Մուտք

Invalid username or password

Մոռացե՞լ եք գաղտնաբառը

ՀԾԿՀ-ն թույլ չի տա գրավ դնել Հրազդան ՋԷԿ-ի բաժնեմասերը

Վերադարձ լուրերի բաժին

12:05 , 24 Հունիս 2020

Հանրային ծառայությունները կարգավորող հանձնաժողովը այսօր՝ հունիսի 24-ին, նիստ է գումարելու, որի ընթացքում քննարկելու է «Հրազդան էներգետիկ կազմակերպություն» ԲԲԸ-ի (Հրազդանջէկի) բաժնեմասերը ամբողջությամբ գրավադրելու հարցը։ Ըստ ՀԾԿՀ-ի՝ «ՀրազՋԷԿ»-ը ապրիլի 17-ին և ապրիլի 21-ին դիմել է հանձնաժողով՝ ընկերության բաժնեմասերը «Ամերիաբանկում» գրավադրելու համար։ Վարչապետի աշխատակազմը, սակայն, դեմ է հանդես եկել այս գործարքին ու այն համարել ոչ նպատակահարմար։ Եթե վարչապետի աշխատակազմի գնահատմամբ՝ գործարքը վնասում կամ կարող է վնասել ՀՀ պետական շահերին, ՀԾԿՀ-ն դրան համաձայնություն չի տալիս։

2015-ին «Ինտեր-ՌԱՕ»-ից «ՀրազՋԷԿ»-ի բաժնետոմսերն անցան «Լիորմանդ հոլդինգզ լիմիթեդ» ընկերությանը, որը պատկանում է ռուսաստանաբնակ գործարար Սամվել Կարապետյանի ընտանիքին։ 2017-ի մարտին օֆշորային ընկերությունից Կարապետյանը բաժնետոմսերը ձեռք բերեց իրեն պատկանող մեկ այլ ընկերությամբ՝ «Տաշիր կապիտալով»։ Ներկայումս «ՀրազՋԷԿ»-ի տնօրենը տնտեսական զարգացման և ներդրումների նախկին նախարար Սուրեն Կարայանն է։ Ուշագրավ է, որ «ՀրազՋԷԿ»-ի բաժնետոմսերը ըստ հիմնավորման գրավադրվելու էին՝ հապահովումն «Տաշիր» խմբի անդամ «Լիսմարթ» ՓԲԸ-ի պարտավորությունների կատարման։ «Լիսմարթը» գրանցված է Լոռու մարզի Տաշիր համայնքում։ Ընկերությունն ունի 1 աշխատակից, տնօրենը Հարություն Խանաղյանն է։

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Վահան Քերոբյանի գլխավորած պատվիրակությունը մեկնել է Իրան

Էկոնոմիկայի նախարարը մասնավորապես հանդիպումներ կունենա ԻԻՀ Առևտրի, արդյունաբերության և հանքերի, էկոնոմիկայի և ֆինանսների , ԻԻՀ էներգետիկայի նախարարների, գիտատեխնոլոգիական հարցերով ԻԻՀ փոխնախագահի, ԻԻՀ Կենտրոնական բանկի, Առևտրի, արդյունաբերության, հանքերի և գյուղատնտեսության պալատի նախագահների, Սպահանի նահանգապետի հետ։

22.01.2021 թ.: Շաբաթական ամփոփ տվյալներ ԿԲ-ից

Հունվարի 11-17-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 39.6 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 28.1 մլն ԱՄՆ դոլար: