Մուտք

Invalid username or password

Մոռացե՞լ եք գաղտնաբառը

Ճգնաժամի նախանշաններ. Նազարբաևն առաջարկել է ստեղծել ԵՏՄ-ի հակաճգնաժամային խորհուրդ

Վերադարձ լուրերի բաժին

Հեղինակ

B4B.am

Խորագրեր

ԵՏՄ

13:45 , 27 Դեկտեմբեր 2016

Ղազախստանի նախագահ Նուրսուլթան Նազարբաևը երեկ Սանկտ Պետերբուրգում կայացած Եվրասիական տնտեսական բարձրագույն խորհրդի նիստում խոստովանել է, որ Եվրասիական տնտեսական միությունում պահպանվում են բարդ տնտեսական իրավիճակն ու մի շարք ներքին խնդիրներ։ Նա կոչ է արել ստեղծել հակաճգնաժամային խորհուրդ ԵՏՄ-ի շրջանակում։

Հիշեցնենք, որ խորհրդի նիստին մասնակցել են ՌԴ նախագահ Վլադիմիր Պուտինը, ՀՀ նախագահ Սերժ Սարգսյանը, Ղրղըզստանի նախագահ Ալմազբեկ Աթամբաևը և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:

«Անհրաժեշտ է ստեղծել հակաճգնաժային խորհուրդ, որպեսզի ուսումնասիրվեն բոլոր խնդիրները, խորհրդի աշխատանքներում պետք է ներգրավել համաշխարհային մակարդակի, նաև տեղի փորձագետների։ Աշխատանքը պետք է կենտրոնանա խորը վերլուծության վրա, առկա խնդիրների գործնական լուծման ու առաջարկությունների առաջ քաշման վրա։ Մենք պետք է իմանանք, թե ինչպես թիկունք լինենք մեկս մյուսին տնտեսական դժվարին պայմաններում։ Դրա համար անհրաժեշտ է մարմին, որը կզբաղվի այդ հարցերով»,- հայտարարել է Նազարբաևը։

Նրա խոսքով՝ ԵՏՄ անդամ երկրների տնտեսական փոխհարաբերությունները ազդում են հենց միության ներքին չլուծված հարցերի վրա։ Դրանց թվին են պատկանում փոխադարձ առևտրի ժամանակ առաջացած խոչընդոտները, յուրաքանչյուր երկրի հավելյալ պահանջներն ու սահմանափակումները, ապրանքների տարանցման ժամանակ առաջացող խնդիրները, շուկայում մատչումի ժամանակ վճարումների ապահովումը և այլն։

«Մենք հասկանում ենք, որ այդ խնդիրները միշտ եղել են և կլինեն, դրանք ժամանակավոր են, հանդիպում են ցանկացած ինտեգրացիոն գործընթացում սկզբնական փուլում։ Հավանաբար, պետք է ժամանակ անցնի, որպեսզի երկրների կառավարություններն ու բիզնեսները համատեղ աշխատանքի փորձ ձեռք բերեն»,- ասել է նա։

ԱՄԵՆԱԿԱՐԴԱՑՎԱԾ ԼՈՒՐԵՐ

Կարեն Կարապետյանի մոտ քննարկվել են ԵԱՏՄ տարածքում ապրանքների տեղաշարժին վերաբերող հարցեր

Մասնավորապես, անդրադարձ է կատարվել ապրանքների հետագծելիության ապահովման, նույնականացման միջոցներով ապրանքների մակնշման ու փաստաթղթային ուղեկցման, տնտեսվարողների համար բիզնես գործընթացների պարզեցման հարցերին:

ԵԱՏՀ-ում քննարկել են ԵԱՏՄ-ի շուկայում խոչընդոտների արագ հակազդման եղանակները

Ներքին շուկաների գործառման խորհրդատվական կոմիտեում ապրիլի 9-ին քննարկել են Եվրասիական տնտեսական միության ներքին շուկայում խոչընդոտների վերացման «ճանապարհային քարտեզի» միջոցառումների իրագործման առաջին արդյունքները

ՀՀ ներմուծման և ԵԱՏՄ միասնական արտաքին առևտրային քաղաքականության հնարավոր հետևանքների մասին

Չնայած Հայաստանը ԵԱՏՄ անդամ դարձավ 2015 թվականից, միության միասնական մաքսային դրույքաչափերն ամբողջությամբ ուժի մեջ կմտնեն հանրապետության համար 2022 թվականից։