Մուտք

Invalid username or password

Մոռացե՞լ եք գաղտնաբառը

ՀՀ տնտեսական աճը 2019 թ. առաջին կիսամյակում կազմել է 6.8%

Վերադարձ լուրերի բաժին

13:30 , 08 Նոյեմբեր 2019

Տնտեսության կառուցվածքային փոփոխությունների, կառավարության ինստիտուցիոնալ բարեփոխումների, դրամավարկային խթանող քաղաքականության ներքո ՀՀ տնտեսական աճը 2019 թ. առաջին կիսամյակում կազմել է 6.8%: Տնտեսական աճին շարունակել է մեծ նպաստում ունենալ մասնավոր սպառման աճը՝ պայմանավորված սպառողական վարկավորման աճով, խթանող դրամավարկային քաղաքականությամբ: Այդ մասին նշել է ԿԲ փորձագիտական խումբը՝ 2019 թ. առաջին կիսամյակային ֆինանսակայն կայունության հաշվետվության մեջ:

Ըստ փաստաթղթի՝ ներքին և արտաքին մակրոտնտեսական զարգացումների պայմաններում ԿԲ-ն 2019 թ. առաջին կեսին պահպանել է դրամավարկային քաղաքականության խթանող ուղղությունը: Հունվարին վերաֆինանսավորման տոկոսադրույքը իջեցվել է 0.25 տոկոսային կետով և սահմանվել 5.75%: 2019 թ. : Սեպտեմբերի 10-ին ՀՀ ԿԲ-ն վերաֆինանսավորման տոկոսադրույքը նվազեցրել է ևս 0.25 տոկոսային կետով և սահմանել 5.5%:

2019 թ. առաջին կիսամյակում տնտեսական ակտիվության պահպանման և աշխատաշուկայի դրական զարգացումների պայմաններում ֆինանսական համակարգում արձանագրվել է վարկավորման ծավալների աճ: Դրամավարկային խթանող քաղաքականության պայմաններում պահպանվել է նաև վարկերի ու ավանդների տոկոսադրույքների նվազման միտումը: Վարկավորման աշխուժացմանը զուգընթաց գրանցվել է վարկային ռիսկի որոշակի աճ՝ փոքր-ինչ աճել է չաշխատող վարկերի տեսակարար կշիռը: Վարկային պորտֆելի ընդլայնման պայմաններում նվազել են բանկային համակարգի կապիտալի համարժեքության և իրացվելիության ցուցանիշները: Այնուամենայնիվ դրանք շարունակում են մնալ ԿԲ նորմատիվային նվազագույն սահմանաչափերից բավականին բարձր:

Ոչ բանկ ֆինանսական հաստատություններն, ըստ ԿԲ-ի, արձանագրել են գործունեության ծավալային ընդլայնում, իսկ նորմատիվային ցուցանիշները պահպանվել են սահմանված միջակայքերում:

Արտաքին և ներքին մակրոմիջավայրից ՀՀ ֆինանսական կայունությանը սպառնացող ռիսկերի որոշակի աճի պայմաններում ֆինանսական համակարգը ցուցաբերել է ռիսկերի կլանման բարձր ունակություն՝ ապահովելով ֆինանսական կայունության անհրաժեշտ մակարդակ։

ԱՄԵՆԱԿԱՐԴԱՑՎԱԾ ԼՈՒՐԵՐ

ԵՏՀ-ն թարմացրել է ԵԱՏՄ անդամ երկրների տնտեսական կայունացման կարգը

Միության երկրների մակրոտնտեսական կայունությունը դիտարկվում է 3 հիմնական ցուցանիշների քանականան արդյունքներով։ Թե որոնք են այդ ցուցանիշները, իմացեք՝ կարդալով ամբողջ հոդվածը:

ՊԱՇՏՈՆԱԿԱՆ: Հայաստանը հանվել է ԵՄ-ի հետ հարկային հարցերով չհամագործակցող երկրների «Մոխրագույն ցուցակից»

Ֆինանսների նախարարությունն այդ ուղղությամբ գործադրել է մեծ ջանքեր և եղել հետևողական: Թե հատկապես որ գործողությունների համար է Հայաստանը հանվել «մոխրագույն ցուցակից», իմացեք՝ կարդալով հոդվածն ամբողջությամբ:

ՏԵՍԱՆՅՈՒԹ: Խրախուսվելու է էներգախնայողությունը

Կառավարությունը ԵՄ-ի օժանդակությամբ խրախուսում է էներգախնայողությանն ուղղված ծրագրերը: