Մուտք

Invalid username or password

Մոռացե՞լ եք գաղտնաբառը

«Հրազդան-ցեմենտ»-ին խանգարեց քվորումի բացակայությունը

Վերադարձ լուրերի բաժին

14:45 , 26 Ապրիլ 2016

ՀՀ Ազգային ժողովում այսօր մերժվեց «Հրազդան-Ցեմենտ» ՓԲԸ-ին  հարկային և պարտադիր սոցիալական ապահովագրության վճարների գծով արտոնություններ տալու մասին օրինագիծը: Կողմ քվեարկեց՝ 53, դեմ` 1, ձեռնպահ` 0 պատգամավոր։ 48 պատգավորներ չեն մասնակցել քվեարկությանը, այդպիսով` քվորում չապահովվեց, և երրորդ ընթերցմամբ ներկայացված օրինագիծը մերժվեց:

Հիշեցնենք, որ այս տարվա փետրվարի 4-ին Կառավարությունը հավանություն էր տվել ««Հրազդան-ցեմենտ» ՓԲԸ-ին հարկային և պարտադիր սոցիալական ապահովագրության վճարների գծով արտոնություններ տալու մասին» ՀՀ օրենքի նախագծին:

Օրինագծի ընդունման անհրաժեշտությունը պայմանավորված էր «Հրազդան-ցեմենտ» ընկերության բնականոն գործունեության ապահովմամբ, մասնավորապես` ընկերության հարկային և պարտադիր սոցիալական ապահովագրության վճարների գծով առաջացած տույժերից ազատման միջոցով: Նախագծով առաջարկվում է ընկերությանն ազատել 2016 թվականի փետրվարի 1-ի դրությամբ հաշվարկված, բայց չվճարված հարկային և պարտադիր սոցիալական ապահովագրության գծով առաջացած տույժերից` 510125.0 հազար դրամ ընդհանուր գումարի չափով:

Ըստ հիմնավորման՝ համաշխարհային ֆինանսատնտեսական ճգնաժամի տարիներին հանրապետությունում շինարարության տեմպերի կտրուկ անկման հետևանքով ընկերության աշխատանքն ընթացել է անկայուն ռիթմով, հաճախակի ընդհատումներով, ինչը բացասական ազդեցություն է ունեցել ընկերության ֆինանսատնտեսական գործունեության վրա` արդյունքում առաջացնելով ֆինանսական պարտավորություններ:

ԱՄԵՆԱԿԱՐԴԱՑՎԱԾ ԼՈՒՐԵՐ

ՀԱՅԲԻԶՆԵՍԲԱՆԿ. մրցունակ առաջարկներ «Արմենիա Էքսպո 2021»-ի շրջանակներում

Բանկը կարևորում և գնահատում է իր հաճախորդներին:

Հայտարարություն-հերքում Վիվա-ՄՏՍ-ից

Գնորդի համաձայնությամբ՝ վերջինիս նույնականացման դեպքում, Վիվա-ՄՏՍ-ը պատրաստ է ներկայացնել ողջ եղելությունը՝ փաստերով ու ժամկետներով:

Ucom-ում գործում է «Մատչելին՝ զեղչով» առաջարկը

Հավելենք, որ 36 ամսով ապառիկ ձևակերպելու դեպքում գնորդներն առաջին 12 ամսվա ընթացքում կօգտվեն 0% կանխավճարի, 0% սպասարկման վճարի և 0% տարեկան տոկոսադրույքի հնարավորությունից։