Մուտք

Invalid username or password

Մոռացե՞լ եք գաղտնաբառը

Մետրոյի «Աջափնյակ» կայարանի կառուցումը դժվարացել է

Վերադարձ լուրերի բաժին

«Երևանի մետրոյի նոր կայարանի կառուցման ժամանակ անսպասելի փաստեր են բացահայտվել»,- չորեքշաբթի ասաց տարածքային կառավարման և ենթակառուցվածքների նախարար Սուրեն Պապիկյանը` ելույթ ունենալով ԱԺ–ում 2019թ.–ի բյուջեի կատարողականի մասին լսումների ժամանակ։

Երևանի մետրոյի «Աջափնյակ» նոր կայարանի շինարարությունը նախատեսվում էր սկսել 2020 թ.–ի գարնանը։ Նոր կայարանը նախատեսվում է տեղադրել կամրջի վրա, որը կկառուցվի Հրազդան գետի վրա։ 2019 թ.–ի վերջին բանակցությունները հասել էին մետրոյի կայարանի և երկաթուղային կամրջի նախագծման փուլին, ձեռք էր բերվել նախնական պայմանավորվածություն ներդրողի հետ կամրջի ֆինանսավորման մասին։ Ներդրողը համաձայնել էր կառուցել մետրոյի կայարանը առևտրի բիզնես և առևտի կենտրոնի հետ, որը գտնվելու էր կայարանի մոտ։

«Իսպանական ընկերությունը, որը սկսեց զբաղվել նախագծմամբ և կատարում է նախնական վերանորոգման և նախագծման աշխատանքներ, բախվեց անսպասելի խնդրի հետ։ Շինարարության վայրում հայտնաբերվեցին ստորգետնյա ջրեր կամ ավելի շուտ դա կարելի է անվանել փոքր գետ, որը պետք է չորացնել կամ գտնել այլ լուծում», – ասաց Պապիկյանը։

Նրա խոսքով, նախագծման լուծումները կան, սակայն կորոնավիրուսի պատճառով շինարարական աշխատանքներ դեռ չեն ընթանում կամ ընթանում են շատ փոքր ծավալով տեղական ընկերության կողմից շինարարության անվտանգության ապահովման համար։ Միաժամանակ Պապիկյանը վստահեցրեց, որ չնայած նոր հանգամանքներին, կայարանը կկառուցվի։ «Չնայած 2020 թ.–ի բյուջեում այդ ծախսերը նախատեսված չեն, նախնական աշխատանքներ արդեն իրականացվում են, և դիտարկվում է ֆինանսավորման հնարավորությունը ինչպես կառավարության ռեզերվային միջոցների, այնպես էլ մասնավոր ներդրումների հաշվին։. Կարծում եմ, որ տարվա ընթացքում մենք արդեն հստակ կկողմնորոշվենք, թե ինչպես կլուծվի հարցը», – ասաց Պապիկյանը։

Նովոստի–Արմենիա

ԱՄԵՆԱԿԱՐԴԱՑՎԱԾ ԼՈՒՐԵՐ

5000 նոր աշխատատեղեր կամ չվարձատրվող արձակուրդից վերադարձածներ

ՀՀ վիճակագրական կոմիտեի կողմից հրապարակված հուլիս ամսվա պաշտոնական թվերը փաստում են, որ 2020թ.-ի հուլիսին գրանցված աշխատողների թվաքանակը հունիսի նկատմամբ նվազել է 554-ով։

25.09.2020: Շաբաթական ամփոփ տվյալներ

Սեպտեմբերի 14-20-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 99.4 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 39.6 մլն ԱՄՆ դոլար:

Հայաստանի ստարտափ ակադեմիայի «Traction» ծրագիրը կներկայացնի իր 9 շրջանավարտ-ընկերություններին առցանց անցկացվող Դեմո օրվա ընթացքում

Եվրոպական միության և Վիվա-ՄՏՍ-ի աջակցությամբ իրագործվել է Հայաստանի ստարտափ ակադեմիայի «Traction» ծրագրի առաջին շրջանը: