Մուտք

Invalid username or password

Մոռացե՞լ եք գաղտնաբառը

ՀՊՏՀ-ում մեկնարկեց Հայկական տնտեսագիտական միության ամենամյա գիտաժողովը

Վերադարձ լուրերի բաժին

13:23 , 28 Հունիս 2019

Հայաստանի պետական տնտեսագիտական համալսարանում անցկացվում է Հայկական տնտեսագիտական միության տարեկան գիտաժողովը, որին մասնակցում էին ՀՊՏՀ, հայաստանյան և արտերկրի բուհերի (Բարսելոնայի, Վրաստանի, Ֆրանսիայի, ԱՄՆ-ի և այլ) պրոֆեսորներ, տնտեսագետներ, հյուրեր: Այդ մասին հայտնեց տնտեսագիտական համալսարանի մամուլի ծառայությունը:

Բացմանը ներկա էին ՀՊՏՀ ռեկտորի պաշտոնակատար, պրոֆեսոր Ռուբեն Հայրապետյանը և Հայկական տնտեսագիտական միության նախագահ Գուրգեն Ասլանյանը:

Ռուբեն Հայրապետյանը նշեց, որ Հայկական տնտեսագիտական միության ներկայացուցիչների հետ իր ծանոթությունը ցույց է տվել, որ միության և մեր համալսարանի առաքելության հսկայական մասը համընկնում է: «Եվ չափազանց կարևոր է, որ համատեղ ջանքերով կարողանանք լուծել մեր տնտեսության համար կարևոր խնդիրներ: Այն գործընթացը, այն մոտեցումները, որ որդեգրված են համապատասխան կազմակերպությունների կողմից, շատ դեպքերում համընկնում են»,-ասաց ՀՊՏՀ ռեկտորի պաշտոնակատարն: Նա շեշտադրեց, որ ջանքերը պետք է համատեղել Հայաստանում տնտեսագիտական դպրոցի, տնտեսագիտական մտքի զարգացման ուղղությամբ, ինչն էլ իր հերթին կնպաստի երկրի տնտեսության առաջընթացին:

IMG_0967
Գուրգեն Ասլանյանը Հայաստանում տնտեսագիտական մտքի զարգացմամբ շահագրգիռ կողմերի գործակցության համատեքստում կարևորեց բուհերի, այդ թվում ՀՊՏՀ-ի հետ համատեղ աշխատանքը՝ միաժամանակ տեղեկացնելով, որ գիտաժողովն այս օրերին կհամախմբի 15 երկրների տնտեսագետների, և քննարկումներ կծավալի արդիական թեմաներով, որոնք առնչվում են նաև ՀՀ տնտեսությանը:

Մանհայնի Եվրոպական հետազոտությունների կենտրոնի դոկտոր, պրոֆեսոր Ֆրիդրիխ Հայնեմանը հանդես եկավ ընդարձակ զեկուցմամբ, որը խորքային մասնագիտական վերլուծություն էր միասնական եվրոպական արժույթի կայացման պատմության, եվրոպական երկրների տնտեսական համագործակցության, տնտեսական զարգացման և ինտեգրացիոն հիմնախնդիրների վերաբերյալ, ինչպես նաև՝ եվրոպական միասնական արժույթի տնտեսական և քաղաքական ազդեցության գնահատում:

Այնուհետև գիտաժողովը շարունակվեց «Ինչո՞ւ է կարևոր տնտեսագիտական կրթությունը» թեմայով պանելային քննարկմամբ, որի մասնակիցներն էին ՀՊՏՀ ռեկտորի պաշտոնակատար Ռուբեն Հայրապետյանը, «Ամերիաբանկ» ՓԲԸ տնօրինության անդամ, զարգացման գծով տնօրեն Տիգրան Ջրբաշյանը, Հայաստանի ամերիկյան համալսարանի գործարարության և տնտեսագիտության ֆակուլտետի դեկան Վաչե Գաբրելյանը, Հայաստանի ագրարային համալսարանի ռեկտոր Վարդան Ուռուտյանը, Մանհայնի Եվրոպական հետազոտությունների կենտրոնի դոկտոր, պրոֆեսոր Ֆրիդրիխ Հայնեմանը, Նյու Յորքի Սիթի համալսարանի պրոֆեսոր Ռենդալ Ֆիլերը, վարում էր Գուրգեն Ասլանյանը:

IMG_1144

Ինչո՞ւ և ինչպե՞ս զարգացնել հասարակության տնտեսագիտական և ֆինանսական գրագիտությունը, համալսարաններն ինչպիսի՞ դեր պետք է ստանձնեն տնտեսագիտություն գիտակարգին նոր կառուցվածք և բովանդակություն հաղորդելու համար, ինչպե՞ս և որտեղի՞ց սկսել և զարգացնել տնտեսագիտական կրթությունը, որո՞նք են տեխնոլոգիական նորարարությունների դարաշրջանում գիտահետազոտական և կրթական հաստատությունների անելիքները, ինչպե՞ս կարող է տնտեսագիտական միտքը երկխոսել պետությունների ու կառավարությունների հետ, ինչպե՞ս գիտակարգերի զարգացմանը զուգահեռ ընդգծել մասնագիտական կարողությունների և հմտությունների փոխանցման կարևորությունը, ժամանակակից տնտեսագիտական տեսություններն ընկալելու համար համալսարաններն ինչպիսի՞ հավելյալ արժեք կարող են ստեղծել: Ահա այս հարցերն էին, որոնք դարձան բանախոսների հիմնական քննարկման առարկան:

Առաջին մասի ավարտից հետո պանելային քննարկումները շարունակվեցին 3 նիստերի շրջանակներում՝ «Էմպիրիկ արդյունաբերական կազմակերպում», «Աշխատանքի տնտեսագիտություն» և «Կենսաթոշակային տնտեսագիտություն» խորագրերի ներքո:

Եռօրյա գիտաժողովը կընթանա Հայաստանի ազգային ագրարային և Հայաստանի ամերիկյան համալսարաններում:

ԱՄԵՆԱԿԱՐԴԱՑՎԱԾ ԼՈՒՐԵՐ

Կորոնավիրուսի ազդեցությունը տրանսֆերների վրա

Հայաստան փոխանցվող գումարների վրա իրենց ազդեցությունն են թողել մի շարք գործոններ։

Տնտեսական ակտիվության ցուցանիշը նվազել է 6.4 տոկոսով

Սպառողական գների ինդեքսն ավելացել է 0.8 տոկոսային կետով, իսկ արդյունաբերական արտադրանքի գների ինդեքսը` 1.5 տոկոսային կետով:

ՄԻՊ իրավասությունները սահմանափակ են`բանկերի և վարկային կազմակերպությունների հետ կապված. Թաթոյան

Նա ընդգծեց, որ Հայաստանում արտակարգ դրության ընթացքում 276 անձից ստացվել է ըստ խնդրի բնույթի 83 գրավոր և բանավոր բողոք՝ հասցեագրված մարդու իրավունքների պաշտպանին: Նա նաև շեշտեց, որ քաղաքացիները նախ պետք է կարդան պայմանագրերը, ինչը երբեմն չի արվում: