Մուտք

Invalid username or password

Մոռացե՞լ եք գաղտնաբառը

Հանքարդյունաբերողները զգալիորեն ավելացրել են հարկերը

Վերադարձ լուրերի բաժին

09:01 , 13 Նոյեմբեր 2017

Հայաստանի հանքարդյունաբերական խոշոր ընկերությունները այս տարի զգալիորեն ավելացրել են իրենց կողմից պետբյուջե վճարվող հարկերն ու տուրքերը։

ՊԵԿ-ի կողմից հրապարակված 2017 թվականի հունվար-սեպտեմբերի խոշոր հարկատուների ցանկի առաջին 100-յակում տեղ են գտել 5 հանքարդյունաբերական ընկերություններ, որոնցից 3-ը՝ առաջին տասնյակում։

Հանքարդյունաբերական ընկերությունների շարքում խոշորագույն հարկատուն Զանգեզուրի պղնձամոլիբդենային կոմբինատն է։ Այս ընկերությունը նախորդ տարվա հունվար-սեպտեմբերի համեմատ 2,5 անգամ ավելացրել է հարկերի ծավալը և 13,14 մլրդ դրամով զբաղեցրել խոշոր հարկատուների ցանկի 5-րդ հորիզոնականը։

6-րդ տեղում Գեոպրոմայնինգ Գոլդն է։ Այս ընկերությունը տարվա առաջին ամիսներին վճարել է 10,22 մլրդ դրամի հարկեր, որը 36,6%-ով գերազանցում է նախորդ տարվա նույն ժամանակահատվածի ցուցանիշը։

Թեղուտը այս հինգից միակն է, որը նվազեցրել է հարկերը, սակայն պահպանել է տեղը խոշոր հարկատուների առաջին տասնյակում։ Ընկերությունը վճարել է 9,14 մլրդ դրամի հարկեր և զբաղեցրել 8-րդ տեղը։

Կապանի լեռնահարստացման կոմբինատը 2,6 անգամ է ավելացրել հարկերը և 4,65 մլրդ դրամով զբաղեցրել 17-րդ տեղը (2016 թվականի սեպտեմբերին՝ 30-րդն էր)։

Սակայն անվիճելի «չեմպիոնը» Լիդիան Արմենիա ընկերությունն է։ Այն 12,5 անգամ ավելացրել է հարկերը՝ 321 մլն դրամից հասցնելով ավելի քան 4 մլրդ դրամի։ Արդյունքում՝ Լիդիան Արմենիան նախորդ տարվա 277-րդ տեղից առաջադիմել է մինչև 19-րդ տեղը։

mining

Նշենք, որ ի տարբերություն վերը նշված չորսի՝ Լիդիանը գործող հանք չէ, դեռևս չի սկսել Ամուլսարի ոսկու հանքի շահագործումը և առայժմ շինարարություն է իրականացնում։

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչպես վախեցնել զբոսաշրջիկներին. հայտնի վլոգգերը խոսել է Հայաստանի ականների մասին (տեսանյութ)

Հայտնի վլոգգեր Nas Daily-ն հոլովակ է նկարել Հայաստանի չվնասազերծված ականների մասին

Երբ կգան ներդրումները

«Քաղաքական կայունության պահպանման պայմաններում դրական սպասումները, մեծ հավանականությամբ, վեր են ածվելու ներդրումային հոսքի…

«Որևէ մեկը չի պլստալու, ես հավաստիացնում եմ». Նիկոլ Փաշինյան

Վարչապետ Նիկոլ Փաշինյանը հորդորում է չկասկածել, որ օրենքով նախատեսված հիմքերի առկայության դեպքում որևէ մեկը պատասխանատվության չի ենթարկվելու: