Մուտք

Invalid username or password

Մոռացե՞լ եք գաղտնաբառը

Հայտնի ռեստորատոր Արամ Մնացականովի «Пробка»-ն՝ Սանկտ Պետերբուրգի լավագույն ռեստորանների թոփ-5-յակում

Վերադարձ լուրերի բաժին

Հեղինակ

B4B.am

Խորագրեր

Աշխարհ

22:57 , 02 Հունիս 2017

Փորձագետները, որոնց թվում ներառված են շեֆ խոհարարներ ու ռեստորատորներ, կազմել են Սանկտ Պետերբուրգի լավագույն 100 հաստատությունների վարկանշային աղյուսակը:

Նրանց կողմից խորհուրդ տրվող ռեստորանների ցանկում, որը հրապարակել է Antenna Daily պարբերականը, առաջատար դիրքեր է զբաղեցնում Արամ Մնացականովի «Пробка» ռեստորանը (probka.org):

Մնացականյանի ռեստորանը գտնվում է վարկանշային աղյուսակի չորրորդ հորիզոնականում: Նրանից առաջ են երկու նորաձև ռեստորաններ՝ Duo Gastrobar-ը և «Տարտարբարը», ինչպես բաև «Կոկոկո» ռեստորանը, որը պատկանում է Մաթիլդ և Սերգեյ Շնուրովներին:

Արամ Մնացականովը ռուսաստանցի հայտնի ռեստորատոր է, «Адская кухня» հաղորդաշարի հեղինակը, իտալական ռեստորանների մի քանի ցանցի հիմնադիր:

Հարցազրույցներից մեկում, որը պատմում է սանկտպետերբուրգցիների շրջանում իտալական խոհանոցի տարածվածության մասին, նա հայտարարարել է, թե Իտալիայի հետ ծանոթացնելու ցանկությունը կապված է Հայաստանի մասին հիշողությունների հետ, քանի որ երկու երկրների սննդի մշակույթը շատ նման է միմյանց:

Նա Իտալիայով սկսել է հետաքրքրվել 1990-ականների սկզբին, երբ Ռուսաստան ներկրում էր գինի:

«Ես տեսա, թե ինչ ջանասիրությամբ են նրանք մթերք արտադրում և թե ինչ ուրախությամբ են այն օգտագործում: Իհարկե, նրանց հիանալի հող է տրված, սակայն ինչ-որ յուրահատուկ բան կա իտալացիների արյան մեջ: Ինձ՝ որպես հայի, ցնցեց սնվելու այդ մշակույթը: Ամեն ինչ շատ նման էր իմ հայրենիքին՝ արևը, լեռները, կանաչին, աղմկոտ շուկաները, շատ հյուրասեր և շատախոս մարդիկ,- «Ռոսբալտի» հետ զրույցում ասել էր ռեստորատորը:

Իտալական խոհանոցի ավանդույթները տարածելու համար Արամ Մնացականովը 2007թ. արժանացել է «Իտալիայի Հանրապետությանը մատուցած արժանիքների համար» (Ordine al Merito della Repubblica Italiana) շքանշանի:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանը Եվրամիության հետ համաձայնագիրը կվավերացնի մինչև մայիս

Եվրանեսթում հունիսի 25-29-ը տեղի ունեցած լիագումար նիստից Հայաստանի պատվիրակությունը գոհ է վերադարձել։

ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը

Այդ մասին ի պատասխան ԱՄՆ Հայ դատի գրասենյակի նամակին՝ հայտարարել է ԱՄՆ պետքարտուղար Մայք Պոմպեոն, ով հանդիսանում է նշված կորպորացիայի խորհրդի ղեկավարը:

ԱՄՆ-ն վերագործարկում է GSP-ն Հայաստանի համար

GSP համակարգում ներառված ապրանքները կարող են մուտք գործել ԱՄՆ շուկա մաքսատուրքի իջեցված կամ զրոյացված դրույքաչափերով։