Մուտք

Invalid username or password

Մոռացե՞լ եք գաղտնաբառը

Հայ-ամերիկյան SoloLearn-ը 5,6 մլն դոլար ներդրում է ստացել

Վերադարձ լուրերի բաժին

Հեղինակ

B4B.am

Խորագրեր

Դայջեսթ

23:01 , 30 Սեպտեմբեր 2018

5.6 մլն դոլար ներդրում է ստացել հայ-ամերիկյան SoloLearn ստարտափը: Ներդրումն իրականացրել է Naspers Ventures-ը՝ Learn Capital-ի մասնակցությամբ:

Ընկերության ներկայացուցիչները նշում են, որ ներդրումն իրենց կօգնի առաջխաղացնել ընկերության գլոբալ զարգացումը, ինչպես նաև մեծացնել իրենց թիմերը Հայաստանում և Ամերիկայում:

«Մենք հավատում ենք, որ միշտ նոր բան կա սովորելու, երբ խոսքը վերաբերում է կոդավորմանը: SoloLearn-ը ամբողջ աշխարհում կիրառվում է ուսանողների կողմից, որոնք ցանկանում են մեծացնել իրենց կոդավորման հմտությունները, և մենք ցանկանում ենք ավելի ընդլայնվել, ավելի շատ ուսանողների դասավանդել, ավելի շատ մարզերում ապահովել ավելի բազմազան և առաջադեմ ուսումնառություն,- նշում է SoloLearn-ի գլխավոր տնօրեն Եվա Հյուսյանը,- Մենք ուրախ ենք ողջունել Naspers-ին` որպես մեր նոր ներդրումային գործընկերը՝ հաշվի առնելով իրենց գլոբալ տարածվածությունը և փորձառությունը»:

Նշենք նաև, որ ստարտափը հատել է ամսական 1 մլն ակտիվ օգտատերերի սահմանը:

Հիշեցնենք, որ նախորդ տարի SoloLearn ստարտափը հաղթել էր Facebook-ի FbStart մրցույթում՝ ստանալով 100 հազար դոլար մրցանակ:

SoloLearn ստարտափն ամենամեծ հարթակներից է, որի նպատակն է՝ սովորեցնել ծրագրավորում և ներկայացնել՝ ինչպես աշխատել կոդերի հետ:

Ստարտափն առաջարկում է սովորել 12 անվճար դասընթացներ: Այդ թվում՝ JavaScript, Swift, Python, C++, HTML/CSS և այլ լեզուներ:

Ծրագիրն ամենաշատն օգտագործում են ԱՄՆ-ում, Հնդկաստանում և Ռուսաստանում:

Ստարտափը գործում է Android, iOS, Windows և web հարթակներում:

Սիրարփի Աղաբաբյան

Նյութի աղբյուրը՝ 168.am

ԱՄԵՆԱԿԱՐԴԱՑՎԱԾ ԼՈՒՐԵՐ

«Բանկերն ու բիզնեսը «զգուշավորություն» են ցուցաբերում». Վարդան Արամյան (Sputnik Արմենիա)

27% –ով աճել են ձեռնարկությունների բանկային ներդրումները։ Այսինքն` բիզնեսը գերադասում է բանկ գումար դնել (գրեթե առանց ռիսկի)

Սա Հայաստանի համար լուրջ խնդիր է։ Վրաստանը խլո՞ւմ է «հայկական հացը»

Այս հարցը ուղղակիորեն վերաբերում է Հայաստանի ազգային անվտանգությանը։