Մուտք

Invalid username or password

Մոռացե՞լ եք գաղտնաբառը

Մարիսա Մայերը չի գլխավորի Yahoo!-ն Verizon-ի հետ գործարքի ավարտից հետո. Business Insider

Վերադարձ լուրերի բաժին

Հեղինակ

B4B.am

Խորագրեր

Աշխարհ

13:39 , 14 Մարտ 2017

Yahoo!-ի ղեկավար Մարիսա Մայերը չի գլխավորի Altaba ընկերությունը, որը կմնա Yahoo!-ից Verizon-ի հետ գործարքից հետո: Այս մասին հայտնում է Business Insider-ը՝ վկայակոչելով ընկերության փաստաթղթերը:

Այն դեպքում, եթե Մայերը հեռանա ընկերությունից, նա կստանա «ոսկե պարաշյուտ»՝ 23 մլն դոլարի չափով:

Այդուհանդերձ, անհայտ է, թե արդյոք նա կմնա Altaba-ում և թե ինչ պաշտոնում: Պարբերականը նշում է, որ Մայերը չէր պլանավորում հեռանալ:

Քանի դեռ Verizon հեռահաղորդակցության հսկայի կողմից Yahoo!-ի գնման գործարքը չի փակվել, Մայերը կշարունակի հանդես գալ որպես դրա գլխավոր տնօրեն:

Ավելի վաղ հաղորդվել էր, որ Մայերը կլքի ընկերության տնօրենների խորհուրդը, երբ Verizon Communications Inc-ն ավարտի ընկերության ակտիվները 4.8 մլրդ դոլարով գնելու գործարքը։

Verizon-ը կստանա Yahoo!-ի ինտերնետ-բիզնեսի ակտիվները (էլետրոնային փոստեր, որոնողական համակարգ, նորությունների և մարզական կոնտենտ, ֆինանսական գործիքներ, մեսենջեր, AOL ինտերնետ-բիզնես, որը օպերատորը գնել էր անցած տարի 4.4 մլրդ դոլարով)։

Բացի այդ՝ գնման մասին համաձայնագրում ներառված է ընկերությանը պատկանող գույքի գնումը։ Verizon-ն ի սկզբանե առաջարկում էր 3 մլրդ դոլար՝ առանց անշարժ գույքի ձեռքբերման։

«Նոր Yahoo!»-ի անվանումն է Altaba Inc., որում կներառվեն ոչ միայն չինական Alibaba Group-ի (15%) և Yahoo! Japan-ի (35,5%) բաժնետոմսերի փաթեթները, որոնց ընդհանուր գումարը հասնում է 40 մլրդ դոլարի, այլև ոչ պրոֆիլային պատենտները։

Բիզնեսի վաճառքի մասին որոշումը կայացվել էր Մայերի եռամյա ջանքերից հետո՝ փոխել ընկերության գործունեության ուղղվածությունն ու բարձրացնել եկամտաբերությունը՝ կենտրոնանալով Yahoo!-ի բջջային հավելվածների վրա։

ԱՄԵՆԱԿԱՐԴԱՑՎԱԾ ԼՈՒՐԵՐ

Վարչապետը վերահաստատել է Հայաստանի ակտիվ համագործակցության պատրաստակամությունը՝ ի նպաստ ԵԱՏՄ հետագա զարգացման

Նիստի ընթացքում քննարկվել են եվրասիական ինտեգրման հարցերի լայն շրջանակ՝ առևտրի, ներքին շուկայի գործունեության, մրցակցության, արդյունաբերության, տեխնիկական կարգավորման և այլ ոլորտներին վերաբերող թեմաներ:

Հայաստանի տնտեսական աճի կանխատեսումները վատթարացել են

Ասիական զարգացման բանկը կանխատեսել է ՀՆԱ մինչև 4 տոկոս անկում:

Տեսանյութ: Օտարերկրյա ներդրումները ներկա իշխանության աքիլեսյան գարշապարն են

Տնտեսագետ Հայկազ Ֆանյանը կառավարության հակաճգնաժամային միջոցառումներից մի քանիսը, այդուամենայնիվ, համարում է ճիշտ ժամանակին ընդունված: