Մուտք

Invalid username or password

Մոռացե՞լ եք գաղտնաբառը

«Մենք բերելու ենք նոր տեխնոլոգիա, որ մինչ այժմ չի կիրառվել Հայաստանում». Հովարդ Սթիվենսոն (տեսանյութ)

Վերադարձ լուրերի բաժին

18:39 , 19 Դեկտեմբեր 2017

Ամուլսարի ոսկու հանքավայրի շինարարությունն ընթացքի մեջ է։ Երկար տարիներ իրականացվել են որոնողահետազոտական աշխատանքներ։ Այժմ իրականացվել է հանքի շինարարության կեսից ավելին և նախատեսվում է ավարտել աշխատանքները հաջորդ տարի։ Այս մասին «Ազատություն» ռադիոկայանի հետ զրույցում ասել է «Լիդիան Ինթերնեյշնլ» ընկերության նախագահ և հիմնադիր տնօրեն Հովարդ Սթիվենսոնը։ Նշենք, որ «Լիդիան Ինթերնեյշնլը» Ամուլսարի ոսկու հանքավայրը շահագործող «Լիդիան Արմենիա» ընկերության գլխավոր բաժնետերն է։

Սթիվենսոնը հավաստիացրել է, որ Ամուլսարը լինելու է ժամանակակից և այսօրվա միջազգային բոլոր չափանիշներին համապատասխան արդյունավետ արդյունաբերական ծրագիր։ «Այն տարբեր է լինելու այն հանքարդյունաբերական ծրագրերից, որոնք մինչ այժմ իրականացվել են Հայաստանում։ Մենք բերելու ենք նոր տեխնոլոգիա, որ մինչ այժմ չի կիրառվել Հայաստանում և որը բնապահպանական տեսանկյունից ավելի արդյունավետ է»,- ասել է «Լիդիան Ինթերնեյշնլի» տնօրենը։

Նա ասել է, որ հասկանում է՝ մարդիկ մտահոգություններ ունեն, բայց կարծիք է հայտնել, որ այդ մտահոգությունների մի զգալի մասը հիմնված է ինֆորմացիայի պակասի վրա կամ ոչ բավարար քանակի վրա։ Օրինակ, անդրադառնալվ այն տեղեկություններին, որ հանքի շահագործման ընթացքում օգտագործվելու է ցիանիդ, Սթիվենսոնը շեշտել է, որ Ամուլսարը առաջին հանքավայրը չի աշխարհում և Հայաստանում, որ ցիանիդ է օգտագործելու։ «Շատ կարևոր է հասկանալ, որ մեր այս ծրագիրն այնպես է կառուցված, որ կոչվում է «զրո արտահոսք ունեցող ծրագիր»։ Այսինքն, ցիանիդ պարունակող ոչ մի հեղուկ բաց չի թողնվելու շրջակա միջավայր։ Կարևոր է նաև հասկանալ, որ ցիանիդը թանկ նյութ է, և հետևաբար նաև մեր տնտեսական շահերից է բխում այնպես անել, որ որևէ արտահոսք չլինի», – ասել է նա։

Ամբողջական հարցազրույցը՝ տեսանյութում

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]