Մուտք

Invalid username or password

Մոռացե՞լ եք գաղտնաբառը

Հիփոթեքային վարկերի պորտֆելն աճել է

Վերադարձ լուրերի բաժին

Հայաստանում տրամադրված հիփոթեքային վարկերի ծավալի մեծ աճ է նկատվում, նախորդ տարեվերջի դրությամբ հիփոթեքային վարկերի պորտֆելի մնացորդը շուրջ 40 տոկոսով աճել է 2018-ի համեմատ: «Արմենպրես»-ը զրուցել է ՀՀ կենտրոնական բանկի ֆինանսական համակարգի կայունության և զարգացման վարչության պետ Անդրանիկ Գրիգորյանի հետ:

«Ունենք հիփոթեքային վարկերի բավականին մեծ աճ: 2019-ի վերջի դրությամբ հիփոթեքային վարկերի պորտֆելի մնացորդը շուրջ 40 տոկոսով աճել է նախորդ տարվա համեմատ: Դրա վրա մի քանի գործոններ են ազդել, իրենց ազդեցությունն են ունեցել թե նորակառույց շենքերում բնակարանների ձեռքբերման համար եկամտային հարկի վերադարձումը, թե՛ պետական նպատակային ծրագրերը՝ օրինակ՝ պետության կողմից սուբսիդավորվող «Երիտասարդ ընտանիքին՝ մատչելի բնակարան» ծրագիրը, ազգային հիփոթեքային ընկերության կողմից իրականացվող ծրագրերը, որոնք հենց շուկայական պայմաններով իրականացվող ծրագրեր են և թե՛ բանկերի սեփական ռեսուրսներով տրամադրվող հիփոթեքային վարկերը: Բոլորն էլ ունեցել են իրենց ազդեցությունը, և պահանջարկի մեծ աճ է նկատվել այդ ընթացքում: Հենց սա էլ բերել է հիփոթեքային վարկերի նման աճի»,-ասել է Գրիգորյանը:

Andranik_Grigoryan
«Երիտասարդ ընտանիքին՝ մատչելի բնակարան» ծրագրով տրամադրվող վարկերի ծավալը գրեթե կրկնապատկվել է: Սա ընդհանուր ծավալի ավելացման վրա արդեն իսկ բավականին մեծ ազդեցություն է: Նույնը վերաբերում է սովորական հիփոթեքային վարկերին, որոնց մի մասը վերաֆինանսավորում է ազգային հիփոթեքային ընկերությունը: Խոսելով հիփոթեքային վարկերի տոկոսադրույքների մասին՝ Գրիգորյանը նշել է, որ միջին հիփոթեքային վարկի տոկոսադրույքը 10-10.5 տոկոսի մոտակայքում է, ու սա գնալով նվազել է: Նա վստահեցրել է՝ տարածաշրջանում, նախկին Խորհրդային միության երկրներում դժվար կլինի գտնել հիփոթեքային վարկեր, որոնք հասանելի լինեն տեղական արժույթով նման տոկոսադրույքներով, եթե դրանք չեն սուբսիդավորվում պետության կողմից:

Երբեմն Հայաստանում տրամադրվող հիփոթեքային վարկերը համեմատում են ԱՄՆ-ում դոլարով տրամադրվող հիփոթեքային վարկերի հետ: Գրիգորյանը շեշտել է՝ սխալ է նման համադրություն անելը: «Թեև ունենք դրամով տրամադրվող վարկեր, որոնք գրեթե նույն տոկոսադրույքն ունեն, ինչ դոլարով տրամադրվողները, այն դեպքում, երբ դրամի և դոլարի միջև տարբերությունը 5-6 տոկոս պետք է լինի զուտ շուկայից ելնելով»,-ասել է նա:

Գրիգորյանը տեղեկացրել է, որ շատ դեպքերում հիփոթեքային վարկերը մարզերում հատկապես երիտասարդ ընտանիքների համար հասանելի են նույնիսկ 3-3.5 տոկոսադրույքով: «Ունենք 10-10.5 տոկոս հիփոթեքային վարկի տոկոսադրույք, այն դեպքում, երբ մեզ մոտ ավանդի տոկոսադրույքը տատանվում է 9.5-10 տոկոսի շուրջ: Այսինքն՝ բանկը 10 տոկոսով վերցնելու է, 10 տոկոսով վաճառի, բանկն ընդամենը միջնորդ է: Ցանկացած ֆինանսական ծառայության մասին խոսելիս պետք է ընդունենք, որ բանկը միջնորդ է: Այն ընդամենը իրականացնում է իր միջնորդության ծախսը, որը չի գերազանցում 3-3.5 տոկոսը: Հիփոթեքի դեպքում այս ցուցանիշը նույնիսկ 0-1 տոկոսի մոտ է տատանվում»,-եզրափակել է Գրիգորյանը:

ԱՄԵՆԱԿԱՐԴԱՑՎԱԾ ԼՈՒՐԵՐ

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: