Մուտք

Invalid username or password

Մոռացե՞լ եք գաղտնաբառը

Հարկային փոփոխությունները նոր նախադրյալներ կստեղծեն արտահանմանը կողմնորոշված ճյուղերի զարգացման համար

Վերադարձ լուրերի բաժին

11:46 , 30 Ապրիլ 2019

Հարկային օրենսգրքում փոփոխություններ և լրացումներ կատարելու մասին նախագծով պետությունը նաև արտահանմանը կողմնորոշված ճյուղերի շահութաբերության զարգացման համար նոր հնարավորություններ է ստեղծում: Շահութահարկը նվազեցվում է, եկամտահարկը դառնում համահարթ:

ԱԺ տնտեսական հարցերի հանձնաժողովի կազմակերպած խորհրդարանական լսումների ժամանակ այդ մասին ասաց ՀՀ ֆինանսների փոխնախարար Արման Պողոսյանը՝ ներկայացնելով Հարկային օրենսգրքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը:

«Մինչ Հարկային օրենսգրքում փոփոխություններ և լրացումներ նախատեսող նախագծի մշակումը որոշակի վերլուծություններ են կատարվել՝ ախտորոշելու ներկայիս տնտեսական իրողությունները և դրանց զարգացման հնարավորություններն ու առաջնահերթությունները: Առաջին միտումն այն էր, որ արտահանմանը կողմնորոշված ճյուղերի շահութաբերությունն էականորեն զիջում է ներքին սպառմանը կողմնորոշված ոլորտների շահութաբերությանը:

Եվ, հետևաբար, ներդրումները կատարվում են ավելի շահութաբեր՝ ներքին սպառմանը կողմնորոշված ոլորտներում: Հարկային գործիքներով աջակցության հնարավորությունները սահմանափակ են, քանի որ արդեն իսկ արտահանվող ապրանքն ազատված է ավելացված արժեքի հարկից և ակցիզային հարկից: Հետևաբար, աջակցությամբ հիմնական ռեսուրսը կամ ուղղությունը պետք է լինի ուղղակի հարկերի գծով բեռի նվազեցումը: Եվ Հարկային օրենսգրքի փոփոխությունների նախագծով առաջարկվում է նվազեցնել շահութահարկի դրույքաչափը երկու տոկոսային կետով և ներդնել եկամտային հարկերի համահարթ դրույքաչափ»,-ասաց Պողոսյանն ու հավելեց, որ եկամտահարկը կդառնա 23 տոկոս, այնուհետև, յուրաքանչյուր տարի մեկական տոկոս իջնելով, կհասնի մինչև 20 տոկոսի:

Պողոսյանի կարծիքով՝ Հայաստանն իբրև բաց տնտեսություն ունեցող երկիր չի կարող տնտեսության զարգացման հեռանկարը կապել միայն ներքին սպառմանը կողմնորոշված ճյուղերի հնարավորությունների հետ: Նա կարևորեց բոլոր հնարավոր միջոցներով արտահանումը խրախուսելը՝ դրանով կայուն նախադրյալներ ստեղծելելով երկարաժամկետ տնտեսական աճի համար:

ԱՄԵՆԱԿԱՐԴԱՑՎԱԾ ԼՈՒՐԵՐ

23.10.2020: Շաբաթական ամփոփ տվյալներ կենտրոնական բանկից

Հոկտեմբերի 12-18-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 33.6 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 33 մլն ԱՄՆ դոլար:

ՊԵԿ-ը հորդորում է եկամտահարկի վերադարձման դիմումները ներկայացնել էլեկտրոնային եղանակով

Համավարակով պայմանավորված՝ ՊԵԿ-ը կոչ է անում հնարավորինս հետևել սահմանափակումներին և հորդորում՝ փաստաթղթերը հարկային մարմին ներկայացնել բացառապես էլեկտրոնային եղանակով կամ անհրաժշետության դեպքում՝ փոստային առաքմամբ:

Ռազմական դրության ժամանակահատվածում սահմանված հարկային արտոնությունները

Լրացուցիչ հարցերի դեպքում կարող եք դիմել ՀՀ պետական եկամուտների կոմիտեի հեռախոսազանգերի կենտրոն՝ 060 544 444 կամ 0 8000 0007 հեռախոսահամարներով։