Մուտք

Invalid username or password

Մոռացե՞լ եք գաղտնաբառը

Հունվարին տնտեսական ակտիվությունն աճել է 6.1%-ով

Վերադարձ լուրերի բաժին

13:06 , 25 Փետրվար 2019

2018 թվականի հունվարին՝ 2017 թվականի հունվարի համեմատ, Հայաստանի Հանրապետության տնտեսական ակտիվության ցուցանիշի (ՏԱՑ) հավելաճը կազմել է 6.1%։ Այս մասին տեղեկանում ենք ՀՀ Վիճակագրական կոմիտեի զեկույցից։

Ըստ առանձին ոլորտների՝ շինարարությունը աճել է 22.1%-ով. այս տարվա հունվարին հանրապետությունում իրականացվել է 10.8 մլրդ դրամի շինարարություն։

Ծառայությունների ծավալն աճել է 15.6%-ով և կազմել 130.5 մլրդ դրամ։

Ներքին առևտրաշրջանառությունն աճել է 19.3%-ով, ծավալը՝ 187.8մլրդ դրամ։

Արդյունաբերության ոլորտում գրանցվել է 0.4% անկում՝ պայմանավորված հիմնականում հանքարդյունաբերական ոլորտի իրադարձություններով (Թեղուտի հանքավայրի շահագործման դադարեցում)։

Գյուղատնտեսության ոլորտի ցուցանիշները չեն հրապարակվել, դրանք այսուհետ հրապարակվելու են եռամսյակային պարբերականությամբ՝ պայմանավորված գյուղատնտեսական արտադրանքի արտադրության սեզոնայնությամբ և բնակլիմայական ոչ կայուն պայմաններից կախված ամսական արտադրության տատանողականության համահարթեցման անհրաժեշտությամբ (սույն մոտեցումը կիրառվում է միջազգային վիճակագրական պրակտիկայում: Այսպես, համաձայն Եվրամիության «Վիճակագրական պահանջների կոմպենդիում, 2018»-ի «3.1.2. Գյուղատնտեսության վիճակագրություն» ենթակետի, Եվրամիության անդամ երկրներում գյուղատնտեսության վիճակագրության հրապարակումները կրում են տարեկան պարբերականություն)։

Արտաքին առևտրի հունվարյան ցուցանիշները, սակայն, գոհացուցիչ չեն։

Արտաքին առևտրաշրջանառության ծավալը 2018 թվականի հունվարին նվազել է 7.6%-ով և կազմել 462.7 մլն դոլար։

Այդ թվում, արտահանումը նվազել է 15.8%-ով և կազմել 145.4 մլն դոլար, իսկ ներմուծումը նվազել է 3.3%-ով և կազմել 317.3 մլն դոլար։

 

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը  

Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում:

Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի

Այդ մասին տեղեկացրել է փոխվարչապետի պաշտոնակատար Մհեր Գրիգորյանը: