ այցելելու անհրաժեշտության։