Մուտք

Invalid username or password

Մոռացե՞լ եք գաղտնաբառը

ՀՀ սպառողական շուկայում արձանագրվել է 0.3% գնանկում. ԱՎԾ

Վերադարձ լուրերի բաժին

14:27 , 06 Ապրիլ 2016

ՀՀ Ազգային վիճակագրական ծառայությունն այսօր հրապարակել է սպառողական գների ինդեքսը ՀՀ-ում 2016թ.-ի հունվար-մարտ ամիսների տվյալներով: Ըստ այդմ` 2016թ. մարտին փետրվարի համեմատ ՀՀ սպառողական շուկայում արձանագրվել է 0.3% գնանկում: Իսկ նախորդ տարվա մարտի համեմատ՝ սպառողական ապրանքներն էժանացել են 2%-ով։

Պարենային ապրանքների (ներառյալ ոգելից խմիչք և ծխախոտ) գները նշված ժամանակահատվածում նվազել են 0.5%-ով, ոչ պարենային ապրանքներինը՝ 0.2%-ով, ծառայությունների սակագները՝ 0.3%-ով: 2016թ. մարտին 2015թ. դեկտեմբերի համեմատ սպառողական գների ինդեքսը կազմել է 100.4%, այդ թվում պարենային ապրանքներինը (ներառյալ ոգելից խմիչք և ծխախոտ)՝ 101.3%, ոչ պարենային ապրանքներինը՝ 98.7%, ծառայությունների սակագներինը՝ 100.5%: 2016թ. հունվար-մարտին սպառողական գների միջին ամսական հավելաճը կազմել է 0.1%, ինչը 0.7 տոկոսային կետով ցածր է նախորդ տարվա նույն ժամանակահատվածի համապատասխան ցուցանիշից (0.8%):

2016թ. մարտին 2015թ. մարտի համեմատ սպառողական գների ինդեքսը կազմել է 98.0%, այդ թվում պարենային ապրանքներինը (ներառյալ ոգելից խմիչք և ծխախոտ)` 94.9%, ոչ պարենային ապրանքներինը` 98.5%, ծառայությունների սակագներինը` 102.9%, իսկ հունվար-մարտին 2015թ. հունվար-մարտի համեմատ` համապատասխանաբար 98.6%, 95.4%, 100.0% և 103.2%: Հանրապետության դիտարկվող բոլոր քաղաքներում 2016թ. մարտին փետրվարի համեմատ սպառողական գները նվազել են 1.1-0.1%-ով, այդ թվում, գնանկման ամենաբարձր ցուցանիշն արձանագրվել է ք. Արտաշատում: Մայրաքաղաքում սպառողական գները նվազել են 0.1%-ով:

Պարենային ապրանքների գներ

2016թ. մարտին փետրվարի համեմատ հանրապետությունում արձանագրվել է պարենային ապրանքների 0.5% գնանկում, ինչի վրա իր անմիջական ազդեցությունն է թողել բանջարեղենի և կարտոֆիլի, ձվի, ձկնամթերքի, մրգի 1.7-0.5% գնանկումը: Դիտարկվող պարենային 13 ապրանքախմբերից 9-ում նշված ժամանակահատվածում գրանցվել է 1.7-0.2% գնանկում, իսկ 4-ում` 0.2- 1.0% գնաճ:

Բանջարեղենի և կարտոֆիլի ապրանքախմբում 2016թ. մարտին 2015թ. մարտի համեմատ արձանագրվել է 1.0%, իսկ 2016թ. փետրվարի համեմատ` 1.7% գնանկում: Վերջինս հիմնականում պայմանավորվել է կանաչ սոխի` 25.5%, կաղամբի`19.5%, խառը կանաչեղենի` 18.5%, գլուխ սոխի` 10.6%, կարտոֆիլի 5.9% գնանկումով: 2016թ. մարտին փետրվարի համեմատ գազարի գինը նվազել է 1.4%-ով, սմբուկինը՝ 1.2%-ով: Միաժամանակ, հանրապետությունում գրանցվել է բողկի՝ 1.1% սխտորի` 1.2%, սնկի` 3.1%, ճակնդեղի՝ 3.8%, լոլիկի` 4.2%, վարունգի՝ 11.1%, կանաչ պղպեղի 24.5% գնաճ: Հանրապետության դիտարկված 9 քաղաքներում 2016թ. մարտին փետրվարի համեմատ բանջարեղենի և կարտոֆիլի ապրանքախմբի գները նվազել են 14.1-0.9%-ով (գնանկման ամենաբարձր ցուցանիշն արձանագրվել է ք. Արտաշատում), իսկ Երևան և Աշտարակ քաղաքներում գրանցվել է 0.9-2.3% գնաճ: Ձվի հանրապետական միջին գինը 2016թ. մարտին 2015թ. մարտի համեմատ նվազել է 13.9%-ով, իսկ 2016թ. փետրվարի համեմատ՝ 1.2%-ով: Հանրապետության դիտարկված 10 քաղաքներում 2016թ. մարտին փետրվարի համեմատ ձվի գինը նվազել է 3.6-0.2%-ով (գնանկման ամենաբարձր ցուցանիշն արձանագրվել է ք. Կապանում), իսկ մեկում գրանցվել է 1.1% գնաճ: Մայրաքաղաքում ձվի գինը նվազել է 1.2%-ով: 2016թ. մարտին 2015թ. մարտի համեմատ ձկնամթերքի ապրանքախմբում գրանցվել է 9.0%, իսկ 2016թ. փետրվարի համեմատ՝ 0.8% գնանկում: Վերջինս հիմնականում պայմանավորվել է «Ստերլետ» ձկնատեսակի 1.7% գնանկումով:

Մրգի ապրանքախմբում 2016թ. մարտին 2015թ. մարտի համեմատ արձանագրվել է 23.0%, իսկ 2016թ. փետրվարի համեմատ`0.5% գնանկում: 2016թ. մարտին փետրվարի համեմատ խաղողի գինը նվազել է 11.2%-ով, ադամաթզինը՝ 8.8%-ով, խնձորինը` 3.2%-ով: Միաժամանակ, հանրապետությունում գրանցվել է ընկույզի միջուկի՝ 1.4%, կիտրոնի` 2.3%, նարնջի՝ 3.7%, չորացրած մրգերի՝ 4.6%, մանդարինի՝ 9.6%, տանձի՝ 10.5%, արքայանարնջի՝ 10.7%, նռան 18.1% գնաճ: Հանրապետության դիտարկված 6 քաղաքներում 2016թ. մարտին փետրվարի համեմատ մրգի գները նվազել են 3.2-0.7%-ով (գնանկման ամենաբարձր ցուցանիշն արձանագրվել է ք. Գավառում), իսկ 5-ում գրանցվել է 0.2-4.6% գնաճ: Մայրաքաղաքում մրգի գինը նվազել է 0.8%-ով:

Մսամթերքի ապրանքախմբում 2016թ. մարտին 2015թ. մարտի համեմատ գրանցվել է 5.7%, իսկ 2016թ. փետրվարի համեմատ` 0.4% գնանկում: 2016թ. մարտին փետրվարի համեմատ խոզի մսի գինը նվազել է 7.0%-ով, այլ մսեղենինը (խաշի պարագաներ)՝ 4.1%-ով, բարձր տեսակի ապխտած երշիկինը՝ 1.7%- ով, տավարի մսինը՝ 0.4%-ով, տավարի փափկամսինը՝ 0.4%-ով, պելմենիինը՝ 0.3%-ով: Միաժամանակ, հանրապետությունում գրանցվել է հավի բդի՝ 0.5%, եփած երշիկի՝ 0.6%, նրբերշիկի՝ 0.6%, ոչխարի մսի՝ 0.9%, թռչնամսի 1.1% գնաճ: Հանրապետության դիտարկված 9 քաղաքներում 2016թ. մարտին փետրվարի համեմատ արձանագրվել է մսամթերքի 1.0-0.3% գնանկում, մեկում՝ 0.2% գնաճ, իսկ մյուսում գների մակարդակը նախորդ ամսվա համեմատ մնացել է անփոփոխ: Մայրաքաղաքում մսամթերքի գների ընդհանուր մակարդակը նախորդ ամսվա համեմատ նվազել է 0.3%-ով:

2016թ. մարտին 2015թ. մարտի համեմատ հանրապետությունում արձանագրվել է հացամթերքի 4.1%, իսկ 2016թ. փետրվարի համեմատ՝ 0.3% գնանկում: 2016թ. մարտին փետրվարի համեմատ ոլոռի գինը նվազել է 1.2%-ով, բարձր և առաջին տեսակի ալյուրներինը՝ համապատասխանաբար 0.9% և 0.5%-ով, մակարոնեղենինը՝ 0.7-0.9%-ով, առաջին և բարձր տեսակի հացերինը՝ 0.7% և 0.3%-ով: Հանրապետության դիտարկված 9 քաղաքներում 2016թ. մարտին փետրվարի համեմատ հացամթերքի գները նվազել են 2.1-0.1%-ով (գնանկման ամենաբարձր ցուցանիշն արձանագրվել է ք. Հրազդանում), իսկ մյուս երկուսում գրանցվել է 0.1% գնաճ: Մայրաքաղաքում հացամթերքի գների ընդհանուր մակարդակը նախորդ ամսվա համեմատ նվազել է 0.1%-ով:

2016թ. մարտին փետրվարի համեմատ հանրապետությունում արձանագրվել է կենդանական և բուսական յուղերի՝ 0.3%, կաթնամթերքի` 0.2%, այլ մթերքի՝ 0.2%, ոգելից խմիչքի և ծխախոտի 0.1% գնանկում: Շաքարավազի հանրապետական միջին գինը 2016թ. մարտին 2015թ. մարտի համեմատ նվազել է 7.9%-ով, իսկ 2016թ. փետրվարի համեմատ գրանցվել է 1.0% գնաճ: Հանրապետության դիտարկված 8 քաղաքներում 2016թ. մարտին փետրվարի համեմատ արձանագրվել է շաքարավազի 0.5-3.6% գնաճ, երկուսում՝ 0.6-0.4% գնանկում, իսկ մեկում էլ պահպանվել է գների նախորդ ամսվա մակարդակը: Մայրաքաղաքում շաքարավազի գինն աճել է 1.1%-ով: 2016թ. մարտին փետրվարի համեմատ հանրապետությունում արձանագրվել է սուրճի, թեյի, կակաոյի՝ 0.2%, ոչ ոգելից խմիչքի` 0.2%, հրուշակեղենի 0.4% գնաճ:

Ոչ պարենային ապրանքների գներ

2016թ. մարտին փետրվարի համեմատ ոչ պարենային ապրանքների շուկայում գրանցվել է 0.2% գնանկում, ինչը հիմնականում կենցաղային էլեկտրաապրանքների՝ 4.0%, վառելիքի` 1.3%, կահույքի՝ 0.8%, լվացող միջոցների՝ 0.5%, մշակույթի ապրանքների` 0.5%, կոշկեղենի, շինանյութերի, դեղամիջոցների 0.2% գնանկման արդյունքն է: Միաժամանակ, հանրապետությունում գրանցվել է տեքստիլեղենի, անձնապիտո ապրանքների, գրենական պիտույքների՝ 0.1%, գորգեղենի, խոհանոցային սպասքի, ոսկերչական ապրանքների` 0.2%, գեղահարդարման ապրանքների՝ 0.4%, այգեգործական ապրանքների` 0.6%, հագուստի և գործվածքի 1.6% գնաճ: 2016թ. մարտին փետրվարի համեմատ հանրապետությունում բենզինի և դիզելային վառելիքի գները նվազել են համապատասխանաբար 2.7% և 4.4%-ով: 2016թ. մարտին 2015թ. մարտի համեմատ բենզինի և դիզելային վառելիքի գները նվազել են համապատասխանաբար 10.8% և 15.3%-ով, իսկ 2015թ. դեկտեմբերի համեմատ` 9.8% և 13.5%-ով: Հանրապետության դիտարկված 10 քաղաքներում 2016թ. մարտին փետրվարի համեմատ արձանագրվել է ոչ պարենային ապրանքների 1.5-0.1% գնանկում, իսկ մայրաքաղաքում՝ 0.2% գնաճ:

Ծառայությունների սակագներ

Բնակչությանը մատուցված ծառայությունների ոլորտում 2016թ. մարտին փետրվարի համեմատ հանրապետությունում արձանագրվել է սակագների 0.3% նվազում, ինչը մեծապես պայմանավորվել է հանգստի կազմակերպման և բնակարանային-կոմունալ ծառայությունների սակագների՝ համապատասխանաբար 1.6% և 0.7% նվազումով: Կրթության համակարգի և հանրային սննդի ծառայությունների սակագները նշված ժամանակահատվածում նվազել են 0.1%-ով: Միաժամանակ, հանրապետությունում արձանագրվել է կենցաղային բնույթի՝ 0.2%, մշակույթի ոլորտի՝ 1.1%, տրանսպորտի` 1.4% (կապված օդային տրանսպորտով ուղևորների փոխադրավարձի 4.5% հավելաճի հետ) ծառայությունների սակագների հավելաճ, իսկ բուժսպասարկման, կապի, իրավական ու բանկային ծառայությունների սակագների մակարդակը նախորդ ամսվա համեմատ մնացել է անփոփոխ: Հանրապետության դիտարկված բոլոր քաղաքներում 2016թ. մարտին փետրվարի համեմատ գրանցվել է ծառայությունների սակագների 0.5-0.1% նվազում, այդ թվում, նվազման ամենաբարձր ցուցանիշն արձանագրվել է ք. Հրազդանում: Մայրաքաղաքում ծառայությունների սակագները նվազել են 0.2%-ով:

Արտարժույթի շուկա

2016թ. մարտին փետրվարի համեմատ հանրապետության սպառողական և արտարժույթի շուկաներում արձանագրվել է գների և ԱՄՆ դոլարի նկատմամբ հայկական դրամի հաշվարկային փոխարժեքի՝ համապատասխանաբար 0.3% և 1.5% նվազում (ՀՀ դրամն արժևորվել է): 2016թ. մարտին 2015թ. դեկտեմբերի համեմատ սպառողական գներն ու հաշվարկային փոխարժեքն աճել են համապատասխանաբար 0.4% և 0.7%-ով: Նախորդ տարվա նույն ժամանակահատվածում գրանցվել է սպառողական գների ու հաշվարկային փոխարժեքի՝ համապատասխանաբար 2.3% և 3.0% հավելաճ: 2016թ. մարտին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 494.6 դրամ, ինչը 3.5%-ով գերազանցել է 2015թ. մարտի համապատասխան ցուցանիշը (477.7 դրամ):

ԱՄԵՆԱԿԱՐԴԱՑՎԱԾ ԼՈՒՐԵՐ

Լիդիանի կենսաբազմազանության ծրագրերը ներկայացվել են միջազգային սիմպոզիումին

Սիմպոզիումի եզրափակիչ նիստին Արմեն Ստեփանյանը հանդես է եկել զեկույցով, ներկայացնելով Ամուլսարում կենսաբազմազանության կառավարման փորձը

ՎՏԲ-Հայաստան Բանկը և Visa ընկերությունը հայտարարում են #երբիրականանումեներազանքները ակցիան

Ամանորյա տոներին ընդառաջ ՎՏԲ-Հայաստան Բանկը Visa-ի` թվային վճարումների ոլորտում համաշխարհային առաջնորդի հետ համատեղ շարունակում են զարգացնել անկանխիկ վճարումները երկրում

«Հարկային եկամուտների մեծ մասն ապահովվում է ոչ թե փոքր և միջին բիզնեսի հաշվին, ինչպես պատերի տակ ոմանք խոսում են, այլ հենց խոշորի հաշվին». ՊԵԿ նախագահ

Վարդան Հարությունյանը վստահեցնում է, որ պետական բյուջեի հարկային եկամուտների մեծ մասն ապահովում է ոչ թե փոքր ու միջին, այլ խոշոր բիզնեսը