Մուտք

Invalid username or password

Մոռացե՞լ եք գաղտնաբառը

Հուսադրող, բայց ոչ բավարար զարգացումներ

Վերադարձ լուրերի բաժին

11:44 , 30 Հոկտեմբեր 2017

«Վերջին մի քանի տարիներին ՀՀ տնտեսությունը բնութագրվում է արտաքին աշխարհից ներթափանցող բացասական միտումներով, որի արդյունքում գրանցվել է տնտեսական աճի ցածր մակարդակ: Ընթացիկ զարգացումները չնայած հուսադրող են, սակայն տնտեսական բարձր աճին հավակնելու համար բավարար չեն: 2018թ. բյուջեով ծրագրել ենք այնպիսի հարկաբյուջետային քաղաքականություն, որը կկանխորոշի հետագա տնտեսական զարգացումները: Այլ կերպ ասած` կապահովվի միջինում 5%-անոց աճ»,- այսօր Ազգային ժողովում հայտարարել է վարչապետ Կարեն Կարապետյանը։

Տեղեկացնենք, որ ԱԺ մշտական հանձնաժողովներում այսօր սկսվել են 2018թ. պետական բյուջեի քննարկումները: Կարեն Կարապետյանը հույս է հայտնել, որ հրապարակային քննարկումների արդյունքում կունենանք մեր երկրի և քաղաքացիների շահերը լավագույնս արտահայտող և մեր ընթացքն ապահովող բյուջե:

Վարչապետը նշել է, որ հաշվի առնելով 2017-2022 թթ. ծրագրի նպատակադրումները՝ հաջորդ տարվա հարկաբյուջետային քաղաքականության մեջ փոփոխություններ են կատարել և, չնայած միջնաժամկետ հատվածում խնդիր կա պարտքի կայունացման առումով, սակայն վերանայվելու են ծախսերը, հատկապես` կապիտալ ծախսերը, որոնք տնտեսական աճի հիմքն են:

Ինչ վերաբերում է եկամտային քաղաքականությանը, ապա այն լինելու է հավասարակշռված` թե՛ ստվերի կրճառտման, թե՛ գործարար նպաստավոր միջավայրի ապահովման առումով:

«Հուսով եմ, որ մենք բոլորս կօգտագործենք այս հնարավորությունը, կաշխատենք առավել պրակտիկ, արդյունավետ, որ ստանանք մեր երկրի քաղաքացիների համար լավագույն արդյունքը»,- ասաց Կ.Կարապետյանը:

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչպես են վարկավորել բանկերը՝ հեղափոխական և հետհեղափոխական շրջանում

Շատերին հետաքրքրում էր՝ իսկ ի՞նչ է տեղի ունեցել վարկերի հետ, և արդյո՞ք քաղաքական իրադարձությունները նույն կերպ են ազդել նաև վարկերի վրա։

Աշխատավարձերը Հայաստանում` նոր մեթոդաբանությամբ

Վիճակագրական կոմիտեն 2018թ. հունվարից անցում է կատարել միջին աշխատավարձի հաշվարկման տեղեկատվական նոր աղբյուրի՝ վարչական ռեգիստրի գործիքի

Ինչու կառավարությունը գերադասեց չխոսել միջնաժամկետ ծախսերի ծրագրի մասին

ՀՀ կառավարության՝ երեքշաբթի օրվա նիստում հասատվել է մի կարևոր փաստաթուղթ, որի մասին հանրությունը չիմացավ։