Մուտք

Invalid username or password

Մոռացե՞լ եք գաղտնաբառը

Հայ երիտասարդների նորարական նախագծեր կներկայացվեն ԱՊՀ հարթակում

Վերադարձ լուրերի բաժին

Հեղինակ

B4B.am

Խորագրեր

Լուրեր

11:19 , 01 Դեկտեմբեր 2016

Հայաստանի Հանրապետության սպորտի և երիտասարդության հարցերի նախարարությունը 2016 թվականին իրականություն դարձրեց «100 գաղափար Հայաստանի համար» հանրապետական երիտասարդական մրցույթը։ Ինչպես հաղորդում է «Արմենպրես»-ը, նոյեմբերի 30-ին մրցույթը, որին ներկայացվել է ավելի քան 30 հայտ՝ ամփոփվեց։ Փորձագիտական հ անձնաժողովը այդ գաղափարներից ընտրեց 13-ը։ Մրցույթի նպատակն է զարգացնել երիտասարդների նորարարական մտածողությունը։ Միջոցառման փակման արարողության շրջանակում տրվեց նախագծերի վերջնական գնահատականը և ներկայացվեցին մրցույթի 4 հաղթող գաղափարները։

ՀՀ սպորտի և երիտասարդության հարցերի նախարար Հրաչյա Ռոստոմյանը և նախարարի տեղակալ, «100 գաղափար Հայաստանի համար» մրցույթի նախագահ Արսեն Քարամյանը հանձնեցին հաղթողներին իրենց մրցանակները։ Գյուղատնտեսական գիտություններ անվանակարգում հաղթող ճանաչվեց «Կարկտային ամպերի հայտնաբերման և չեզոքացման լազերային համակարգ» նախագիծը։ Նախագծի հեղինակ Հովհաննեսն իր շնորհակալական խոսքում հույս հայտնեց, որ նմանատիպ նախագծերը շարունակական կլինեն և ներկայացված գաղափարները հնարավոր կլինի իրագործել։

Բժշկական և դեղագործական անվանակարգում հաղթող ճանաչվեց «Կրծքագեղձի քաղցկեղի նոր գենետիկական թեստ» նախագիծը։ Տեխնիկական գիտություններ անվանակարգում «Էներջի» կազմակերպությունը դարձավ հաղթող։

Հաղթողներին շնորհվեցին պատվոգրեր և խրախուսական 500.000 դրամական պարգևներ։ Արսեն Քարամյանը ներկայացրեց այս մրցույթի նախաձեռնման շարժառիթը. «Մենք այսօր խնդիր ունենք մեզանում փոխելու մեր կյանքը հանրային կյանքի ամենատարբեր բնագավառներում։ Միշտ չէ, որ մեր հնարավորությունները և առավել ևս ֆինանսականը, մեզ հնարավորություն են տալիս այդ փոփոխությունների ճանապարհին հասնելու երազելի հանգրվանին։ Այսօր պետք է փաստենք, որ փոփոխությունների հաջողության գրավականը մեր երիտասարդներն են իրենց բազմաթիվ նախաձեռնություններով։ Նախարարությունը հեն ց այս գիտակցումով էլ որոշեց կյանքի կոչել այս ծրագիրը»։

Փորձագիտական հանձնաժողովի անդամ ՀՀ տնտեսական զարգացման և ներդրումների նախարարության տեխնոլոգիական զարգացման վարչության պետ Ռուբեն Գևորգյանը «Արմենպրես»-ի հետ զրույցում ասաց, որ հաղթողները ընտրվել են մի քանի չափանիշներով, որոնցից գլխավորը եղել է Հայաստանի համար կիրառական նշանակությունը, ինչպես նաև գաղափարի նորարար լինելը, արծարծված խնդրի արդիականությունը և առաջարկվող լուծման նորարար մոտեցումը։ Նրա խոսքով՝ հեշտ չի եղել հաղթողներին ընտրելը. «Մենք բոլորին ցանկանում էին հաղթող ճանաչել՝ մեկը մի առումով էր լավ, մյուսը այլ չա փանիշով էր գերազանցում և բուռն քննարկման արդյունքում եկանք վերջնական եզրահանգման»։

«100 գաղափար Հայաստանի համար» հանրապետական երիտասարդական մրցույթի հաղթող նախագծերը 2018 թվականին կմասնակցեն «100 գաղափար ԱՊՀ-ի համար» միջազգային մրցույթին։

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանում նորածիններին ավելի հաճախ տրվող անունները 2017 թվականին

Աղջիկ երեխաների շրջանում ամենատարածված անունը Նարեն է՝ 712 երեխա։

Պետպատվերի շրջանակում սրտի ստենտավորման գինը կնվազի մինչև 700 000 դրամ

Առողջապահության նախարարի կարծիքով՝ 2018-ի հունվար-փետրվար ամիսներին արդեն կգործի նոր գին:

«Բուհերին խնդրել ենք ուսման վարձերը չբարձրացնել». Լևոն Մկրտչյան

Հայաստանում այս տարի դիմորդների թիվը նվազել է 1500-ով։ Լրագրողների հետ զրույցում ՀՀ կրթության և գիտության նախարարն այդ ամենը մեկնաբանել է կրթության ոլորտում փոփոխություններով