Մուտք

Invalid username or password

Մոռացե՞լ եք գաղտնաբառը

ՀՀ տնտեսությունն ունի «սև խոռոչներ», առանց որոնց վերացման անհնար է երկիրը առաջ տանել. Աբել Աղանբեգյան

Վերադարձ լուրերի բաժին

14:43 , 29 Սեպտեմբեր 2016

Հայաստանը մեծապես կախված է աշխարհում, և մասնավորապես, Ռուսաստանում տեղի ունեցած իրադարձություններից։ Այս մասին այսօր նշեց ՌԴ ակադեմիկոս Աբել Աղանբեգյանը՝ «Տնտեսական աճի հիմնախնդիրները Հայաստանում՝ երրորդ սերնդի բարեփոխումներ, ներդրումային միջավայր և զարգացման նախադրյալներ» թեմայով աշխատաժողովի ժամանակ իր ելույթում։ Նշենք, որ աշխատաժողովը նախաձեռնել էր Կորպորատիվ կառավարման բարձրագույն դպրոցը։

Աղանբեգյանը նշեց, որ 2008 թվականին Կորպորատիվ կառավարման բարձրագույն դպրոցի հիմնադիր Ռադիկ Վանունցի հետ միասին իրենք շրջել են Հայաստանի բոլոր մարզերում, հանդիպել ընկերությունների ղեկավարներին, տեղական իշխանություններին, նախարարներին։ Միաժամանակ աշխատանք են տարել՝ Հայաստանի սոցիալ-տնտեսական վիճակը ուսումնասիրելու ուղղությամբ։

Մոտ երկու տարվա աշխատանքի արդյունքում հրապարակվել է 120 էջանոց զեկույց` նվիրված ՀՀ ներդրումային քաղաքականության հեռանկարներին։ Զեկույցում, ըստ Աղանբեգյանի, վեր են հանվել ՀՀ տնտեսության խոցելի կետերը և այն ուղղությունները, որոնք զարգացման պոտենցիալ ունեն։ Գիտնականի խոսքով, ՀՀ տնտեսությունն ունի, այսպես կոչված, սև խոռոչներ, առանց որոնց վերացման անհնար է երկիրը առաջ տանել։

Աբել Աղանբեգյանը չցանկացավ խոսել այն մասին, թե իրենց առաջարկություններից որ մասն է ընդունվել կառավարության կողմից և անցած 7-8 տարիների ընթացքում ինչ բացթողումներ են եղել ներդրումային քաղաքականության ուղղությամբ։ «Թերությունները չեմ թվարկի, կփորձեմ ավելի շատ ուշադրություն դարձնել դրական կետերին», – ասաց գիտնականը՝ ավելացնելով,

«Կարծում եմ՝ կողքից եկած մարդիկ բարոյական իրավունք չունեն քննադատել այստեղ տարվող քաղաքականությունը, դա գեղեցիկ չէ։ Մանավանդ, որ այժմ ձևավորվել է նոր կառավարություն, շատերը նոր վարչապետի հետ հույսեր են կապում, այդ թվում՝ ես», – նշեց Աղանբեգյանը։

Աբել Աղանբեգյանի ծավալուն զեկույցին առավել մանրամասն կանդրադառնանք ավելի ուշ։

ԱՄԵՆԱԿԱՐԴԱՑՎԱԾ ԼՈՒՐԵՐ

Հայտարարվել է ՎՏԲ-Հայաստան Բանկի Խորհրդի նոր կազմը

Խորհրդի կազմում ընդգրկվեցին Արթուր Յուրիի Ջավադյանը և Միխայիլ Վյաչեսլավի Զայցևը:

Քայքայված վագոն-տնակը լքել է ևս մեկ ընտանիք

Վիվա-ՄՏՍ-ի և «Ֆուլեր տնաշինական կենտրոնի» գործակցության արդյունքում, միայն 2020 թվականին, աջակցություն է ստացել Հայաստանի տարբեր մարզերում բնակվող 96 ընտանիք:

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում: