Մուտք

Invalid username or password

Մոռացե՞լ եք գաղտնաբառը

ՀՀ էկոնոմիկայի նախարարն ընդունել է ՀԲ զբոսաշրջության ոլորտի վարկային ծրագրի պատվիրակությանը

Վերադարձ լուրերի բաժին

Խորագրեր

Պաշտոնական

17:41 , 30 Սեպտեմբեր 2015

Սեպտեմբերի 29-ին ՀՀ էկոնոմիկայի նախարար Կարեն Ճշմարիտյանն ընդունել է Համաշխարհային բանկի «Տուրիզմի ենթակառուցվածքներ և տեղական տնտեսության զարգացում» վարկային ծրագրի ղեկավար, կայուն զարգացման ոլորտի պատասխանատու Ահմեդ Այվեյդայի գլխավորած պատվիրակությանը: Պատվիրակության կազմում էին քաղաքաշինության զարգացման ոլորտի մասնագետ Ռոսաննա Նիտտին և քաղաքաշինության և կայուն զարգացման ոլորտի վերլուծաբան Նոռա Միրզոյանը:

Հանդիպմանը մասնակցել են ՀՀ էկոնոմիկայի նախարարի տեղակալ Սերգեյ Ավետիսյանը և Հայաստանի զարգացման հիմնադրամի տնօրեն Արման Խաչատրյանը:

Ողջունելով Ահմեդ Այվեյդային և պատվիրակության անդամներին` Կարեն Ճշմարիտյանը նշել է, որ զբոսաշրջության ոլորտի ենթակառուցվածքների բարելավումը ոլորտում վարվող պետական քաղաքականության հիմնական խնդիրներից է, իսկ ՀԲ «Տուրիզմի ենթակառուցվածքներ և տեղական տնտեսության զարգացում» վարկային ծրագրի հիմնական նպատակն է Հայաստանի հարավային շրջաններում զբոսաշրջության զարգացումը ենթակառուցվածքային ծառայությունների բարելավման և ինստիտուցիոնալ կարողությունների ավելացման միջոցով:

Էկոնոմիկայի նախարարը հատկապես ընդգծել է ծրագրի ճկուն լինելու անհրաժեշտությունը, որպեսզի հնարավորություն ընձեռվի ռեսուրսներն օգտագործել առավել արդյունավետ և զարգացնել ոչ միայն Հայաստանի հարավային, այլ նաև մյուս շրջանների զբոսաշրջային ենթակառուցվածքները:

ԱՄԵՆԱԿԱՐԴԱՑՎԱԾ ԼՈՒՐԵՐ

Քննարկվել են հարկային համակարգի բարեփոխմանն ուղղված նախագծեր

Նախատեսվել է շահութահարկի բեռի նվազում՝ 20 տոկոսի փոխարեն սահմանվում 18 տոկոս շահութահարկ: Եկամտահարկը համահարթեցվում է՝ կկազմի 23 տոկոս, որը տարեցտարի կնվազի մինչեւ 20 տոկոս: Յուրաքանչյուր տարի ծխախոտի եւ ալկոհոլային խմիչքների ակցիզային հարկի դրույքաչափը կբարձրանա:

Երևանում կստեղծվի թեթև արդյունաբերության ուսուցման և ծառայությունների մատուցման կենտրոն

Նախատեսված կենտրոնը հնարավորություն կտա արտահանման շուկաներում ապահովել մրցունակ արտադրանք՝ պատրաստելով որակավորված մասնագետներ՝ ոլորտի ընկերություններին համապատասխան ծառայությունների մատուցման նպատակով:

ԵՄ-ի կողմից Հայաստանին տրամադրվող աջակցությունը ավելացել է 25 մլն եվրոյով

2019 թվականի համար նախատեսված ծրագրերը իրականացվելու են էներգաարդյունավետության, բնապահպանության ոլորտներում, աջակցելու են համայնքային զարգացմանը և քաղաքացիական հասարակության կարողությունների զարգացմանը, ինչպես նաև ենթակառացվածքային ներդրումային ծրագրերին: