Մուտք

Invalid username or password

Մոռացե՞լ եք գաղտնաբառը

ՀԴՄ կտրոն չտպելը զինվորի հացը գողանալ է. Փաշինյան

Վերադարձ լուրերի բաժին

Կառավարության այսօրվա նիստում վարչապետ Նիկոլ Փաշինյանն անդրադարձավ «Ճգնաժամը որպես հնարավորություն» հայեցակարգին՝ ընդգծելով, որ գործընկերության մթնոլորտը առաջնահերթ ու շեշտադրված պետք է դառնա տնտեսվարողների մոտ: Վարչապետը հիշեց 2 տարի առաջ հրավիրված քննարկումը, երբ տնտեսվարողներին ասվում էր, որ պետբյուջեն բոլորիս ընդհանուր գրպանն է, և պետք չէ ամեն ինչ անել, որ մի կոպեկ պակաս վճարել բյուջե:

«Հիմա այս հանդիպումների ընթացքում հիշեցնում էի մեր գործընկերներին, ասում էի՝ հիշո՞ւմ եք երկու տարի առաջ: Հիմա եկել եք, ասում եք՝ բյուջեից էս տվեք, էս տվեք, էն տվեք, բայց որ խոսքը գնում է՝ բյուջե ինչքանով եք պարտաճանաչ վճարում, էն ժամանակ դրա մասին խոսք չի լինում: Դրա համար էլ գործարար շրջանակները ինձ հետ հանդիպումներից հետո ասում են՝ դժգոհ ենք: Պետք է մեր վարքագծի մասին մտածենք, չէ՞: Ի՞նչ է նշանակում ՀԴՄ չտպել: Էն ժամանակ ասում էին՝ Կառավարությունը կոռումպացված է, բոլորը տանում են, մենք էլ ենք տանում: Հիմա էլ ես եմ ասում, որ այդ կոռուպցիոն երևույթը դեռ մնացել է: ՀԴՄ չտպելը զինվորի հացը գողանալ է»,- նշեց վարչապետը:

Վարչապետն անդրադարձավ նաև գույքահարկի շուրջ առաջացած դժգոհություններին:

«Ոչ մեկը չի ասում՝ եկեք տեսնենք՝ Երևանի կենտրոնում գույքահարկը քանի կոպեկ է, ոչ մեկը չի ասում՝ ՀՀ-ում անշարժ գույքի հարկ ընդհանրապես գոյություն չի ունեցել, փախեփախի տրամաբանության մեջ է եղել, որովհետև անշարժ գույքի կադաստրային արժեքը դրված է եղել սեփականաշնորհումների հիմքում, և չնչին կոպեկներով այս դահլիճում ամբողջ Հայաստանի գույքը ոչ միայն սեփականաշնորհվել է, այլև դրանից հետո ոչ մի կոպեկ հարկ չի վճարվել: Մենք կվերադառնանք նախորդ շրջանին, երբ ամենադաժան ձևով պետք է բիզնեսի կարգապահությունն ու ստանդարտները բարձրացնենք»,- ասաց Նիկոլ Փաշինյանը:

«Ավելի կարևոր է, որ այդ գործարարության արդյունքում հնարավորինս երկար, հնարավորինս բարձր, հնարավորինս լայն ավտոմեքենայով շրջեն, քան գումար ներդնեն գիտելիքի, տեխնոլոգիայի, ստանդարտի վրա: Հնարավորինս երկար շարասյունով շրջեն, քան բիզնեսի, տեխնոլոգիայի ու նորարարության վրա գումար ներդնեն: Դրա համար էլ այս վիճակներն են ստացվում: Գնանք, նայենք շինարարությունները մեր երկրում: Մեր երկրում շինհրապարակները նայում ես, պատկերացում ես կազմում, թե ինչ բիզնես կուլտուրա գոյություն ունի Հայաստանում, որովհետև շինհրապարակ Հայաստանում նշանակում է աղբանոց առաջին հերթին:

Մենք պետք է շատ հստակ ստանդարտ դնենք: Պետք է բիզնեսին ասենք՝ մենք գործընկե՞ր ենք, թե՞ գործընկեր չենք: Իսկ գործընկերը հետևյալն է. երբ վիճակը լավ է, հարկեր վճարելու ժամանակն է գալիս, հայտնի լացի պատմությունը սկսում է, երբ ճգնաժամ է, գալիս, ասում են՝ դե, 1 միլիարդ մեզ տվեք, 5՝ նրան տվեք, 60 միլիարդ այնտեղ դրեք: Դուք, մենք բոլորս ենք ձևավորում բյուջեն: Որտեղի՞ց վճարենք, երբ դուք ասում էիք՝ չկա այդ փողը»,- ասաց Նիկոլ Փաշինյանը:

1lurer.am

Հայաստանը կարևորում է ԵԱՏՄ ներքին շուկաների պաշտպանության ընդհանուր մոտեցման մշակումը. Նիկոլ Փաշինյան

Աշխատանքային այցով Ղազախստանում գտնվող վարչապետ Նիկոլ Փաշինյանն այսօր Ալմաթիում մասնակցել է Եվրասիական միջկառավարական խորհրդի հերթական նիստի աշխատանքներին:

Ավինյանը ներկայացրել է կորոնավիրուսի հետևանքների վերացման և տնտեսական ակտիվության միջավայրի վերականգնմանն ուղղված գործողությունները

ՀՀ փոխվարչապետ Տիգրան Ավինյանը Կառավարության նիստում ներկայացրեց «Տնտեսական արձագանքման ծրագիրը և գործողությունների նախնական պլանը հաստատելու մասին» որոշման նախագիծը:

ԵՄ-ն տրամադրում է ավելի քան 35 մլն. եվրոյի դրամաշնորհ՝ ՔՈՎԻԴ-19 համավարակի հետևանքների չեզոքացմանը

ԵՄ-ի արձագանքը բխում է «Team Europe» մոտեցումից , որի նպատակն է փրկել կյանքեր` այս համաճարակի դիմակայմանն ուղղված արագ և նպատակային աջակցություն ցուցաբերելով մեր գործընկերներին։