Մուտք

Invalid username or password

Մոռացե՞լ եք գաղտնաբառը

Հրաժեշտ դեսպանին

Վերադարձ լուրերի բաժին

Խորագրեր

Պաշտոնական

16:07 , 03 Սեպտեմբեր 2015

Վարչապետ Հովիկ Աբրահամյանն ընդունել է Հայաստանում Միացյալ Թագավորության արտակարգ և լիազոր դեսպան Քեթրին Լիչին, ով ավարտում է իր դիվանագիտական առաքելությունը մեր երկրում: Վարչապետը շնորհակալություն է հայտնել դեսպանին սերտ համագործակցության, ինչպես նաև քաղաքական, տնտեսական, հումանիտար և այլ բնագավառներում հայ-բրիտանական համագործակցության զարգացման գործում ներդրած ջանքերի համար:

Հովիկ Աբրահամյանը կարևորել է Միացյալ Թագավորության հետ փոխգործակցության հետագա խորացումը և հեռանկարային համարել կապերի ընդլայնումը տնտեսության մի շարք ճյուղերում, այդ թվում` արդյունաբերության, գյուղատնտեսության, տեղեկատվական տեխնոլոգիաների և այլն:

Իր հերթին, տիկին Լիչը ևս շնորհակալություն է հայտնել վարչապետին արդյունավետ համագործակցության և տարբեր ծրագրերի իրականացման գործում ցուցաբերած օժանդակության համար: Դեսպանը գոհունակությամբ նշել է, որ վերջին տարիներին էապես զարգացել են Միացյալ Թագավորության և Հայաստանի միջև հարաբերությունները, աճել են ՀՀ և ՄԹ-ի միջև առևտրաշրջանառության ծավալները և վստահություն հայտնել, որ այդ ուղղությամբ քայլերը կկրեն շարունակական բնույթ: Քեթրին Լիչը նշել է, որ ՄԹ-ն շահագրգիռ է Հայաստանի հետ համագործակցության խորացմամբ, ինչպես նաև Հայաստան-ԵՄ կապերի ընդլայնմամբ:

Այնուհետև զրուցակիցները քննարկել են երկկողմ հետաքրքրություն ներկայացնող մի շարք հարցեր: Անդրադարձ է կատարվել ՀՀ կառավարության գերակա ծրագրերին, տարածաշրջանային տնտեսական իրավիճակին և հնարավոր զարգացումներին, հայ-ադրբեջանական սահմանագծում աճող լարվածությանը: Վարչապետ Աբրահամյանը դատապարտել է Ադրբեջանի կողմից հրադադարի ռեժիմի խախտման դեպքերը և Տավուշի մարզի սահմանամերձ համայնքների խաղաղ բնակչության, դպրոցների ուղղությամբ արդեն մի քանի օր շարունակվող կրակահերթերը:

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Քայլեր են ձեռնարկվելու քաղաքացիների ֆինանսական գրագիտությունը բարձրացնելու ուղղությամբ

Կառավարության մարտի 21-ի նիստում Նիկոլ Փաշինյանն անդրադարձել է վարկերի իրական տոկոսների հարցին և նշել. «Մենք Կենտրոնական բանկի հետ կարևորել ենք քաղաքացիների ֆինանսական գրագիտության բարձրացումը։ Մի բանում վստահ ենք՝ մենք պետք է պետական ծրագրեր իրականացնենք՝ քաղաքացիների ֆինանսական գրագիտությունը բարձրացնելու առումով»: Կենտրոնական բանկի նախագահ Արթուր Ջավադյանը նշել է, որ այս ուղղությամբ բազմաթիվ ծրագրեր են իրականացվում և մանրամասներ […]